(ឥណ្ឌា)៖ យោងតាម Page Six បានឱ្យ ដឹងថាសេដ្ឋីនី Kim Kardashian បានចូលរួមក្នុងពិធីមង្គលការរបស់មហាសេដ្ឋីឥណ្ឌាលោក Anant Ambani និងនាង Radhika Merchant បានធ្វើឱ្យមហាជន ក៏ដូចជាសារព័ត៌មានទូទាំងពិភពលោកចុះផ្សាយជាហូរហែនូវវត្តមានរបស់នាង។

Kim Kardashian ពិតជាលេចធ្លោជាមួយនឹងឈុតប្រពៃណីឥណ្ឌាពណ៌ក្រហម អមជាមួយនឹងគ្រឿងពេជ្រតម្លៃរាប់លានដុល្លារ។ ជាមួយគ្នានោះ នាងក៏រងការរិះគន់ពីមហាជន ដោយមនុស្សជាច្រើនជឿថា Kardashian មិនគួរស្លៀកឈុតពណ៌ក្រហម ស្របពេល នៅក្នុងប្រទេសឥណ្ឌា ថាពណ៌ក្រហមគឺសម្រាប់តែកូនក្រមុំនៅថ្ងៃរៀបការ។

មានការលើកឡើងថាពីអ្នកនិយមលេងអ៊ីនធឺណិត ថាវាមិនសមរម្យ ព្រោះនាងមើលទៅលេចធ្លោ ជាងកូនក្រមុំទៅទៀត ហើយមានអ្នកបញ្ចេញមតិថា «ខ្ញុំ​នឹង​ជៀស​វាង​ការ​ស្លៀក​ពាក់​ពណ៌​ក្រហម​ទៅ​ក្នុង​កម្មវិធី​មង្គលការ​ មិន​ថា​អ្នក​ជា​ភ្ញៀវ​ប្រុស​ឬ​ស្រី​ទេ»។

ហាក់​ដូចជា​មិន​ខ្វល់​នឹង​ការ​រិះគន់​នោះ Kim បាន​ចែករំលែក​រូបថត​មួយ​សន្លឹក​ទៀត​កាលពី​ថ្ងៃ​ចន្ទ។ លើក​នេះ​នាង​បាន​បង្អួតឈុតប្រពៃណីឥណ្ឌាពណ៌​ស​ជាមួយនឹង​អង្កាំ​មាស និង​ប៉ាក់​ដ៏​ប្រណិត ព្រម​ទាំង​គ្រឿងអលង្ការ​ប្រាក់​ដ៏​ស្រស់​ស្អាត​ផង​ដែរ៕ ប្រភព៖ Daily Mail