រាជធានីភ្នំពេញ ៖ ឯកឧត្តម ជុំ សុន្ទរី រដ្ឋលេខាធិការ និងជាអ្នកនាំពាក្យក្រសួងការបរទេស និងសហប្រតិបត្តិការអន្តរជាតិបានបញ្ជាក់ជំហរលើ «កុងសង់ស៊ីសប្រាំមួយចំណុច លើការយល់ដឹងរួមស្តីពីដំណោះស្រាយនយោបាយនៃវិបត្តិអ៊ុយក្រែន»…
រាជធានីភ្នំពេញ ៖ ឯកឧត្តម ជុំ សុន្ទរី រដ្ឋលេខាធិការ និងជាអ្នកនាំពាក្យក្រសួងការបរទេស និងសហប្រតិបត្តិការអន្តរជាតិបានបញ្ជាក់ជំហរលើ «កុងសង់ស៊ីសប្រាំមួយចំណុច លើការយល់ដឹងរួមស្តីពីដំណោះស្រាយនយោបាយនៃវិបត្តិអ៊ុយក្រែន» ។
ឯកឧត្តមបានសរសេលើបណ្តាញសង្គមតេឡេក្រាមនៅថ្ងៃទី២៩ មិថុនា ឆ្នាំ២០២៤ថា៖ «ឆ្លើយតបទៅនឹងការសាកសួររបស់អ្នកសារព័ត៌មានអំពីជំហររបស់កម្ពុជាលើ «កុងសង់ស៊ីសប្រាំមួយចំណុចលើការយល់ដឹងរួមស្តីពីដំណោះស្រាយនយោបាយនៃវិបត្តិអ៊ុយក្រែន» (Six-Point Consensus on Common Understanding on Political Settlement of the Ukraine Crisis) ដែលបានលើកឡើងរួមគ្នាដោយសាធារណៈរដ្ឋប្រជាមានិតចិន និងប្រេស៊ីល នៅថ្ងៃទី ២៣ ឧសភា ឆ្នាំ ២០២៤ ។
ឯកឧត្តមបានលើកឡើងថាខ្ញុំសូមគូសបញ្ជាក់ដូចតទៅ៖ កម្ពុជាគាំទ្រ «កុងសង់ស៊ីសប្រាំមួយចំណុចលើការយល់ដឹងរួម ស្តីពីដំណោះស្រាយនយោបាយនៃវិបត្តិអ៊ុយក្រែន” របស់ចិន និងប្រេស៊ីល ដោយខ្លឹមសារនៃឯកសារនេះសមស្រប ឆ្លើយតបសភាពការណ៍ជាក់ស្តែង ដែលត្រូវសង្កត់ធ្ងន់លើអាទិភាពចំពោះមុខចំនួន៤គឺ (១) ទប់ស្កាត់កំណើនភាពតានតឹង និងបង្កបរិយាកាសអំណោយផលដល់ការសន្ទនា ដែលចាំបាច់ត្រូវមានការចូលរួមពីអ៊ុយក្រែន និងរុស្ស៊ី (២) បញ្ចៀសការធ្លាក់ដុនដាបកាន់តែខ្លាំងនូវវិបត្តិមនុស្សធម៌ (៣) បញ្ចៀសវិបត្តិនុយក្លេអ៊ែរ និង (៤) បង្កើនការខិតខំលើកកម្ពស់សន្តិសុខស្បៀង ថាមពល និងស្ថិរភាពខ្សែច្រវ៉ាក់ផ្គត់ផ្គង់»៕
ចែករំលែកព័តមាននេះ