ADផ្ទាំងផ្សព្វផ្សាយពាណិជ្ជកម្ម

Picture

ពុទ្ធោ! ចុះទិញអីវ៉ាន់មួយភ្លែត ទុកកូនតូចឱ្យចាំក្នុងឡាន ស្រាប់តែកូនទាញកាំភ្លើងលេង កេះកៃចំខ្លួនឯងបណ្តាលឱ្យអស់ជីវិត

4 ថ្ងៃ មុន

(អាមេរិក)៖ ក្មេងប្រុសអាយុ ២ឆ្នាំម្នាក់បានស្លាប់បាត់បង់ជីវិត ក្រោយទាញកាំភ្លើងលេង កេះកៃបាញ់ចំខ្លួនឯងនៅក្នុង ចំណតរថយន្ត Walmart  ខណៈពេលដែលឪពុកម្តាយចតឡានរួចចេញក្រៅទិញកាំជ្រួចនៅក្បែរនោះ។ ហេតុការណ៍នេះបានកើតឡើងនៅមុខហាងទំនិញ Walmart…

(អាមេរិក)៖ ក្មេងប្រុសអាយុ ២ឆ្នាំម្នាក់បានស្លាប់បាត់បង់ជីវិត ក្រោយទាញកាំភ្លើងលេង កេះកៃបាញ់ចំខ្លួនឯងនៅក្នុង ចំណតរថយន្ត Walmart  ខណៈពេលដែលឪពុកម្តាយចតឡានរួចចេញក្រៅទិញកាំជ្រួចនៅក្បែរនោះ។ ហេតុការណ៍នេះបានកើតឡើងនៅមុខហាងទំនិញ Walmart ក្រុង Douglas រដ្ឋ Georgia សហរដ្ឋអាមេរិក កាលពីថ្ងៃទី០៣ ខែកក្កដា ឆ្នាំ២០២៤។

សាក្សី​បាន​ប្រាប់​ប៉ូលិស​ថា ឪពុក​ម្តាយ​របស់ Nakyzi (ឈ្មោះក្មេងប្រុសរងគ្រោះ) បាន​ឮ​ស្នូរ​កាំភ្លើង ហើយ​បាន​រត់​ត្រឡប់​ទៅ​រថយន្ត​វិញ​ភ្លាមៗ។ ហើយ​បាន​រក​ឃើញ​ថា កូនរបស់ខ្លួន​នោះ​បាន​លេង​កាំភ្លើង ហើយ​បាន​បាញ់​ចំ​ទ្រូង។

Nakyzi ត្រូវបានបញ្ជូនទៅមន្ទីរពេទ្យហើយបន្ទាប់មកផ្ទេរទៅមជ្ឈមណ្ឌលព្យាបាលនៅ Jacksonville រដ្ឋ Florida ។ បី​ថ្ងៃ​ក្រោយ​មក ក្មេង​ប្រុស​នោះ​បាន​ស្លាប់​ដោយសារ​របួសធ្ងន់។

មេប៉ូលិសក្រុង Douglas លោក Brannen Pruette បាននិយាយថាហេតុការណ៍នេះស្ថិតនៅក្រោមការស៊ើបអង្កេត លោក​បាន​បន្ត​ថា ​៖ «​អាជ្ញាធរ​កំពុង​បន្ត​ស៊ើបអង្កេត​ដើម្បី​បញ្ជាក់​ពី​ស្ថានភាព​នៃ​ឧបទ្ទវហេតុ​នេះ។» សាក្សី​បាន​និយាយ​ថា នៅ​ពេល​មាន​គ្រោះ​ថ្នាក់​បាន​កើត​ឡើង​ កុមារ Nakyzi កំពុង​អង្គុយ​នៅ​កៅអី​ខាង​មុខ​នៃ​រថយន្ត ហើយ​កាំភ្លើង​អាច​នៅ​ជាប់​នឹង​ទ្វារ។ ចំណែកឪពុកម្តាយរបស់ក្មេងប្រុស មិនទាន់ប្រឈមមុខនឹងការចោទប្រកាន់ណាមួយទេបន្ទាប់ពីឧបទ្ទវហេតុនេះ៕ ប្រភព៖ https://www.msn.com/en-sg/news/other/toddler-2-dies-after-accidentally-shooting-himself-in-the-chest/ar-BB1pFmsL?ocid=BingNewsSerp

អត្ថបទសរសេរ ដោយ

កែសម្រួលដោយ