ខេត្តបន្ទាយមានជ័យ ៖ ក្រោយផ្លូវមួយកន្លែងមានសភាពរអិលដូចខ្លាញ់ដែលប្រជាពលរដ្ឋកំពុងជួបការលំបាកទៅមកនោះ ត្រូវបានឯកឧត្តមបណ្ឌិត ប៉ាន់ ខែមប៊ុនថន នាយរងខុទ្ទកាល័យសម្តេចបវរធិបតី ហ៊ុន ម៉ាណែត នាំយកគ្រឿងចក្រ៥ទៅ៦គ្រឿងទៅឈូសឆាយសម្រួលផ្លូវឱ្យបានល្អឡើងវិញ…
ខេត្តបន្ទាយមានជ័យ ៖ ក្រោយផ្លូវមួយកន្លែងមានសភាពរអិលដូចខ្លាញ់ដែលប្រជាពលរដ្ឋកំពុងជួបការលំបាកទៅមកនោះ ត្រូវបានឯកឧត្តមបណ្ឌិត ប៉ាន់ ខែមប៊ុនថន នាយរងខុទ្ទកាល័យសម្តេចបវរធិបតី ហ៊ុន ម៉ាណែត នាំយកគ្រឿងចក្រ៥ទៅ៦គ្រឿងទៅឈូសឆាយសម្រួលផ្លូវឱ្យបានល្អឡើងវិញ កាលពីរសៀលថ្ងៃទី១៩ ខែកក្កដា ឆ្នាំ២០២៤ ស្ថិតនៅភូមិសុខសាន្ត សង្កាត់និមិត្ត ក្រុងប៉ោយប៉ែត។
លោក គាត ហ៊ុល អភិបាលក្រុងប៉ោយប៉ែតបានប្រាប់ថា ផ្លូវមួយខ្សែដែលប្រវែងជាង១,០០០ម៉ែត្រស្ថិតភូមិសុខសាន្ត ភ្ជាប់ពីក្រុងប៉ោយប៉ែត ទៅស្រុកម៉ាឡៃ ត្រូវបានរងការខូចខាតបណ្តាលមានភក់
រអិលដូចខ្លាញ់ ធ្វើប្រជាពលរដ្ឋ និងសិស្សានុសិស្សជួបការលំបាកទៅមក ហើយបានស្នើសុំពីឯកឧត្តមបណ្ឌិត ប៉ាន់ ខែមប៊ុនថន នាយរងខុទ្ទកាល័យសម្តេចបវរធិបតី ហ៊ុន ម៉ាណែត បាននាំ
យកគ្រឿងចក្រប្រមាណ៤ ទៅ៥គ្រឿងធ្វើការឈូសឆាយ និងចាក់កម្ទេចថ្មសម្រួលអោយប្រជាពលរដ្ឋទៅមកបានស្រួល ។
ឯកឧត្តមបណ្ឌិត ប៉ាន់ ខែមប៊ុនថន បានបញ្ជាក់ដែរថា ផ្លូវ១ខ្សែប្រវែងជាង១គីឡូម៉ែត្រ ដែលរងការខូចខាត និងមានភក់រអិលដូចខ្លាញ់ប្រជាពលរដ្ឋ និងសិស្សានុសិស្សជួបការលំបាកទៅមកក្នុងការសិក្សា ទើបជាការយកចិត្តទុកដាក់ពីប្រមុខរាជរដ្ឋាភិបាលកម្ពុជា ដែលមានសម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្រុមការងារថ្នាក់ជាតិចុះជួលមូលដ្ឋានក្រុងប៉ោយប៉ែត ដោយឃើញពីទុក្ខលំបាករបស់ប្រជាពលរដ្ឋ ក្រុមការងារបាននាំយកគ្រឿងចក្រ៤ទៅ៥គ្រឿងចុះឈូសឆាយនិងដាក់កម្ទេចថ្ម ដើម្បីសម្រួលចរាចរណ៍ដល់ប្រជាពលរដ្ឋមិនអោយជួបការលំបាកទៀតឡើយ។
ប្រជាពលរដ្ឋនិងអាជ្ញាធរមូលដ្ឋានភូមិសុខសាន្តបានថ្លែងអំណគុណចំពោះឯកឧត្តមបណ្ឌិត ប៉ាន់ ខែមប៊ុនថន ដែលបានជួយធ្វើការជួសជុលឡើងវិញផ្លូវដែលជួបការលំបាកនេះបានស្រួលឡើងវិញដែលប្រជាពលរដ្ឋលេងជួបការលំបាកទៀតហើយអគុណសន្តិភាព៕
ចែករំលែកព័តមាននេះ