ស្ពានចាក់អង្រែក្រោម-ព្រែកប្រាដែលឆ្លងកាត់ទន្លេបាសាក ត្រូវបានគេដឹងថា មានសសរសរុប១៥៦ ដើមហើយបច្ចុប្បន្ននេះសសរចំនួន៣៦ បានបញ្ចប់ការចាក់បេតុងហើយ ។ ក្រសួងសាធារណៈការ និងដឹកជញ្ជូន បានឲ្យដឹងនៅថ្ងៃទី២៧ ខែមិថុនា…
ស្ពានចាក់អង្រែក្រោម-ព្រែកប្រាដែលឆ្លងកាត់ទន្លេបាសាក ត្រូវបានគេដឹងថា មានសសរសរុប១៥៦ ដើមហើយបច្ចុប្បន្ននេះសសរចំនួន៣៦ បានបញ្ចប់ការចាក់បេតុងហើយ ។
ក្រសួងសាធារណៈការ និងដឹកជញ្ជូន បានឲ្យដឹងនៅថ្ងៃទី២៧ ខែមិថុនា ឆ្នាំ២០២៤ថា ដំណើរការសាងសង់ស្ពាននេះ បានសម្រេចវឌ្ឍនភាពគម្រោង បាន ១១,៦៣% ។
ប្រភពដដែលបានបន្តថា សសរគ្រឹះចំនួន៣៦ដើម បានចាក់បេតុងរួច ក្នុងចំនួន១៥៦ ដើមនៃសសរគ្រឹះ និងកំពុងបន្តរៀបចំដំឡើងពុម្ពជើងតាង ដែលបច្ចប្បន្នសម្រេចបាន៦ក្នុងចំណោម ២០ជើងតាង ព្រមទាំងការងារសំខាន់ៗមួយចំនួនទៀត។
សូមជម្រាបជូនថា គម្រោងសាងសង់ស្ពានឆ្លងកាត់ទន្លេបាសាក់-ចាក់អង្រែក្រោម មានប្រវែងសរុប ១.៦៥០ម៉ែត្រ ដោយប្រវែងស្ពានមាន ៨៤៥,៧០ម៉ែត្រ, ទទឹងផ្លូវ២៧ម៉ែត្រ,ផ្លូវតភ្ជាប់ក្បាលស្ពានប្រវែង ៨០៤,៣០ម៉ែត្រ, ទទឹងផ្លូវ ២៧ម៉ែត្រសាងសង់ដោយក្រុមហ៊ុនសំណង់សៀងហៃ និងទីប្រឹក្សាគម្រោងដោយក្រុមហ៊ុនក្វាងចូវវ៉ានអាន។
គម្រោងនេះបានបើកការដ្ឋានសាងសង់ នាថ្ងៃទី១៩ ខែកុម្ភៈ ឆ្នាំ២០២៤ ក្រោមអធិបតីភាពដោយសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោក វ៉ាង វិនធៀន ឯកអគ្គរដ្ឋទូត ចិនប្រចាំកម្ពុជា ៕
ចែករំលែកព័តមាននេះ