ខេត្តបន្ទាយមានជ័យ ៖ យុទ្ធនាការដកដើមក្រាថុំនៅតាមបន្ទាត់ព្រំដែន ដោយនាំគ្នាកាប់ដុតកម្ទេចចោលចំនួន១៣ដើម ធ្វើឡើងនៅថ្ងៃទី០៥ ខែកក្កដា ឆ្នាំ២០២៤ ស្ថិតនៅស្រុកម៉ាឡៃ ។ លោក…
ខេត្តបន្ទាយមានជ័យ ៖ យុទ្ធនាការដកដើមក្រាថុំនៅតាមបន្ទាត់ព្រំដែន ដោយនាំគ្នាកាប់ដុត
កម្ទេចចោលចំនួន១៣ដើម ធ្វើឡើងនៅថ្ងៃទី០៥ ខែកក្កដា ឆ្នាំ២០២៤ ស្ថិតនៅស្រុកម៉ាឡៃ ។
លោក ស្វាយ ជា អភិបាលស្រុកម៉ាឡៃបានប្រាប់ថា ក្រោយទទួលព័ត៌មាននៅក្រុងប៉ោយប៉ែតត្រូវក្រុមការងារចម្រុះចុះពិនិត្យហាមឃាត់ទីតាំងផលិតទឹកក្រាថុំ និងកាប់បំផ្លាញចោលនៅដើមក្រាថុំដែលត្រូវបានលួចលាក់ដាំ ដើម្បីផលិតជាភេសជ្ជៈទឹកក្រាថុំដែលជារុក្ខជាតិញៀនត្រូវបានហាមឃាត់ ។
លោកបានបញ្ជាក់ថា ក្រោយប្រជុំក្រុមការងារស្រុកម៉ាឡៃ ហើយអោយកម្លាំងជំនាញចុះស្រាវជ្រាវរកឃើញមានការលួចលាក់ដើមក្រាថុំ ត្រូវបានក្រុមការងារចម្រុះទៅកាប់ និងដុតកម្ទេចចោលចំនួន១៣ដើម ដែលមានអាយុប្រហែលជា២ ទៅ៣ឆ្នាំ ស្ថិតក្នុងភូមិឈើទាលចំនួន៧ដើម, ភូមិចាន់គីរីចំនួន៥ដើម, ភូមិស្វាយព្រៃចំនួន១ដើម ដែលនៅក្នុងភូមិសាស្ត្រ ស្រុកម៉ាឡៃ ។
លោក ស្វាយ ជា បានបញ្ជាក់ថា នៅពេលដែលក្រុមការងារចម្រុះចុះកាប់បំផ្លាញនិងដុតចោលដើមក្រាថុំចំនួន១៣ដើម មានម្ចាស់បានដាំចំនួន៨នាក់ ដែលដាំសម្រាប់ប្រើប្រាស់ត្រូវបានណែនាំនិងធ្វើកិច្ចសន្យាអោយបញ្ឈប់សកម្មភាពដាំដើមក្រាថុំបន្តទៀត ព្រោះជារុក្ខជាតិដែលមានសារ
ធាតុញៀន ត្រូវបានហាមឃាត់ ។
ចែករំលែកព័តមាននេះ