ADផ្ទាំងផ្សព្វផ្សាយពាណិជ្ជកម្ម

Picture

កូរ៉េ​ខាង​ត្បូង​ត្រៀម​ប្រើ​ប្រាស់​អា.វុ.ធ​កាំ​រស្មី​បា.ញ់​ទម្លាក់​ដ្រូន​កូរ៉េ​ខាង​ជើង

3 ថ្ងៃ មុន

ទី​ក្រុង​សេអ៊ូល៖ នា​ពេល​ឆាប់​ៗ​នេះ កូរ៉េ​ខាង​ត្បូង​ត្រៀម​ប្រើ​ប្រាស់​អាវុធ​កាំ​រស្មី​ឡាស៊ែរ​បាញ់​ទម្លាក់​​យន្ត​ហោះ​ដ្រូន​ដែល​បង្ហោះ​ចេញ​ពី​កូរ៉េ​ខាង​ជើង​ឆ្លង​ចូល​ព្រំ​ដែន​កូរ៉េ​ខាង​ត្បូង​។ មាន​ន័យ​ថា​​​កូរ៉េ​ខាង​ត្បូង​ជា​ប្រទេស​​ទី១​នៅ​លើ​ពិភព​លោក​ដែល​ត្រៀម​ប្រើ​ប្រាស់​អាវុធ​ដ៏​ទំនើប​នេះ​​ដើម្បី​បើក​ប្រតិ​បត្តិ​ការ​​នៅ​ក្នុង​វិស័យ​យោធា​។ នេះ​បើ​យោង​តាម​ទី​ភ្នាក់​ងារ​លទ្ធ​កម្ម​ខាង​បរិក្ខារ​យោធា​នៃ​ក្រសួង​ការ​ពារ​ជាតិ​បង្ហើប​ឱ្យ​ដឹង​នៅ​ថ្ងៃ​ព្រហស្បតិ៍​។​ កូរ៉េ​ខាង​ត្បូង​បានប្រសិទ្ធ​នាម​​​យុទ្ធ​នា​ការ​ប្រើ​ប្រាស់​អាវុធ​ឡាស៊ែរ​នេះ​ថា​ជា​ «កម្ម​វិធី​សង្គ្រាម​ផ្កាយ»​។ ​កូរ៉េ​ខាង​ត្បូង​អះ​អាង​ថា​អាវុធ​ស៊េរី​ទំនើប​នេះ​មាន​លក្ខណៈ​ល្អ​ប្រសើរ​ជា​ច្រើន​។ ទី១​-​វា​ជា​អាវុធ​ផលិត​រួម​គ្នា​រវាង​ក្រសួង​ការ​ពារ​ជាតិ និង​ក្រុម​ហ៊ុន​ឯក​ជន​ហាន​វ៉ា…

ទី​ក្រុង​សេអ៊ូល៖ នា​ពេល​ឆាប់​ៗ​នេះ កូរ៉េ​ខាង​ត្បូង​ត្រៀម​ប្រើ​ប្រាស់​អាវុធ​កាំ​រស្មី​ឡាស៊ែរ​បាញ់​ទម្លាក់​​យន្ត​ហោះ​ដ្រូន​ដែល​បង្ហោះ​ចេញ​ពី​កូរ៉េ​ខាង​ជើង​ឆ្លង​ចូល​ព្រំ​ដែន​កូរ៉េ​ខាង​ត្បូង​។ មាន​ន័យ​ថា​​​កូរ៉េ​ខាង​ត្បូង​ជា​ប្រទេស​​ទី១​នៅ​លើ​ពិភព​លោក​ដែល​ត្រៀម​ប្រើ​ប្រាស់​អាវុធ​ដ៏​ទំនើប​នេះ​​ដើម្បី​បើក​ប្រតិ​បត្តិ​ការ​​នៅ​ក្នុង​វិស័យ​យោធា​។ នេះ​បើ​យោង​តាម​ទី​ភ្នាក់​ងារ​លទ្ធ​កម្ម​ខាង​បរិក្ខារ​យោធា​នៃ​ក្រសួង​ការ​ពារ​ជាតិ​បង្ហើប​ឱ្យ​ដឹង​នៅ​ថ្ងៃ​ព្រហស្បតិ៍​។​

កូរ៉េ​ខាង​ត្បូង​បានប្រសិទ្ធ​នាម​​​យុទ្ធ​នា​ការ​ប្រើ​ប្រាស់​អាវុធ​ឡាស៊ែរ​នេះ​ថា​ជា​ «កម្ម​វិធី​សង្គ្រាម​ផ្កាយ»​។ ​កូរ៉េ​ខាង​ត្បូង​អះ​អាង​ថា​អាវុធ​ស៊េរី​ទំនើប​នេះ​មាន​លក្ខណៈ​ល្អ​ប្រសើរ​ជា​ច្រើន​។ ទី១​-​វា​ជា​អាវុធ​ផលិត​រួម​គ្នា​រវាង​ក្រសួង​ការ​ពារ​ជាតិ និង​ក្រុម​ហ៊ុន​ឯក​ជន​ហាន​វ៉ា (Hanwha) ដូច្នេះ​ មាន​តម្លៃ​ថោក​គួរ​សម​ បាញ់​១​គ្រាប់​ចំណាយ​​២​ពាន់​វុន ឬ​១,៤៥​ដុល្លារ​​​​ ហើយ​មាន​ប្រសិទ្ធ​ភាព​ខ្ពស់​ណាស់​ បាញ់​មិន​ចេះ​​ឱ្យ​ខុស​ទេ​។ ទី​២-​អាវុធ​នេះ​អាច​បើ​​ប្រតិ​បត្តិ​ការ​​​ស្ងាត់​ៗ​ និង​​បំបាំង​​ខ្លួន​ពី​ភ្នែក​​​របស់​ពួក​បច្ចា​មិត្ត​។​​​

យើង​ជា​ប្រទេស​ទី​១​នៅ​លើ​ពិ​ភព​លោក​ដែល​ដាក់​ឱ្យ​ប្រើ​ប្រាស់​អាវុធ​ឡាស៊ែរ​សម្រាប់​បាញ់​ទម្លាក់​យន្ត​ហោះ​ដ្រូន​។ កង​ទ័ព​របស់​យើង​នឹង​ខិត​ខំ​ពង្រឹង​កម្លាំង​ទប់​ទល់​នឹង​ការ​បង្ក​ហេតុ​របស់​កូរ៉េ​ខាង​ជើង​ដោយ​ប្រើ​ប្រាស់​យន្តហោះ​ដ្រូន​។ កូរ៉េ​ខាង​ត្បូង​ចាត់​ទុក​ថា​អាវុធ​ថ្មី​នេះ​អាច​ស៊ីសង​គ្នា​បាន​​នៅ​ក្នុង​ការ​ប្រយុទ្ធ​គ្នា​ជា​មួយ​បច្ចា​មិត្ត​នា​ពេល​អនា​គត​។ នៅ​​ពេល​​​ចេញ​ប្រតិ​បត្តិ​ការ​អាវុធ​​នេះ​នឹង​​​ដុត​បំផ្លាញ​ម៉ាស៊ីន​របស់​យន្ត​ហោះ​​ដ្រូន​ និង​ប្រព័ន្ធ​អគ្គិសនី​ទាំង​អស់​​​ដោយ​បញ្ចញ​កាំ​រស្មី​ពី​១០-២០​​វិនាទី​​។​​

បើ​និយាយ​ពី​ច្បាប់​សង្គ្រាម​ ប្រទេស​កូរ៉េ​ទាំង​២​​មិន​ទាន់​​​បិទ​បញ្ចប់​សង្គ្រាម​ដែល​បន្សល់​ទុក​តាំង​ពី​ឆ្នាំ​១៩៥៣​នៅ​ឡើយ​ទេ​។ ​មាន​ន័យ​ថា​សង្គ្រាម​កូរ៉េ​បាន​បិទ​បញ្ចប់​ត្រឹម​តែ​​​​កិច្ច​ព្រម​ព្រៀង​ផ្អាក​បាញ់​គ្នា​តែ​ប៉ុណ្ណោះ​​។ ដូច្នេះ​ហើយ​កាល​ពី​ខែ​ធ្នូ ឆ្នាំ​២០២៣​ កូរ៉េ​ខាង​ជើង​បាន​បញ្ជូន​យន្ត​ហោះ​ដ្រូន​៥​គ្រឿង​ហោះ​កាត់​ព្រំ​ដែន​ចូល​ទឹក​ដី​កូរ៉េ​ខាង​ត្បូង​។ កាល​នោះ កូរ៉េ​ខាង​ត្បូង​ភ័យ​ស្លន់​ស្លោ​មិន​តិច​ទេ និង​​បាន​​​បញ្ជូន​​​យន្ត​ហោះ​ចម្បាំង និង​ឧទ្ធម្ភាគ​ចក្រ​​ជា​ច្រើន​គ្រឿង​ដើម្បី​ត្រៀម​ចេញ​អន្តរាគមន៍​បាញ់​ទម្លាក់​។

តាម​ពិត​ ប្រទេស​កូរ៉េ​ទាំង​២​ធ្លាប់​បញ្ជូន​យន្ត​ហោះ​ដ្រូន​ឆ្លង​ព្រំ​ដែន​គ្នា​ទៅ​វិញ​ទៅ​មក​ដូច​តែ​គ្នា​ទេ​។ នេះ​បើ​យោង​តាម​ការ​អះ​អាង​ដោយ​ផ្ទាល់​ពី​ប្រទេស​អាមេរិក​ដែល​ជា​សម្ព័ន្ធ​មិត្ត​របស់​កូរ៉េ​ខាង​ត្បូង​។ សព្វ​ថ្ងៃ​នេះ ប្រទេស​ខ្លះ​ដូច​ជា​កូរ៉េ​ខាង​ត្បូង, ចិន និង​អង់គ្លេស​កំពុង​តែ​ប្រឡង​ប្រជែង​គ្នា​ផលិត​ និង​បំពាក់​អាវុធ​ឡាស៊ែរ​។ អាវុធ​​នេះ​ពិត​ជា​មិន​ឥត​ប្រយោជន៍​ទេ​សម្រាប់​បាញ់​ទម្លាក់​យាន​ដែល​គេ​បញ្ជូន​មក​ពី​ចម្ងាយ​ដោយ​គ្មាន​មនុស្ស​បើក​បរ​។ អាវុធ​នេះ​ក៏​ប្រើ​ប្រាស់​សម្រាប់​បាញ់​ទម្លាក់​មីស៊ីល​ ឬ​ផ្កាយ​រណប​ផង​ដែរ​។ ខាង​លើ​នេះ​ជា​ការ​អះ​អាង​របស់​ក្រុម​រេន​ ខប​​ផឺរេសិន​ (RAND Corporation)​​ ជា​ក្រុម​អ្នក​វិភាគ​អំពី​អាវុធ​៕​

អត្ថបទសរសេរ ដោយ

កែសម្រួលដោយ