តើបងប្អូនស្គាល់កណ្តូបមួយប្រភេទនេះឬអត? ក្រោយកសិករខ្មែរមួយរូបកំពុងចិញ្ចឹមកណ្តូបមួយប្រភេទ ដើម្បីដោះស្រាយជីវភាពប្រចាំថ្ងៃ ហើយបើមកតម្លៃវិញក៏ថ្លៃគួរសម្យអាចទទួលយកបាន។
![](https://kohsantepheapdaily.com.kh/wp-content/uploads/2024/07/324a8e3cf8566a86bb755862e7a3176f.jpg)
ជាការពិត ចង្រឹតបំពង អាពីងប្រឡាក់គ្រឿង ឌុកឌឿ មានរសជាតិឈ្ងុយឆ្ងាញ់ បងប្អូនពិតជាធ្លាប់បានភ្លក់ តែសម្រាប់កណ្តូបមួយប្រភេទនេះ ធ្លាប់បានសាកភ្លក់់ហើយឬនៅ ក្រោយឮថា មានរសជាតិឆ្ងាញ់មិនចាញ់របស់ខាងលើនេះនោះឡើយ។
![](https://kohsantepheapdaily.com.kh/wp-content/uploads/2024/07/ae6e7be4abe25dd2b577236830b25f24.jpg)
ក្នុងនេះដែរ សម្រាប់របរចិញ្ចឹមកណ្តូបប្រភេទនេះ អាចថា ថ្មីសម្រាប់អ្នកដែលមិនស្គាល់ និងមិនបានដឹង ក្រោយរបរមួយនេះ ក្នុងមួយខែ រកចំណូលបានច្រើន ភ្លេចៗខ្លួនដល់ពេលប្រមូលផល ហើយបើការចិញ្ចឹមអាចថា មិនពិបាកពេកនោះឡើយ។
![](https://kohsantepheapdaily.com.kh/wp-content/uploads/2024/07/9ee0de1d53b9f3341cce45ec79b358b0.jpg)
តាមរយៈបទសម្ភាសន៍របស់កម្មវិធី 60buzz នៃសារព័ត៌មានកោះសន្តិភាព លោក គឹម អ៊ី លើកឡើងថា កណ្តូបដែលលោកចិញ្ចឹមជាពូជនាំចូលមកពីប្រទេសចិន ហើយខ្មែរយើងហៅថា កណ្តូបប៉ារ៉ា កណ្តូបប្រភេទនេះ គេយកទៅបំពងលក់ភាគច្រើននៅតាមដងផ្លូវ និងនៅតាមកន្លែងមានកម្មវិធីបុណ្យផ្សេងៗ ។
![](https://kohsantepheapdaily.com.kh/wp-content/uploads/2024/07/d4ae96896318ea42207fc4e597287f4b.jpg)
លោកចិញ្ចឹមកណ្តូបនេះបានជាងមួយឆ្នាំហើយ ចំណែកប្រាក់ចំណូលបានមកពីការចិញ្ចឹមនេះបានជួយមួយចំណែកខ្លះដែរដល់ក្រុមគ្រួសារ។ ការចិញ្ចឹមកណ្ដូបរបស់បុរសរូបនេះ លោកថា អាចទទួលបានផលចាប់ពី៣៥ថ្ងៃដល់៥០ថ្ងៃ ហើយការទទួលផលលឿនឬយឺតក៏មាននៅតាមខែប្រាំង និងខែវស្សា ដោយខែក្តៅអាចទទួលផលបានលឿនជាងខែត្រជាក់។
![](https://kohsantepheapdaily.com.kh/wp-content/uploads/2024/07/dd42a70a0044a9a10176a353cfafaf68.jpg)
លោក គឹម អ៊ីថា ដំណាក់កាលចិញ្ចឹមកណ្តូបនេះមានច្រើនដំណាក់កាល ដោយជាដំបូងតម្រូវអោយភ្ញាស់ពង បន្ទាប់មកត្រូវមើលថែកណ្តូបនោះតាំងពីតូចរហូតដល់ធំពេញវ័យ ដោយល្មមដល់ពេលត្រូវចាប់គូដើម្បីបានពងកណ្តូបយកមកភ្ញាស់បន្តទៀត។ លោក គឹម អ៊ី ដែលស្រុកកំណើតនៅ ស្រុកស្ទឹងត្រង់ ខេត្តកំពង់ចាម ហើយបច្ចុប្បន្នលោកបើកកសិដ្ធានចិញ្ចឹមកណ្តូបនេះនៅ ស្រុកម៉ាល័យ ខេត្តបន្ទាយមានជ័យ ប្រមូលផលកណ្តូបនេះក្នុងមួយខែចាប់ពី៥០គីឡូទៅ៨០គីឡូ សម្រាប់តម្លៃបើឈ្មួញមកយកដល់ទីកន្លែងកណ្តូប ១គីឡូបាន៣០០០០រៀល។
![](https://kohsantepheapdaily.com.kh/wp-content/uploads/2024/07/aa0b3b67d153b2c67d47cca79a9d5979.jpg)
ស្ថិតក្នុងវ័យ៤៨ឆ្នាំ លោកគឹម អ៊ី បានចែករំលែកពីបញ្ហាដែលលោកបានជួបប្រទះនៅក្នុងការចិញ្ចឹមកណ្តូបថា បញ្ហាចម្បងគឺពន្លឺ បើសិនជាកន្លែងចិញ្ចឹមមានពន្លឺមិនគ្រប់គ្រាន់ វាអាចធ្វើអោយកណ្តូបមាន សភាពខ្សោយ ជាពិសេសនៅពេលដែលកណ្តូប សកអាវកាក់ និងដុះស្លាបកណ្តូប និងចាប់ផ្តើមងាប់មួយៗរហូត ហើយមានបញ្ហាមួយចំនួនទៀតដូចជាការការពារកុំអោយត្រូវភ្លៀង និងការពារស្រមោចកុំអោយចូលស៊ី។ សម្រាប់អ្នកដែលចង់ចាប់ផ្តើមមុខរបរចិញ្ចឹមកណ្តូបប៉ារ៉ានេះ លោក គឹម អ៊ី បានបន្ថែមទៀតថា មុននឹងចិញ្ចឹមត្រូវរកទីតាំងដែលល្អធំទូលាយមានពន្លឺគ្រប់គ្រាន់ ហើយត្រូវដាំដើមចេក និងស្មៅដែលជាចំណីរបស់កណ្តូប។
![](https://kohsantepheapdaily.com.kh/wp-content/uploads/2024/07/8d6af5b4f5f992c761fc7683ce2a8564.jpg)
គួរជម្រាបដែរថា របរចិញ្ចឹមកណ្តូបប៉ារ៉ារបស់លោក គឹម អ៊ី អាចរកចិញ្ចឹមបានច្រើនក្នុងមួយខែៗ ដោយអាចថា គ្រាន់ដោះស្រាយជីវភាពប្រចាំថ្ងៃ និងការចាយវាយជាប្រចាំនោះ៕ដោយ៖សែ សម
![](https://kohsantepheapdaily.com.kh/wp-content/uploads/2024/07/8d6af5b4f5f992c761fc7683ce2a8564-1.jpg)
![](https://kohsantepheapdaily.com.kh/wp-content/uploads/2024/07/1585283d14e6f3bc50d5d57495525b94.jpg)
![](https://kohsantepheapdaily.com.kh/wp-content/uploads/2024/07/91e3ead9523dadbd1d67d2c565419ef7.jpg)
ចែករំលែកព័តមាននេះ