រាជធានីភ្នំពេញ ៖ មហាវិថីស៊ីជិនពីងនឹងចូលរួមពង្រឹងផ្នែកនយោបាយរវាងកម្ពុជា-ចិនកាន់ តែរឹងមាំ ព្រមទាំងកាត់បន្ថយគ្រោះថ្នាក់ចរាចរណ៍នៅក្នុងប្រទេសកម្ពុជាផងដែរ ។ នេះបើតាមការបញ្ជាក់របស់ឯកឧត្តមឧបនាយករដ្ឋមន្ត្រី ស៊ុនចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា…
រាជធានីភ្នំពេញ ៖ មហាវិថីស៊ីជិនពីងនឹងចូលរួមពង្រឹងផ្នែកនយោបាយរវាងកម្ពុជា-ចិនកាន់ តែរឹងមាំ ព្រមទាំងកាត់បន្ថយគ្រោះថ្នាក់ចរាចរណ៍នៅក្នុងប្រទេសកម្ពុជាផងដែរ ។ នេះបើតាមការបញ្ជាក់របស់ឯកឧត្តមឧបនាយករដ្ឋមន្ត្រី ស៊ុនចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ។
ថ្លែងក្នុងពិធីសម្ពោធបង្គោលផ្លាកឈ្មោះផ្លូវ«មហាវិថី ស៊ីជិនពីង»នាព្រឹកថ្ងៃទី១៩ ខែកក្កដា ឆ្នាំ២០២៤ ថា ក្រោមគំនិតផ្តួចផ្តើមខ្សែក្រវ៉ាត់ និងផ្លូវដែលបានដាក់ចេញដោយប្រធានាធិបតីចិន ស៊ីជិនពីង មិនត្រឹមតែចូលរួមចំណែកក្នុងការអភិវឌ្ឍសង្គម សេចដ្ឋកិច្ចកម្ពុជាតែប៉ុណ្ណោះទេ តែថែមទាំងជួយពង្រឹងឯករាជ្យនយោបាយរបស់កម្ពុជាផងដែរ ។
ឯកឧត្តមឧបនាយករដ្ឋមន្ត្រីបានគូសបញ្ជាក់ថា ៖«មហាវិថីស៊ីជិនពីងនេះ ជាកំណាត់ផ្លូវវៀងក្រុងមួយដែលបានចូលសម្រួលក្នុងការធ្វើដំណើរ និងដឹកជញ្ជូនទំនិញគ្រប់ប្រភេទ ដោយមិនចាំបាច់ឆ្លងកាត់រាជធានីភ្នំពេញ ។ ផ្លូវនេះ មានភាពប្រទាក់ក្រឡាជាមួយបណ្តាផ្លូវជាតិសំខាន់ៗដូចជា ៖ ផ្លូវជាតិលេខ១ លេខ២ លេខ៣ លេខ៤ លេខ៥ ព្រមទាំងតភ្ជាប់ផ្លូវល្បឿនលឿនភ្នំពេញ -ព្រះសីហនុ ហើយនៅពេលអនាគតនឹងមហាវិថីនេះក៏នឹងតភ្ជាប់ផ្លូវល្បឿនលឿនភ្នំពេញបាវិតផងដែរ» ។
ឯកឧត្តមឧបនាយករដ្ឋមន្ត្រីបានលើកឡើងទៀតថា មហាវិថីស៊ីជិនពីង នឹងចូលរួមចំណែកក្នុងការកកស្ទះចរាចរណ៍ និងគ្រោះថ្នាក់ចរាចរណ៍នៅកម្ពុជាប្រទេសកម្ពុជាផងដែរ ។ មិត្តចិនបានកំពុងតែឈរក្នុងលំដាប់ទី១ ដែលបានផ្តល់ឥនទានសម្បទានជាជំនួយជាច្រើន សរុបជាង៣ពាន់លានដុល្លារអាមេរិក និងសាងសង់ខ្សែផ្លូវសរុបប្រមាណ៤ពាន់គីឡូម៉ែត្រ និងស្ពានធំៗចំនួន១៦ស្ពាន ប្រវែងសរុបប្រមាណ១៤ពាន់ម៉ែត្រ ។
ជាមួយគ្នានោះដែរ ឯកឧត្តមស៊ុន ចាន់ថុល ក៏បានឲ្យដឹងថា ចំពោះវិស័យវិនិយោគវិញ សម្រាប់ឆមាសទី១ ឆ្នាំ២០២៤ មិត្តចិនបានធ្វើការវិនិយោគលំដាប់ទី២ ស្មើនឹង៤២% នៃទំហំវិនិយោគសរុបមានទន់១.៣ពាន់លានដុល្លារអាមេរិក ។
ក្នុងឱកាសនោះដែរ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូនបានគូសបញ្ជាក់ថា ការប្រសិទ្ធនាមឈ្មោះផ្លូវ« មហាវិថី ស៊ី ជីនពីង» និងការរៀបចំពិធីជាផ្លូវការនាពេលនេះ គឺជាសក្ខីភាពថ្មីមួយបន្ថែមទៀតរវាងកម្ពុជា និងចិន ដែលបានបង្កប់នូវអត្ថន័យនៃទំនាក់ទំនងទ្វេភាគីជាប្រវត្តិសាស្ត្រយូរអង្វែង និងបានរីកចម្រើនរហូតដល់កម្រិតមួយដែលមិនអាចបំបែកបាន ។
ឯកឧត្តមបានបន្តថា មហាវិថី ស៊ី ជីនពីង មានប្រវែង៤៧,១០គីឡូម៉ែត្រ គឺជាកំណាត់ផ្លូវមេ ឆ្លងកាត់ភូមិសាស្ត្ររាជធានីភ្នំពេញ និងខេត្តកណ្តាល មានចំណុចចាប់ផ្តើមពីគីឡូម៉ែត្រ ២៤+៨៤០ នៃផ្លូវជាតិលេខ១ ទៅដល់គីឡូម៉ែត្រ១៤+១០៥ នៃផ្លូវជាតិលេខ៤ ត្រូវបានសម្ពោធបើកឱ្យប្រើប្រាស់ជាផ្លូវការ កាលពីថ្ងៃទី៣ ខែសីហា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភានៃព្រះរាជាណាចក្រកម្ពុជា ៕
ចែករំលែកព័តមាននេះ