ខេត្តព្រះសីហនុ ៖ កាលពីថ្ងៃទី២២ កក្កដា ឆ្ឆ្នាំ២០២៤ វេលាម៉ោង១៩និង០០នាទី នៅតាមបណ្ដោយតិរវិថីសម្តេចហ៊ុន សែន ផ្លូវលេខ១៤៨ ចន្លោះគីទ្បូម៉ែត្រលេខ(០៩-១០)…
ខេត្តព្រះសីហនុ ៖ កាលពីថ្ងៃទី២២ កក្កដា ឆ្ឆ្នាំ២០២៤ វេលាម៉ោង១៩និង០០នាទី នៅតាមបណ្ដោយតិរវិថីសម្តេចហ៊ុន សែន ផ្លូវលេខ១៤៨ ចន្លោះគីទ្បូម៉ែត្រលេខ(០៩-១០) ស្ថិតនៅក្រុម០៤ ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើង បង្កឡើងដោយរថយន្តដឹកទូកុងទីនរ័ ដែលមានទិសដៅពីស្រុកស្ទឹងហាវ ទៅក្រុងព្រះសីហនុ ។
សមត្ថកិច្ចមូលដ្ឋានបានឲ្យដឹងថា រថយន្តបង្កហេតុ ម៉ាក FUSO ពណ៌ត្រួយចេក ពាក់ស្លាកលេខកណ្ដាល,៣A-១៣០៧ សណ្ដោងរ៉ឺម៉ក ពាក់ស្លាកលេខភ្នំពេញ ៤A -៨៨០៨ អ្នកបើកបរមិនស្គាល់អត្តសញ្ញាណក្រោយកើតហេតុ (រត់គេចខ្លួនបាត់ស្រមោល)។
ប្រភពខាងលើបានបន្តឲ្យដឹងបន្ថែមទៀតថា មុនណេលកើតហេតុ គេឃើញរថយន្តដែលមានភិនភាគខាងលើ បើកបរចេញមកពីស្រុកស្ទឹងហាវចូលមកខេត្តព្រះសីហនុ ។ លុះមកដល់ចំណុចកើតហេតុខាងលើ រថយន្តកំពុងបើកបរផ្លូវចំណោតចុះឆ្លងកាត់ផ្លូវរថភ្លើង គាប់ជួនមានខ្សែរថភ្លើងមួយខ្សែមកដល់ត្រង់ចំណុចរថយន្តកំពុងតែរៀបនិងឆ្លងកាត់ផ្លូវ ពេលនោះអ្នកបើកបររថយន្តបានកាច់ចង្កូតទៅខាងស្ដាំដៃ ហើយក៏បុករះចូលក្នុងផ្ទះប្រជាពលរដ្ឋតែម្ដង ។
ប្រភពខាងលើបានបញ្ជាក់ឲ្យដឹងបន្ថែមទៀតថា ម្ចាស់ផ្ទះមានឈ្មោះ សុង សុជាតា ភេទស្រី អាយុ៤៧ឆ្នាំ មានទីលំនៅកន្លែងកើតហេតុខាងលើ មិនបណ្តាលឲ្យរងរបួសឬគ្រោះថ្នាក់ដល់អាយុជីវិតមនុស្សទេ។ ដោយឡែក សម្ភារខូចខាតរួមមាន 1-ទ្វារខាងមុខផ្ទះ (3 គុណ៤ម៉ែត្រ ) ២-ស្រយ៉ាបខាងមុខផ្ទះ (៤ គុណ១២ ម៉ែត )និងខូចខាត ពិដានមួយចំនួនទៀត ។
ក្រោយកើតហេតុ រថយន្តបង្ករត្រូវបាននគរបាលនៃអធិការដ្ឋានស្រុកស្ទឹងហាវយកទៅរក្សាទុកដើម្បីដោះស្រាយតាមនិតិវិធី ។
ចែករំលែកព័តមាននេះ