ខេត្ដព្រះសីហនុ-បាត់ដំបង ៖ បុរស២នាក់បានធ្វើអត្ដឃាតដោយម្នាក់ចង.ក និងម្នាក់ទៀតផឹកថ្នាំពុល ព្រោះតែប្រពន្ធដែលម្នាក់ឈឺចាប់ដោយប្រពន្ធលួចមានសហាយស្មន់ និងម្នាក់ទៀតប្រចណ្ឌខ្លាំង ទីបំផុតពួកគេជ្រើសរើសយកការប្រល័យជីវិតខ្លួនឯងយ៉ាងកំសាកបំផុត ។ទាក់ទិននឹងបុរសដែលតូចចិត្ដប្រពន្ធមានប្រុសថ្មី ឬមានសហាយចង.កសម្លាប់ខ្លួនត្រូវបានគេប្រទះឃើញសពនៅក្នុងកូនប្រឡាយទឹក ដោយមានខ្សែអង្រឹងនៅនឹង.កកាលពី ព្រឹកថ្ងៃទី១៣ កក្កដា ត្រង់ចំណុចចំណោត លោកយាយម៉ៅ ស្ថិតក្នុងក្រុមទី១៣ ភូមិ៣ សង្កាត់លេខ១ ក្រុងព្រះសីហនុ ។យោងតាមប្រភពលោកកែវ រ៉ែន ដែលជាប្រជាពលរដ្ឋរស់នៅក្បែរផ្ទះបុរសធ្វើអត្ដ ឃាតនេះបានឱ្យដឹងថា បុរសនេះមានឈ្មោះ អ៊ិន ផន អាយុ៣៤ឆ្នាំ មានទីលំនៅក្រុមទី១៣ ភូមិ៣ សង្កាត់លេខ១ ក្រុងព្រះសីហនុ មានមុខរបរជាកម្មករវាយថ្ម ។ ប្រភពដដែលបន្ដទៀតថា ឈ្មោះអ៊ិន ផន នេះជាមនុស្សស្លូតបំផុត មិនដែលចេះរករឿងអ្នក ណាឡើយ ហើយកាលពីយប់ថ្ងៃទី១២ កក្កដា គេឃើញឈ្មោះនេះនៅនិយាយលេងធម្មតាជាមួយអ្នកជិតខាង ស្រាប់តែនៅព្រឹកថ្ងៃទី ១៣ កក្កដា ទើបដឹងថា បានស្លាប់បាត់ទៅហើយដោយការចង.ក ។ប្រជាពលរដ្ឋដែលស្គាល់បុរសរងគ្រោះ និយាយថា អ៊ិន ផល ជាមនុស្សស្លូតបំផុត គ្មាននរណាប៉ងធ្វើឃាតគាត់ទេប្រហែលតូចចិត្ដរឿងប្រពន្ធមានប្រុសសហាយថ្មីចោលខ្លួនឱ្យនៅម្នាក់ឯង ។តាមមន្ដ្រីសមត្ថកិច្ចប៉ូលិសម្នាក់បានឱ្យដឹងថា ក្រោយពីការធ្វើកោសល្យវិច័យរបស់ ក្រុមការងារពិនិត្យសាកសពរួចមក ទើបដឹងថា សាកសពមិនមែនស្លាប់ដោយមនុស្ស ឃាតទេ គឺស្លាប់ដោយចង.កធ្វើអត្ដឃាត ។ លោកបន្ដទៀតថា ចំពោះសាកសពនៅក្នុង កូនប្រឡាយទឹកនោះ ព្រោះជនរងគ្រោះ ក្រោយពីស្លាប់ចំណងខ្សែអង្រឹងជាមួយមែក ឈើមិនសូវជាប់ល្អនោះក៏របូតធ្វើឱ្យសាកសពធ្លាក់ចូលកូនប្រឡាយទឹកតែម្ដង ។ គេមិនអាចរកការបំភ្លឺតបវិញពីប្រពន្ធដែលជាប់ចោទថា មានសហាយនោះបានឡើយ។
ដោយឡែកមួយទៀត តាមព័ត៌មានពីខេត្ដបាត់ដំបងមន្ដ្រីនគរបាលមូលដ្ឋានបាននិយាយថា បុរសម្នាក់បានសំរេចចិត្ដផឹកថ្នាំពុលសម្លាប់ខ្លួន ក្រោយពីមានការប៉ះទង្គិចពាក្យសំដីបន្ដិចបន្ដួចជាមួយប្រពន្ធ ព្រោះតែប្រចណ្ឌគ្មានហេតុផល ។ សមត្ថកិច្ចបានប្រាប់ថា បុរសដែលបានផឹកថ្នាំពុលនេះឈ្មោះ សាយ វិន អាយុ៣៧ឆ្នាំ មានប្រពន្ធឈ្មោះ ស្រូយ ផល្លា អាយុ៣៦ឆ្នាំ បានផឹកថ្នាំពុលនៅវេលាម៉ោង៩និង៣០នាទីយប់ថ្ងៃទី១២ កក្កដា នៅក្នុងផ្ទះគាត់ ស្ថិតនៅក្រុមទី៥ ភូមិ បន្ទាយចារ ឃុំឆ្នាល់មាន់ ស្រុកគាស់ក្រឡ ។ប្រពន្ធជនរងគ្រោះបានប្រាប់សមត្ថកិច្ចថា ពួកគាត់បានទាស់ពាក្យសំដីគ្នាយ៉ាងតឹងសសៃ.កកាលពីយប់ រួចហើយក៏ចូលដេករៀងៗខ្លួន ។ លុះដេកមួយសន្ទុះគាត់ឮប្ដីក្អួត ចង្អោរយ៉ាងខ្លាំង ក៏ទៅមើលឃើញប្ដីបែកពពុះមាត់ និងឃើញមានដបថ្នាំពុលនៅក្បែរ ទើបគាត់ដឹងថា ប្ដីគាត់ពិតជាផឹកថ្នាំពុល ហើយគាត់ក៏បញ្ជូនទៅមន្ទីរពេទ្យស្រុកភ្លាមៗដែរ តែអកុសលដោយសារប្ដីរបស់គាត់ផឹក ច្រើនហួសកំរិត ធ្វើឱ្យគ្រូពេទ្យមិនអាចជួយសង្គ្រោះបាន ក៏បណ្ដាលឱ្យបាត់បង់ជីវិតទៅ ។លោកប៊ុន វិន នាយប៉ុសិ៍្ដឃុំឆ្នាល់មាន់ បានឱ្យដឹងថា មានអ្នកភូមិជាច្រើនដឹងរឿងរ៉ាវគ្រួសារនេះ ហើយអ្នកខ្លះនិយាយថា បុរសនោះមានជំងឺប្រចណ្ឌប្រពន្ធជាប្រចាំ សូម្បីតែយប់ឡើងប្រពន្ធចុះទៅបត់ជើងក៏បុរសនេះ កើតជំងឺសង្ស័យថា ប្រពន្ធប្រើល្បិចទៅជួបសហាយដែរ ដែលការប្រចណ្ឌនេះដូចជាហួសហេតុពេក ហើយគ្រួសារនេះឈ្លោះគ្នាទាំងយប់ទាំងថ្ងៃគ្មានអ្វីក្រៅពីរឿងប្រចណ្ឌប្រពន្ធទេ ។ នៅយប់ថ្ងៃកើតហេតុនោះ រឿងរ៉ាវកើតឡើងក៏ដោយសារការប្រចណ្ឌដែរ តែមិនដឹងថា បុរសនោះគិតយ៉ាងម៉េចទេ បានជាសំរេចចិត្ដផឹកថ្នាំពុលសម្លាប់ខ្លួនឯងបែបនេះ ៕
ចែករំលែកព័តមាននេះ