អ្នកដែលមានលំនៅស្ថាន នៅតាមបណ្តោយប្រភពទឹកដែលធ្លាក់មកពីតំបន់អូសោម ដែនជម្រកសត្វក្រពើភ្នំ សូមលើកកម្ពស់ការប្រុងប្រយ័ត្ន ពីព្រោះនៅទីនោះមានទឹកជំនន់ក្រពើអាចមកតាមទឹក ។ លោក ខូយ រីដា អភិបាលខេត្តពោធិសាត់…
អ្នកដែលមានលំនៅស្ថាន នៅតាមបណ្តោយប្រភពទឹកដែលធ្លាក់មកពីតំបន់អូសោម ដែនជម្រកសត្វក្រពើភ្នំ សូមលើកកម្ពស់ការប្រុងប្រយ័ត្ន ពីព្រោះនៅទីនោះមានទឹកជំនន់ក្រពើអាចមកតាមទឹក ។
លោក ខូយ រីដា អភិបាលខេត្តពោធិសាត់ បានចែករំលែកនៅលើបណ្តាញសង្គមរបស់លោក កាលពីថ្ងៃទី ២៧ ខែកក្កដា ថា នៅភូមិគៀនជម្រុក ឃុំអូរសោម ជំនន់ទឹកភ្លើងបានជន់លិចភូមិ ។
លោកបានចែករំលែកនៅលើបណ្តាញសង្គមថា ប្រជាជនសូមប្រុងប្រយ័ត្ន ពីព្រោះសត្វក្រពើអាចនឹងមកតាមទឹក ! សូមបងប្អូនប្រជាពលរដ្ឋមេត្តាប្រុងប្រយ័ត្នទាំងអស់គ្នា ពិសេសកូនតូចៗ ។
ជាការពិតអូរសោម ត្រូវបានគេដឹងថា គឺជាដែនជម្រកធម្មជាតិរបស់សត្វក្រពើភ្នំ មួយកន្លែងនៅក្នុងប្រទេសកម្ពុជា ។ អូរសោម ឃុំអូរសោម ស្រុកវាលវែង ខេត្តពោធិ៍សាត់ និងអារ៉ែង ឆាយរាប ស្ទឹងខៀវ និងតំបន់ស្តារក្រពើឡើងវិញនៅឃុំតាទៃលើ ស្ថិតក្នុងខេត្តកោះកុង ត្រូវបានគេដឹងថា គឺជាដែនអភិរក្សសត្វក្រពើភ្នំមួយដ៏សំខាន់ ដែលមានក្រពើប្រមាណជាជាង១០០ក្បាល ។
លក្ខណៈជីវសាស្ត្ររបស់សត្វក្រពើប្រភេទនេះមិនបង្កគ្រោះថ្នាក់ដល់មនុស្សទេ ប៉ុន្តែទោះបីជាយ៉ាងណាក៏ដោយក៏ត្រូវតែប្រុងប្រយ័ត្នជាពិសេសខ្លាចករណីក្រពើភ្នំ ត្រូវបង្កាត់ជាមួយនឹងប្រភេទក្រពើចិញ្ចឹមដែលរួចកន្លែងចិញ្ចឹមនានាកើតមានដោយចៃដន្យ ៕
ចែករំលែកព័តមាននេះ