ស្នេហាគឺជារឿងសំខាន់សម្រាប់មនុស្សលោក។ ស្នេហាដ៏ស្មោះស្ម័គ្រនឹងនាំក្តីសុខនិងរីករាយ។ ប៉ុន្តែក្នុងនោះ ស្នេហាខ្លះក៏គ្រោះថ្នាក់បំផុតផងដែរ ដូច្នេះ យើងត្រូវចៀសវាង។ មុនឈានដល់ការនិយាយអំពីស្នេហាអប្រិយបំផុតទាំងបួនក្នុងពិភពលោក។ យើងគួរយល់ថាអ្វីទៅជាស្នេហា?
ស្នេហាគឺជាអារម្មណ៍ស្មុគស្មាញ និងជាអារម្មណ៍ចម្រុះដែលរួមបញ្ចូលនូវអារម្មណ៍ អាកប្បកិរិយា និងសកម្មភាពជាច្រើន។ វាអាចត្រូវបានបែងចែកទៅជាប្រភេទផ្សេងៗគ្នាដូចជា ស្នេហារ៉ូមែនទិក ស្នេហាគ្រួសារ ស្នេហាតាមរបៀបជាមិត្តភាព និងស្នេហាខ្លួនឯង ហើយក៏មានប្រភេទស្នេហាខ្លះគឺជាស្នេហាដ៏គ្រោះថ្នាក់និងអាក្រក់បំផុតផងដែរ ។
ស្នេហារ៉ូមែនទិក គឺជាស្នេហាដែលមនុស្សជាច្រើនប្រាថ្នាហើយវាគឺជាសេចក្តីស្រលាញ់ដែល កំណត់ដោយចំណង់ចំណូលចិត្ត ភាពស្និទ្ធស្នាល និងការតាំងចិត្ត។ វាពាក់ព័ន្ធនឹងការទាក់ទាញអារម្មណ៍ និងរាងកាយរវាងដៃគូ។ ស្នេហាគ្រួសារ គឺជាប្រភេទ ចំណងមិត្តភាពដែលចែករំលែករវាងសមាជិកគ្រួសារ ដូចជារវាងឪពុកម្តាយ និងកូន ឬបងប្អូនបង្កើត។ ជារឿយៗវាពាក់ព័ន្ធនឹងការគាំទ្រ និងការថែទាំដោយគ្មានលក្ខខណ្ឌ។
ស្នេហាមិត្តភាពដ៏ស៊ីជម្រៅ គឺមិនពាក់ព័ន្ធនឹងការទាក់ទាញនឹងផ្លូវភេទ។ វាផ្អែកលើការគោរពគ្នាទៅវិញទៅមក ហើយជាការស្រលាញ់ដោយការគោរពនិងឲ្យតម្លៃរួមគ្នា។ ដោយឡែកស្នេហាខ្លួនឯងវិញគឺជា ទម្លាប់នៃការមើលថែ និងឲ្យតម្លៃខ្លួនឯង។ វាពាក់ព័ន្ធនឹងការទទួលយកខ្លួនឯង ការថែរក្សាខ្លួនឯង និងការទទួលស្គាល់តម្លៃរបស់មនុស្សម្នាក់។
មកដល់ពេលនេះស្នេហាអាចនាំមកនូវសេចក្តីអំណរ និងការបំពេញបានយ៉ាងសម្បើម ប៉ុន្តែក៏អាចអមដោយបញ្ហាប្រឈម និងភាពស្មុគស្មាញផងដែរ។ វាដើរតួនាទីយ៉ាងសំខាន់ក្នុងទំនាក់ទំនងរបស់មនុស្ស និងសុខុមាលភាពទូទៅនៃសហគមន៍ ។
ចំពោះបុគ្គលដែលមានសេចក្តីស្នេហ៍បែបនេះ ត្រូវបានគេចាត់ទុកថា ជាកំពូលមនុស្សនិងជាដៃគួជីវិតដ៏ប្រសើរ ប៉ុន្តែប្រសិនបើអ្នកស៊យហើយជីវិតអ្នកជួបប្រទះប្រភេទស្នេហាដូចខាងក្រោមនេះវិញគឺជីវិតរបស់អ្នកដឹងតែអន្តរាយជាមិនខាន ។
១-ស្នេហាដែលប្រចណ្ឌ
នេះ គឺជាសេចក្តីស្រលាញ់ដែល មិនល្អទេ ។ ជាសេចក្តីស្នេហ៍ដែលមានចរិតលក្ខណៈងប់ងុលជ្រុល និងគ្រោះថ្នាក់ ។ សេចក្តីស្រលាញ់បែបនោះជាសេចក្ដីស្នេហ៍ដែលគ្មានចិត្តអាណិតអាសូរ ហើយអ្នកដែលជួបគឺមានតែការឈឺចាប់ ។ យើងឃើញមានហើយក្នុងសង្គមខ្មែរ ភ្លើងប្រច័ណ្ឌបាននាំដល់អំពើហិង្សា និង ការបែកបាក់។
២-ស្នេហាដែលគិតតែប្រយោជន៍
នេះ គឺជាសេចក្តីស្រលាញ់ឫជាសេចក្តីស្នេហ៍តែត្របាញ់ ចិត្តនិងគំនិតជុំវិញតែ ផលប្រយោជន៍ជាធំ ហើយជារឿយៗត្រូវបានផ្សារភ្ជាប់ជាមួយនឹងអារម្មណ៍ខាងវិញ្ញាណដោយគ្មានភាពស្មោះត្រង់ឡើយ។ ស្នេហាដែលយកលកុយជាធំនេះគឺជាស្នេហាបោកប្រាស់ហើយគ្មាននិរន្តភាពទេ នៅពេលដែលយូរៗទៅ ភាគីម្ខាងទៀតដឹងពីចរិតកេងប្រវ័ញ្ចរបស់ដៃគូស្នេហា។
៣-ស្នេហាដែលត្រូវគ្រួសាររៀបចំអោយ
ជាសេចក្តីស្រលាញ់ដែលមានចរិតលក្ខណៈជាការចាប់បង្ខំ ហើយជា ស្នេហាជាក់ស្តែងផ្អែកលើកាតព្វកិច្ច ហេតុផល និងផលប្រយោជន៍រយៈពេលវែង ប៉ុន្តែអ្នកនឹងសំណាងវិញ ប្រសិនបើជីវិតគូនៅជាមួយគ្នាយូរទៅអ្នកទាំងពីរអាចបណ្តុះអារម្មណ៍និងមនោសញ្ចតនារួមគ្នាវិញបាន ។
៤-ស្នេហាបែបងប់ងល់ខ្លាំង
នេះគឺជាសេចក្តីស្រលាញ់ដែលអាចនឹងគ្រោះថ្នាក់ហើយជាទូទៅ អ្នកនឹងក្លាយជាកម្មវត្ថុដែលនឹងបាត់បង់នូវសិទ្ធិ និង ភាពម្ចាស់ការលើខ្លួនឯង ប្រសិនបើដៃគូមានចរិតលក្ខណៈស្នេហ៍បែបនេះ ។ ជារឿយៗ វាគឺជាប្រភេទនៃសេចក្តីស្នេហ៍ដែលអាចចាត់ទុកថា ជា ទម្រង់ស្នេហាដ៏គ្រោះថ្នាក់បំផុតមួយ។
សូមប្រុងប្រយ័ត្ន ប្រសិនបើអ្នកជួបស្នេហាប្រភេទទាំងនេះ ពីព្រោះវានឹងមានលក្ខណៈដូចជាសេចក្តីស្នេហ៍របៀបបោកបញ្ឆោត គ្មានភាពផ្អែមល្ហែម គ្មានជីវិតរីករាយ ហើយមានអារម្មណ៍ថា ម្នាក់ៗស្ថិតនៅក្នុងការតាមដានពីដៃគូគ្រប់ជំហានដោយគ្មានឥស្សរភាពនៅក្នុងខ្លួន ។ វាគឺជាស្នេហាដែលបង្កប់ដោយឧបាយកល ការប្រើល្បិចផ្លូវចិត្ត ក្នុងករណីធ្ងន់ធ្ងរ វាអាចកើនឡើងដល់គ្រោះថ្នាក់ដល់រាងកាយ។ ដូច្នេះ វាអាចនឹងធ្វើឲ្យអ្នកប្រឈមមុខនឹង ផលវិបាកធ្ងន់ធ្ងរខាងផ្លូវចិត្ត និងផ្លូវកាយសម្រាប់ភាគីទាំងសងខាង។
ចែករំលែកព័តមាននេះ