ខេត្តព្រះសីហនុ ៖ បន្ទប់ជួលរបស់កម្មករ-កម្មការិនីចំនួន៤ល្វែង (ស្មើ៤៣បន្ទប់)ត្រូវបានអគ្គិភ័យឆេះយ៉ាងសន្ធោសន្ធៅ កាលពីវេលាម៉ោង០៨ និង៤០នាទីព្រឹកថ្ងៃទី២៥ កក្កដា ២០២៤ ស្ថិតក្នុងតំបន់ហ្វាងជិង០៩យិជា ភូមិរាម…
ខេត្តព្រះសីហនុ ៖ បន្ទប់ជួលរបស់កម្មករ-កម្មការិនីចំនួន៤ល្វែង (ស្មើ៤៣បន្ទប់)ត្រូវបានអគ្គិភ័យឆេះយ៉ាងសន្ធោសន្ធៅ កាលពីវេលាម៉ោង០៨ និង៤០នាទីព្រឹកថ្ងៃទី២៥ កក្កដា ២០២៤ ស្ថិតក្នុងតំបន់ហ្វាងជិង០៩យិជា ភូមិរាម ឃុំរាម ស្រុកព្រៃនប់ ខេត្តព្រះសីហនុ ។
ប្រភពឱ្យដឹងថា អគ្គិភ័យនេះបានកើតឡើងក្នុងពេលដែលកម្មករ-កម្មការិនីបានចេញទៅធ្វើការអស់ ។ រីឯមូលហេតុត្រូវបានសង្ស័យផ្តើមចេញទុស្សេខ្សែភ្លើង ។ ដោយឡែក សម្ភារប្រើប្រាស់នៅក្នុងបន្ទប់នីមួយៗត្រូវបានឆេះស្ទើរទាំងស្រុង ព្រោះអណ្តាតភ្លើងឆាបឆេះមានស្ថានភាពខ្លាំងក្លាពេក ។
ប្រភពឱ្យដឹងថា កម្មករ-កម្មការិនីទាំងអស់ត្រូវបានលោកអភិបាលស្រុក និងសមត្ថកិច្ចអាជ្ញាធរមូលដ្ឋានបានហៅមកតម្រង់ជួរនៅតំណុចកើតហេតុ ដើម្បីរាប់ចំនួនចៀសវាងក្រែងមានបាត់កម្មករណាដែលមិនទាន់ចេញពីបន្ទប់ ។
មានព័ត៌មានបន្ថែមកោះសន្តិភាពផ្សាយជូនបន្ត ។
ចែករំលែកព័តមាននេះ