បន្ទាយមានជ័យ ៖ សិស្សសាលាស្រី២នាក់ជិះម៉ូតូចេញពីសាលាទៅផ្ទះពេលល្ងាចមានភ្លៀងរលឹមស្រិចៗបុកគ្នាជាមួយអ្នកជិះម៉ូតូធំ បណ្តាលស្លា.ប់ម្នាក់ និងរបួសធ្ងន់បាក់ដៃម្ខាងម្នាក់ ដែលកើតឡើង នៅល្ងាចថ្ងៃទី២៩ ខែមិថុនា ឆ្នាំ២០២៤ ស្ថិតភូមិមិត្តភាព…
បន្ទាយមានជ័យ ៖ សិស្សសាលាស្រី២នាក់ជិះម៉ូតូចេញពីសាលាទៅផ្ទះពេលល្ងាចមានភ្លៀងរលឹមស្រិចៗបុកគ្នាជាមួយអ្នកជិះម៉ូតូធំ បណ្តាលស្លា.ប់ម្នាក់ និងរបួសធ្ងន់បាក់ដៃម្ខាងម្នាក់ ដែលកើតឡើង នៅល្ងាចថ្ងៃទី២៩ ខែមិថុនា ឆ្នាំ២០២៤ ស្ថិតភូមិមិត្តភាព សង្កាត់/ក្រុងប៉ោយប៉ែត ។
អ្នកឃើញហេតុការណ៍ប្រាប់ថា ៖ នៅពេលគ្រោះថ្នាក់ចរាចរណ៍កើតឡើងមានសិស្សសាលាសុវណ្ណភូមិ ស្រី២នាក់ ជិះម៉ូតូគ្លិច ពណ៌ស ពាក់ផ្លាក់លេខ បន្ទាយមានជ័យ 1P-7491 បានបើកបរម៉ូតូចេញពីសាលារៀនទៅផ្ទះពេលល្ងាច ហើយមានម៉ូតូធុនធំសេរីទំនើបបានបើកបរដោយបុរសម្នាក់បានបើកបរក្នុងទិសដៅបញ្ច្រាសទិសគ្នា ក្នុងស្ថានភាពភ្លៀងរលឹមផ្លូវកៅស៊ូរអិលបានបុកគ្នាពេញទំហឹង បណ្តាលឲ្យស្ត្រីម្នាក់ជាសិស្សស្លា.ប់ នឹងកន្លែង និងមានស្ត្រីម្នាក់ជាសិស្សអ្នករួមដំណើរជាមួយបណ្តាលរបួសធ្ងន់បាក់ដៃម្ខាងត្រូវបានសង្គ្រោះ ។
តាមសម្តីម្ចាស់អ្នកបើកបរម៉ូតូធំបានប្រាប់ថា ៖ គាត់មិនបានជិះម៉ូតូបុកស្ត្រីរងគ្រោះ បណ្តាលអោយស្លា.ប់ និងរបួសនោះទេ នៅពេលគាត់បើកបរម៉ូតូតាមផ្លូវមានភ្លៀងរលឹមស្រិចៗ និងផ្លូវរអិលហើយមានស្ត្រី២នាក់ ជាសិស្សបានជិះម៉ូតូឌុបគ្នាចេញពីសាលារៀនក្នុងទិសដៅបញ្ច្រាស់ទិសគ្នា បើកលឿនរអិលដួលបោកក្បាលលើផ្លូវកៅស៊ូ បណ្តាលម៉ូតូជនរងគ្រោះបានរអិលដួលប៉ះម៉ូតូគាត់ដួលរបួសដៃជើងស្រាល ហើយស្ត្រី២នាក់ដួលបោកក្បាលលើផ្លូវកៅស៊ូ បណ្តាលឲ្យស្លា.ប់ម្នាក់ និងកន្លែងម្នាក់ទៀតរបួសធ្ងន់បាក់ដៃម្ខាង ។
ក្រោយគ្រោះភ្លាមៗ ឃើញកម្លាំងនគរបាលប៉ុស្តិ៍រដ្ឋបាលសង្កាត់ប៉ោយប៉ែត បានចុះមកពិនិត្យមុននិងកម្លាំងនគរបាលចរាចរណ៍ផ្លូវគោកក្រុងប៉ោយប៉ែត មកដល់ពិនិត្យវាស់វែងប្រាប់ថា ៖ មូលហេតុគ្រោះថ្នាក់ចរាចរណ៍កើតឡើងមានអ្នកស្លា.ប់ និងរបួសធ្ងន់អាចបង្កឡើងដោយម៉ូតូ២គ្រឿងបុកគ្នាចំពីមុខពេញទំហឹង បណ្តាលដួលបោកក្បាលស្លា.ប់ម្នាក់ និងរបួសម្នាក់ជាសិស្សសាលាសុវណ្ណភូមិស្រី អាយុប្រមាណជាង១០ឆ្នាំ ក្រោយពិនិត្យវាស់វែង ហើយស.ពប្រគល់ជូនសាច់ញាតិទទួលយកទៅធ្វើបុណ្យ និងម៉ូតូ២គ្រឿងត្រូវបានយកទៅរក្សាទុកនៅអធិការដ្ឋាននគរបាលក្រុងប៉ោយប៉ែតដោះស្រាយគ្នាតាមច្បាប់ ៕
ចែករំលែកព័តមាននេះ