ខេត្តព្រះសីហនុ ៖ ស្ត្រីជនជាតិថៃម្នាក់ព្យាយាមគេចខ្លួនចេញពីសណ្ឋាគារតាមបង្អួច ហើយត្រូវបានអាជ្ញាធរជំនាញធ្វើការជួយសង្គ្រោះទាន់ពេល ។ ហេតុការណ៍នេះបង្កការភ្ញាក់ផ្អើលកាលពីវេលាម៉ោង៩ព្រឹកថ្ងៃទី៨ ខែ កក្កដា ឆ្នាំ២០២៤ ស្ថិតនៅសណ្ឋាគារមួយកន្លែង…
ខេត្តព្រះសីហនុ ៖ ស្ត្រីជនជាតិថៃម្នាក់ព្យាយាមគេចខ្លួនចេញពីសណ្ឋាគារតាមបង្អួច ហើយត្រូវបានអាជ្ញាធរជំនាញធ្វើការជួយសង្គ្រោះទាន់ពេល ។ ហេតុការណ៍នេះបង្កការភ្ញាក់ផ្អើលកាលពីវេលាម៉ោង៩ព្រឹកថ្ងៃទី៨ ខែ កក្កដា ឆ្នាំ២០២៤ ស្ថិតនៅសណ្ឋាគារមួយកន្លែង ជិតរង្វង់មូលត្រីដូហ្វីន ស្ថិតក្នុងភូមិ២ សង្កាត់លេខ៣ ក្រុងព្រះសីហនុ ខេត្តព្រះសីហនុ។
ស្ត្រីជនជាតិថៃខាងលើ ឃើញប្រើខ្សែពួរទម្លាក់ខ្លួនចុះមកក្រោមតាមបង្អួច ប៉ុន្តែគេនៅមិនទាន់ដឹងពីមូលហេតុនៅឡើយ ។ ដោយសារតែខ្សែពួរដែលនារីរងគ្រោះប្រើសម្រាប់ទំលាក់ខ្លួនចុះមកក្រោមខ្លីពេក នាងត្រូវតែលតោលពាក់កណ្តាលជញ្ជាំងសណ្ឋាគារ។
នៅក្នុងហេតុការភ្ញាក់ផ្អើលខាងលើនេះ ក៏សង្កេតឃើញវត្តមានលោក សរ កក្កដា អភិបាលក្រុងព្រះសីហនុ និងសមត្ថកិច្ចជំនាញកំពុងជួយសង្គ្រោះយករថយន្តមានកន្ត្រកយោងមករុញឡើង
ដើម្បីដាក់នារីរងគ្រោះមកក្រោមវិញបានដោយសុវត្ថិភាព ។
លោកមេប៉ុស្តិ៍រដ្ឋបាលសង្កាត់លេខ៣បានឲ្យដឹងថា ចំពោះករណីខាងលើនេះ នៅមិទាន់ដឹងអំពីមូលហេតុនៅឡើយ ដោយសារខាងប៉ុស្តិ៍មិនចេះភាសាថៃ ហើយក្រោយជួយសង្គ្រោះនារីរងគ្រោះបានបញ្ជូនទៅស្នងការដ្ឋាននគរបាលខេត្តព្រះសីហនុ ដើម្បីសាកសួរបន្ត ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ