ការនាំចេញគ្រាប់ស្វាយចន្ទីឆៅ មានតម្លៃជិត១ពាន់លានដុល្លារ ប្រហែលនឹង១ភាគ៣ នៃតម្លៃនាំចេញកសិផលសរុប របស់កម្ពុជាឈរនៅលំដាប់ខ្ពស់ជាងគេ ធៀបនឹងកសិផលដទៃ ។ នេះបើតាមលោក ឃឹម ហ្វីណង់…
ការនាំចេញគ្រាប់ស្វាយចន្ទីឆៅ មានតម្លៃជិត១ពាន់លានដុល្លារ ប្រហែលនឹង១ភាគ៣ នៃតម្លៃនាំចេញកសិផលសរុប របស់កម្ពុជាឈរនៅលំដាប់ខ្ពស់ជាងគេ ធៀបនឹងកសិផលដទៃ ។
នេះបើតាមលោក ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទបានអះអាង កាលពីថ្ងៃទី១០ ខែកក្កដា ឆ្នាំ២០២៤ ។
លោកនិយាយដែរថា នៅឆមាសទីមួយដើមឆ្នាំបរិមាណនាំចេញកសិផលពីកម្ពុជាកើនឡើងដល់ទៅ៥៧ ភាគរយធៀបនឹងរយៈពេលដូចគ្នាក្នុងឆ្នាំ២០២៣ ។
អ្នកនាំពាក្យក្រសួងជំនាញនេះបានអះអាងថា កំណើននេះ ភាគច្រើន គឺដោយសារតែកំណើននៃការនាំចេញដំឡូងមី គ្រាប់ស្វាយចន្ទី និងស្រូវ តែម្តង ។
លោកបានបន្តទៀតថា នៅក្នុងចំណោមកសិផលនាំចេញ ទាំងនេះ ៩៤ភាគរយ គឺឆ្ពោះទៅទីផ្សារសំខាន់នៃប្រទេសបី ដោយនៅក្នុងនោះស្រូវ ចន្ទី ដំឡូងមី ស្វាយស្រស់ គឺនាំចេញទៅវៀតណាម រីឯថៃវិញ គឺទទួលដំឡូងមី ស្វាយស្រស់ ម្ទេស និងកន្ទក់ ហើយចិនវិញ គឺមានចេក អង្ករ ដំឡូងមី ស្វាយ និង មៀន ៕
ចែករំលែកព័តមាននេះ