ខេត្តព្រះសីហនុ ៖ សមត្ថកិច្ចនគរបាលការពារព្រំដែនទឹក បានឲ្យដឹងថា នៅថ្ងៃទី០៣ ខែកក្កដានេះ នៅវេលាម៉ោងជាង៣រសៀល មានទូកនេសាទមួយគ្រឿង បានលិចនៅក្នុងសមុទ្រ ចន្លោះកោះថ្មី…
ខេត្តព្រះសីហនុ ៖ សមត្ថកិច្ចនគរបាលការពារព្រំដែនទឹក បានឲ្យដឹងថា នៅថ្ងៃទី០៣ ខែកក្កដានេះ នៅវេលាម៉ោងជាង៣រសៀល មានទូកនេសាទមួយគ្រឿង បានលិចនៅក្នុងសមុទ្រ ចន្លោះកោះថ្មី និងកោះសេះ ដោយសារជួបខ្យល់កន្ត្រាក់បក់បោក និងរលកខ្លាំង ។
ចំពោះទូកដែលលិចខាងលើនេះដែរជាប្រភេទទូកអូស ពណ៌ត្រួយចេកចាស់ ដែលមានប្រវែងបណ្តោយ១២ម៉ែត្រ ប្រវែងទទឹង២.៨ម៉ែត្រ ។
តាមសមត្ថកិច្ចបញ្ជាក់ថា នៅលើទូកនេសាទនេះមានមនុស្សចំនួន៣នាក់ មានឈ្មោះដូចខាងក្រោម ៖ ១.តៃកុងទូក ឈ្មោះ ពេជ វី ភេទប្រុស អាយុ៤៥ឆ្នាំ មានទីលំនៅភូមិរំពែង ឃុំអង្គោល ស្រុកដំណាក់ចង្អើរ ខេត្តកែប ។ ២.កូនដៃទូក ឈ្មោះ យ៉ិន ណិត ភេទប្រុស អាយុ ៣២ឆ្នាំ មានទីលំនៅភូមិស្នាំគូ ឃុំពងទឹក ស្រុកកំពុងត្រាច ខេត្តកំពត ។ ៣.កូនដៃទូក ឈ្មោះ ទើប ផៃ ភេទប្រុស អាយុ៣៥ឆ្នាំ មានទីលំនៅភូមិស្កៅ ឃុំប្ញស្សីស្រុក ស្រុកកំពុងត្រាច ខេត្តកំពត ។
ដោយឡែក សម្ភារៈនៅលើទូកដែលបាត់បង់រួមមាន ៖ ទូរស័ព្ទចំនួន ៣គ្រឿង ផែនទីចំនួន១ តេអូរចំនួន១គ្រឿង មងអូស១ដៃ លុយមួយលានរៀល ។
បច្ចុប្បន្ន មនុស្សចំនួន៣នាក់នៅលើទូក ដែលបានលិចត្រូវបានជួយសង្គ្រោះ ដោយសុវត្ថិភាពពីកម្លាំងនគរបាលការពារព្រំដែនទឹកប៉ុស្តិ៍កោះថ្មី និងកម្លាំងនគរបាលការពារព្រំដែនទឹកប៉ុស្តិ៍កោះសេះ ក្រោមបទបញ្ជាពីឯកឧត្តមសេនីយ៍ឯក ទូច ពលៈ ប្រធាននាយកដ្ឋាននគរបាលការពារព្រំដែនទឹក នាំយកមកដីគោក ។ ចំណែកឯទូក និងសម្ភារៈនៅលើទូកបានលិចចូលទៅក្នុងសមុទ្រ កម្លាំងសមត្ថកិច្ចនឹងបន្តជួយស្រង់ឡើងមកវិញតាមការជាក់ស្តែង ៕
ចែករំលែកព័តមាននេះ