នារីរូបស្រស់ម្នាក់ចេញមករៀបរាប់ទាំងទឹកភ្នែកថា បន្ទាប់ពីត្រូវបារីអេឡិចត្រូនិកស៊ីសួតអស់ បងប្រុសល្អរបស់ខ្លួនទៅបានសុខហើយ នៅឡើយតែអ្នកបន្ទាប់ បើឈប់បានឈប់ទៅ កុំអោយមានវិប្បដិសារី ។ ថ្មីៗនេះ មហាជនលើបណ្តាញសង្គមផ្តោតការចាប់អារម្មណ៍កាន់តែខ្លាំងលើសោកនាដកម្មដែលបង្កឡើងដោយឃាតករស៊ីសួត គឺបារីអេឡិចត្រូនិក…
នារីរូបស្រស់ម្នាក់ចេញមករៀបរាប់ទាំងទឹកភ្នែកថា បន្ទាប់ពីត្រូវបារីអេឡិចត្រូនិកស៊ីសួតអស់ បងប្រុសល្អរបស់ខ្លួនទៅបានសុខហើយ នៅឡើយតែអ្នកបន្ទាប់ បើឈប់បានឈប់ទៅ កុំអោយមានវិប្បដិសារី ។
ថ្មីៗនេះ មហាជនលើបណ្តាញសង្គមផ្តោតការចាប់អារម្មណ៍កាន់តែខ្លាំងលើសោកនាដកម្មដែលបង្កឡើងដោយឃាតករស៊ីសួត គឺបារីអេឡិចត្រូនិក ដែលបានឆក់យកជីវិតយុវជនវ័យក្មេងដ៏ស្រស់សង្ហារម្នាក់ មានគណនីហ្វេសបុកឈ្មោះថា Dara Love ។
យុវជនរូបនេះ មានឈ្មោះដើមថា ហុក ប៉ៅ បានស្លាប់បាត់បង់ជីវីតទាំងវ័យក្មេង ដោយសារតែជំងឺសួតធ្ងន់ធ្ងរដំណាក់កាលចុងក្រោយ កាលពីល្ងាចថ្ងៃទី១៣ ខែកក្កដា ឆ្នាំ២០២៤ ។ ហុកប៉ៅ ឬ Dara Love ត្រូវបានមនុស្សជិតស្និទ្ធិចេញមកអះអាងដូចៗគ្នាថា មូលហេតុដែលជំងឺសួតរបស់គាត់ ឈានដល់ដំណាក់កាលមិនអាចស្រោចស្រង់បាន ព្រោះតែរូបគេជាមនុស្សដែលញៀននឹងការជក់ Yooz បានតែប៉ុន្មានឆ្នាំ ប៉ុន្តែទើបតែធ្វើទុក្ខ ធ្លាក់ខ្លួនឈឺ ទើបដឹងថា ខ្លួនអស់សួតនៅក្នុងខែកក្កដានេះប៉ុណ្ណោះ។ Yooz គឺជាប្រភេទបារីអេឡិចត្រូនិកម្យ៉ាងដ៏ពេញនិយមនៅក្នុងចំណោមក្រុមមនុស្សវ័យក្មេងទាំងប្រុសទាំងស្រី នាពលេបច្ចុប្បន្នក្នុងសង្គមខ្មែរ ។
ហុក ប៉ៅ ត្រូវបានក្រុមគ្រួសាររៀបចំពិធីបុណ្យ និងបូជាសពរួចរាល់ទៅតាមប្រពៃណី កាលពីល្ងាចថ្ងៃអាទិត្យ ទី១៤ ខែកក្កដា ឆ្នាំ២០២៤ ។ ការលាដែលគ្មានថ្ងៃត្រឡប់របស់ Dara Love បន្សល់ទុកនូវអារម្មណ៍សោកសង្រេងសម្រាប់សាច់ញាតិមិត្តភ័ក្រ ដែលបានបាត់បង់មនុស្សជាទីស្រលាញ់ក្នុងពេលដ៏ខ្លីព្រោះតែបារីអេឡិចត្រូនិក ។
រឿងរ៉ាវរបស់ Dara Love រឹតតែទាកទាញចំណាប់អារម្មណ៍ពីមហាជនលើបណ្តាញសង្គមកាន់តែខ្លាំងបន្ថែមទៀតនោះ ក្រោយពីនារីដ៏ស្រស់ស្អាតម្នាក់ដែលមានគណនីហ្វេសបុកឈ្មោះថា Rii Benny បានរៀបរាប់នូវសារដាស់តឿនមួយទៅកាន់អ្នកដែល កំពុងជក់បារីអេឡិចត្រូនិក ព្រោះតែបារីនេះ បានបំបែកបងប្រុសដែលរាប់អានគ្នាស្និទ្ធិស្នាលម្នាក់ចេញពីលើលោកនេះដោយគ្មានថ្ងៃវិលវិញ ។
ប្អូនស្រី Rii Benny បានរៀបរាប់យ៉ាងដូច្នេះថា៖ «ទទួលយកមិនបានទេ បងប្រុសដ៏សែនល្អរបស់ប្អូនអើយ បងលាប្អូនរហូតហើយ បងល្អខ្លាំងណាស់ មិនគួរបងទៅចោលប្អូនបែបនេះទេ លឿនពេកហើយ កំសត់កម្រជាមួយគ្នាជួបរឿងជាច្រើនជាមួយគ្នាពេលនេះបាត់វត្តមានបងហើយ។ សូមវិញ្ញាណក្ខន្ធ័បងទៅកាន់សុកតិភពកើតជាតិក្រោយអោយល្អអោយសំណាងអោយអាយុវែងជាងនេះណាបង ប្អូននៅតែស្រឡាញ់និងចងចាំទង្វើល្អរបស់បងជារៀងរហូត គាត់ស្លាប់ដោយសារជម្ងឺសួត សូមបងប្អូនទាំងអស់គ្នាឈប់ជក់អាYooz (បារីអេឡិចត្រូនិច)អីនឹងទៅ ប៉ះពាល់ណាស់យូរៗទៅស៊ីសួតអស់ហើយ ឈប់ទៅណាបងប្អូនកុំអោយមានវិប្បដិសារីថ្ងៃក្រោយ សុំទោសបើនិយាយទៅប៉ះពាល់តែនេះជាសារដាស់តឿនព្រោះវាមិនចម្រើន អ្នកទៅបានសុខហើយ នៅឡើយអ្នកនៅឈឺចាប់។»
ក្រៅពីសារខាងលើ ប្អូនស្រី Rii Benny ក៏បានចេញមកបញ្ជាក់តាមរយៈការឡាយផ្ទាល់ ដោយបានលើកម្រាមដៃដប់សំពះ អំពាវនាវទៅកាន់អ្នកដែលកំពុងជក់បារីអេឡិចត្រូនិកសូមបញ្ឈប់ជាបន្ទាន់ ហើយសូមប្រញាប់ប្រញាល់ទៅឆែកសុខភាព ដើម្បីកុំឱ្យហួសពេល ប្អូនស្រី Rii Benny បង្ហើបថា បងប្រុសដែលខ្លួនរាប់អានគោរពស្រលាញ់មិនមែនស្លាប់ទៅដោយស្រួលទេ ប៉ុន្តែមុនពេលស្លាប់ គឺកើតមានអាការៈ ឈឺចាប់ ពិបាកទ្រាំ ពិបាកដកដង្ហើម និយាយឱ្យចំគឺស្លាប់ទាំងវេទនាខ្លាំងណាស់។
គួរកត់សម្គាល់បន្ថែមថា ក្រោយពីម្ចាស់គណនី Dara Love បានស្លាប់បាត់ទៅហើយក្តី គេមិនដឹងថាជាសាច់ញាតិ ឬជានរណាឱ្យប្រាកដនោះទេ ដែលកាន់កាប់គណនីហ្វេសបុកខាងលើនេះ ព្រោះគេឃើញគណនីនេះបង្ហោះរូប Yooz មួយសន្លឹកដោយភ្ជាប់នូវសារមួយថា «សូមនាក់ទាំងអស់គ្នាកុំប្រព្រិតអារបស់នេះ វាមិនរីកចម្រើនដល់សុខភាពទេ នេះវាបានបំផ្លាញសួតគាត់ ហើយបានផ្តាច់សង្ខារគាត់បាត់ហើយ ដោយសារតែរបស់នេះ»៕
ចែករំលែកព័តមាននេះ