​(ចិន)៖ Robotaxi ដែលជាឈ្មោះឡានតាក់ស៊ីគ្មានអ្នកបើកបរ ត្រូវបានគ្រប់គ្រងដោយក្រុមហ៊ុន Baiduដែលបានវិនិយោគយ៉ាងច្រើនលើរថយន្តស្វយ័តក្នុងរយៈពេលប៉ុន្មានឆ្នាំចុងក្រោយនេះ។

 ឡានតាក់ស៊ីគ្មានអ្នកបើកបររាប់ពាន់គ្រឿង ត្រូវបានដាក់ពង្រាយពេញទីក្រុងវូហាន (Wuhan) ប្រទេសចិន ដែលយកតម្លៃថោកបំផុតនៅក្នុងប្រទេសចិន ដែលធ្វើឲ្យមនុស្សជាច្រើនជាពិសេសអ្នកប្រកបរបររត់តាក់ស៊ីព្រួយបារម្ភថាជីវភាពរបស់ពួកគេកាន់តែយាប់យ៉ឺន។

រថយន្តបើកបរដោយខ្លួនឯង ដែលជារឿយៗគេហៅថា robotaxi (តាក់ស៊ីមនុស្សយន្ត) មានប្រជាប្រិយភាពក្នុងតម្លៃថោកបំផុតនៅទីក្រុង Wuhan ដែលមានមនុស្ស១១លាននាក់រស់នៅ។ ទីក្រុងនេះមានមហិច្ឆតាចង់ក្លាយជា «ទីក្រុងគ្មានអ្នកបើកបរ» ដំបូងបង្អស់របស់ពិភពលោក។

https://www.facebook.com/haochen.zhang.165/posts/pfbid02mCZAYrNPmvU67oQCRTN4npHx2tPZfgru7ngNKvNbG9NwJbxhKww4psBFpTiBnSYcl

ថ្មីៗនេះមានការចែករំលែកនូវវីដេអូបង្ហាញនូវសកម្មភាពអ្នកអ្នក​ដំណើរ​ដែល​បាន​ជួលរថយន្តតាក់ស៊ីគ្មានអ្នកបើកបរនេះ ដែល​ទាក់ទាញ​អ្នក​ចូល​មើល ៨០លាន​ដង​នៅ​លើ Weibo កាល​ពី​សប្តាហ៍​មុន​បាន​និយាយ​ថា៖ «អ្នក​នឹង​មិន​ចាំបាច់​ទិញ​ឡាន​ទេ»។

កាសែត Global Times បានរាយការណ៍កាលពីថ្ងៃទី១៧ ខែកក្កដាថា តម្លៃសំបុត្រជាមូលដ្ឋានសម្រាប់ការជិះ robotaxi ចាប់ផ្តើមពីតម្លៃ៤យន់ ទៅ១៨យន់។ សេវាកម្មនេះបានចាប់ផ្តើមនៅឆ្នាំ២០២២ ហើយបានចាប់ផ្តើមទាក់ទាញការចាប់អារម្មណ៍នៅក្នុងឆមាសទីមួយនៃឆ្នាំនេះ។ ក្រុមហ៊ុនមានគោលបំណងបង្កើន ដល់ ១,០០០គ្រឿងនៅចុងឆ្នាំ២០២៤។យោងតាមនាយកដ្ឋានដឹកជញ្ជូនរបស់ទីក្រុង Wuhan បច្ចុប្បន្នមានតាក់ស៊ីធម្មតាប្រហែល ១៧,០០០ គ្រឿង។

ប៉ុន្តែការអនុម័តយ៉ាងឆាប់រហ័សនៃតាក់ស៊ីគ្មានអ្នកបើកបរបានធ្វើឱ្យកម្លាំងពលកម្មនៅក្នុង ប្រទេសចិនដែលកំពុងទទួលរងនូវប្រាក់ឈ្នួល បន្ទាប់ពីជំងឺរាតត្បាតនិងផលប៉ះពាល់នៃវិបត្តិលំនៅដ្ឋាន។

ប្រភពព័ត៌មានបានលើកឡើងថា «ជាមួយនឹងសេដ្ឋកិច្ចរបស់ប្រទេសចិនកំពុងជួបការលំបាក ប្រជាជននឹងភ័យខ្លាចបាត់បង់ការងាររបស់ពួកគេ»។

អ្នកដែលរស់នៅទីក្រុង Wuhan ក៏បានត្អូញត្អែរអំពីការកកស្ទះចរាចរណ៍ផងដែរ ដោយសារតែរថយន្តគ្មានអ្នកបើកបរ មិនឆ្លើយតបទៅនឹងភ្លើងសញ្ញាចរាចរណ៍បានល្អ។ សារព័ត៌មាន People’s Daily បានរាយការណ៍ថា កាលពីដើមខែនេះ តាក់ស៊ីមនុស្សយន្តបានបើកឆ្លងភ្លើងក្រហម ហើយបានបុកអ្នកថ្មើរជើង។

សូមបញ្ចាក់ថា តាក់ស៊ីបើកបរដោយខ្លួនឯងបច្ចុប្បន្នដំណើរការក្នុងកម្រិតតិចតួចនៅក្នុងទីក្រុងមួយចំនួនជុំវិញពិភពលោក ភាគច្រើននៅក្នុងសហរដ្ឋអាមេរិក និងប្រទេសចិន ខណៈដែលប្រទេសអារ៉ាប់រួមក៏កំពុងស្វាគមន៍ក្រុមហ៊ុនមកពីជុំវិញពិភពលោកចូលរួមក្នុងការសាកល្បងរថយន្តគ្មានអ្នកបើកបរផងដែរ៕ ប្រភព៖ South China Morning Post