បន្ទាយមានជ័យ ៖ កម្លាំងកងរាជអាវុធហត្ថក្រុងប៉ោយប៉ែតបង្ក្រាបទីតាំងផលិតទឹកក្រាធុំដកហូតបាន៣០០ដប និងស្លឹក១៦៧គីឡូក្រាមចំណែកម្ចាស់គេចខ្លួនបាត់ ករណីនេះបង្ក្រាបនៅរសៀលថ្ងៃទី២៨ ខែកក្តដា ឆ្នាំ២០២៤ នៅចំណុចម្តុំចំការស្វាយ ស្ថិតភូមិសាមគ្គីមានជ័យ សង្កាត់អូរជ្រៅ…
បន្ទាយមានជ័យ ៖ កម្លាំងកងរាជអាវុធហត្ថក្រុងប៉ោយប៉ែតបង្ក្រាបទីតាំងផលិតទឹកក្រាធុំដកហូតបាន៣០០ដប និងស្លឹក១៦៧គីឡូក្រាមចំណែកម្ចាស់គេចខ្លួនបាត់ ករណីនេះបង្ក្រាបនៅរសៀលថ្ងៃទី២៨ ខែកក្តដា ឆ្នាំ២០២៤ នៅចំណុចម្តុំចំការស្វាយ ស្ថិតភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ។
លោកវរៈសេនីយ៍ត្រី គង់ រិទ្ធា មន្ត្រីនគរបាលយុត្តិធម៌មូលដ្ឋានកងរាជអាវុធហត្ថក្រុងប៉ោយប៉ែតបានប្រាប់ថា ៖ នៅពេលចុះបង្ក្រាប គឺកម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានធ្វើការស្រាវជ្រាវ និងចុះបង្ក្រាបទីតាំងផលិតទឹកក្រាធុំ និងបានដកហូតវត្ថុតាងមាន១.ទឹកក្រាធុំ បានចំនួន៣០០ដប ២.ស្លឹកក្រាធុំ១០ថង់ធំ ស្មើ១៦៧គីឡូក្រាម ៣.ឆ្នាំងផលិតទឹកក្រាធុំចំនួន៦ឆ្នាំ ៤.ថ្នាំបាត់ក្អកសារធាតុផ្សំ ចំនួន២កេសធំ ៥.កញ្ឆាស្ងួតចំនួន៧ថង់ ៦.កាធុងដែកចំនួន០៦ធុង ៧.ធុងទឹកកកចំនួន៣ធុងធំ ៨.ឧបករណ៍ជក់កញ្ឆាចំនួន៣១បំពង់ ៩.ជញ្ជីងថ្លឹងគ្រឿងញៀ.នចំនួន៤គ្រឿង ១០.ថង់វិចខ្ចប់ និងដបច្រកមួយចំនួន១០.ទូរដែកចំនួន១ទូ ។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា ៖ ជាការណែនាំពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ ក្រោយកម្លាំងកងរាជអាវុធហត្ថខេត្តបន្ទាយមានជ័យសហការជាមួយកម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានចុះប្រតិបត្តិការបង្ក្រាបត្រូវម្ចាស់ផលិតទឹកក្រាធុំត្រូវបានគេចខ្លួនចាក់សោផ្ទះទុកចោល កម្លាំងសហការជាមួយអាជ្ញាធរមូលដ្ឋានកាត់សោផ្ទះចូល និងរឹបអូសយកវត្ថុតាងទីតាំងផលិតទឹកក្រាធុំ ។
លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានបញ្ជាក់ថា ៖ ក្រោយមានការសម្របសម្រួលពីព្រះរាជអាជ្ញាអយ្យការអមសាលាដំបូងខេត្តបន្ទាយមានជ័យ កម្លាំងកងរាជអាវុធហត្ថខេត្តបន្ទាយមានជ័យ និងក្រុងប៉ោយប៉ែត ចុះប្រតិបត្តិការបង្ក្រាបរឹបអូស វត្ថុតាងមានមួយចំនួន ត្រូវបានយកមករក្សាទុកនៅទីបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត ដើម្បីយកទៅបំផ្លាញចោល ដោយទឹកក្រាធុំ ដែលផលិតលាយសារធាតុផ្សំមានថ្នាំបាត់ក្អក ដែលទឹកក្រាធុំធ្វើអោយប៉ះពាល់សុខភាពអ្នកប្រើប្រាស់យុវវ័យ និងកុមារហើយស្លឹកក្រាធុំ ត្រូវបាននាំចូលពីប្រទេសថៃផលិតក្រុងប៉ោយប៉ែត និងផលិតទឹកក្រាធុំបានលក់ចែកចាយ ៕
ចែករំលែកព័តមាននេះ