ខេត្តកំពង់ស្ពឺ ៖ នគរបាលស្រុកភ្នំស្រួចឃាត់ខ្លួនបានជនសង្ស័យចំនួន០២នាក់ ដកហូតបានវត្ថុតាងម៉ាទឹកកកចំនួន១៣កញ្ចប់ ខណៈដែលប្រជាពលរដ្ឋបាលរាយការណ៍ថា មានក្រុមក្មេងៗស្ទាវតែងតែជិះម៉ូតូចេញចូលផ្ទះចំណុចកើតហេតុខាងលើនេះរាល់ថ្ងៃ ។ ការឃាត់ខ្លួនក្រុមជនសង្ស័យចំនួន០២នាក់បានកាលពីវេលាម៉ោង០៣និង១០នាទីរសៀលថ្ងៃទី០៥ ខែកញ្ញា ឆ្នាំ២០២៤…
ខេត្តកំពង់ស្ពឺ ៖ នគរបាលស្រុកភ្នំស្រួចឃាត់ខ្លួនបានជនសង្ស័យចំនួន០២នាក់ ដកហូតបានវត្ថុតាងម៉ាទឹកកកចំនួន១៣កញ្ចប់ ខណៈដែលប្រជាពលរដ្ឋបាលរាយការណ៍ថា មានក្រុមក្មេងៗស្ទាវតែងតែជិះម៉ូតូចេញចូលផ្ទះចំណុចកើតហេតុខាងលើនេះរាល់ថ្ងៃ ។ ការឃាត់ខ្លួនក្រុមជនសង្ស័យចំនួន០២នាក់បានកាលពីវេលាម៉ោង០៣និង១០នាទីរសៀលថ្ងៃទី០៥ ខែកញ្ញា ឆ្នាំ២០២៤ នៅក្នុងភូមិសំបួរ ឃុំមហាសាំង ស្រុកភ្នំស្រួច ខេត្តកំពង់ស្ពឺ។
នគរបាលស្រុកភ្នំស្រួចបានឱ្យដឹងថា មុននឹងឈានដល់ការឃាត់ខ្លួនក្រុមជនសង្ស័យខាងលើនេះ គឺមានប្រជាពលរដ្ឋល្អបានរាយការណ៍ថានៅចំណុចផ្ទះរបស់ឈ្មោះ សៅ ញ៉ាញ់ ភេទស្រី អាយុ៥៧ឆ្នាំ នៅភូមិសំបួរ ឃុំមហាសាំង ស្រុកភ្នំស្រួច ខេត្តកំពង់ស្ពឺ មានក្រុមក្មេងៗ តែងតែជិះម៉ូតូចេញចូលនៅទីនោះសង្ស័យមានការជួញដូរគ្រឿងញៀន ក្រោយពីទទួលបានព័ត៌មាន កម្លាំងអធិការដ្ឋាននគរបាលស្រុកភ្នំស្រួច ចុះទៅដល់ទីតាំងខាងលើ បានឃាត់ខ្លួនមុខសញ្ញាសង្ស័យពាក់ព័ន្ធករណីគ្រឿងញៀនចំនួនពីរនាក់ ។
នគរបាលស្រុកភ្នំស្រួចបានបន្តទៀតថា ក្រុមជនសង្ស័យដែលឃាត់បាន មានឈ្មោះដូចខាងក្រោម៖
១-ឈ្មោះឈួន សុវណ្ណហៅ (និត) ភេទប្រុស អាយុ៤២ឆ្នាំ មានទីលំនៅភូមិទួល ឃុំមហាសាំង ស្រុកភ្នំស្រួច ២-ឈ្មោះញឹម កំសត់ ហៅ(ហាក់) ភេតប្រុស អាយុ១៥ឆ្នាំ មានទីលំនៅភូមិសំបួរ ឃុំមហាសាំង ស្រុកភ្នំស្រួច ។
ក្រោយឃាត់ខ្លួន ក្រុមជនសង្ស័យនគរបាលដកហូតវត្ថុតាងរួមមាន៖ ១-ម្សៅក្រាមពណ៌ សថ្លាគ្រឿងញៀនប្រភេទម៉ាទឹកកក ចំនួន១៣កញ្ចប់តូច(សង្ស័យជាគ្រឿងញៀន) ២-ទូរសព្ទដៃអិនចុចពិល១គ្រឿង ។
បច្ចុប្បន្ន ក្រុមជនសង្ស័យនិងវត្ថុតាងខាងលើ នគរបាលជំនាញកំពុងសាកសួរ និងកសាងសំណុំរឿងចាត់ការតាមនីតិវិធី៕
ចែករំលែកព័តមាននេះ