ខេត្តស្វាយរៀង ៖ ឈ្មួញវៀតណាមនាំជីកសិកម្ម និងផ្លែឈើ ព្រមទាំងទំនិញឆ្លងដែនចូលមកផ្ទេរនៅជិតច្រកទ្វាព្រំដែនទ្វេភាគីបុសមនរាប់សិបតោន និងទំនិញជាច្រើនមុខមានទាំងផ្លែឈើ យកមកលក់ចែកចាយនៅក្នុងខេត្តស្វាយរៀង និងតាមបណ្តាខេត្តនានា និងដឹកទៅរាជធានីភ្នំពេញ ជាពិសេសផ្លែឈើបិតកេះជិត…
ខេត្តស្វាយរៀង ៖ ឈ្មួញវៀតណាមនាំជីកសិកម្ម និងផ្លែឈើ ព្រមទាំងទំនិញឆ្លងដែនចូលមកផ្ទេរនៅជិតច្រកទ្វាព្រំដែនទ្វេភាគីបុសមនរាប់សិបតោន និងទំនិញជាច្រើនមុខមានទាំងផ្លែឈើ យកមកលក់ចែកចាយនៅក្នុងខេត្តស្វាយរៀង និងតាមបណ្តាខេត្តនានា និងដឹកទៅរាជធានីភ្នំពេញ ជាពិសេសផ្លែឈើបិតកេះជិត សង្ស័យគ្មានការត្រួតពិនិត្យពីមន្ត្រីជំនាញ ។
ហើយផ្លែឈើដែលនាំចូលពីប្រទេសវៀតណាមនេះ មានផ្លែដូងខ្ចី ប៉ោម សារី និងមានផ្លែឈើជាច្រើនមុខទៀត ដោយវេចខ្ចប់ដាក់ក្នុងកេះស្នោ បិទជិតមិនអាចដឹងថា ជាផ្លែឈើអ្វីខ្លះនោះទេ ។ ហើយក៏មានរថយន្តកុងតឺន័រ ស្លាកលេខវៀតណាម ឃ្លុមបិទជិតចំនួន០២គ្រឿង ធ្វើចរាចរណ៍ពីប្រទេសវៀតណាមឆ្លងដែនចូលមកផែស្ងួតខាងមុខច្រកទ្វារព្រំដែន រួចប្តូរក្បាលរថយន្តដែលមានស្លាកលេខខ្មែរ រួចបើកបរឆ្ពោះទៅរាជធានីភ្នំពេញ(ទូម៉ាស៊ីនត្រជាក់) មិនដឹកមានផ្ទុកទំនិញអ្វីទេ មហាជនដាក់ការសង្ស័យថា ដឹកសាច់បង្កក ។
ចំពោះជីកសិកម្ម លោកសុខ សុទ្ធាវុធ ប្រធានមន្ទីរកសិកម្មរុក្ខាប្រម៉ាញ់ និងនេសាទ ខេត្តស្វាយរៀងបានមានប្រសាសថា ជីកសិកម្ម គឺមានចំនួន០៣ក្រុមហ៊ុន គេបានសុំច្បាប់ពីក្រសួងកសិកម្មនាំចូលមកលក់ចែកចាយនៅក្នុងព្រះរាជាណាចក្រកម្ពុជា ដូច្នេះក្រុមហ៊ុនទាំងនោះ មិនបានឆ្លងកាត់មន្ទីរកសិកម្មទេ ដោយក្រុមហ៊ុនគេមានច្បាប់ពីក្រសួង ។
ចំពោះផ្លែឈើឲ្យសួរទៅមន្ត្រីគយ និងរដ្ឋាករប្រចាំនៅច្រកទ្វារព្រំដែនទ្វេភាគីបុសមន ។ ចំពោះមន្ត្រីគយនិងរដ្ឋាករប្រចាំច្រកទ្វារព្រំដែនទ្វេភាគីបុសមន មិនអាចរកការបំភ្លឺបានទេ រហូតដល់ម៉ោង៦និង០០នាទីល្ងាច ថ្ងៃទី២៧ មិថុនា ២០២៤នេះ ។
ទាក់ទិនករណីនេះដែរ មិនអាចទំនាក់ទំនងជាមួយលោកនាយប៉ុស្តិ៍នគរបាលច្រកទ្វាព្រំដែនបានតេទូរស័ព្ទជាច្រើនលើក តែមិនអាចទាក់ទងបាន ។
មហាជនបានលើកឡើងថា មានរថយន្តធុនយក្ស ប្រភេទវ៉េអង និងរថយន្តកុងតឺន័រផ្ទុកទំនិញ ជីកសិកម្ម ផ្លែឈើ និងទំនិញជាច្រើនប្រភេទ គឺផ្ទុកទំនិញតទ្រុង លើសទម្ងន់ខ្ពស់កប់ពពក បង្កឲ្យខូចផ្លូវថ្នល់ ក៏ប៉ុន្តែសមត្ថកិច្ចតាមដងផ្លូវហាក់ដូចជា មិនអើពើសោះ កន្លងមកថ្នល់ក្រាលកៅស៊ូបាក់ស្រុតទៅជារណ្តៅក្រហេងក្រហូងជាសំបុកមាន់ បច្ចុប្បន្នទើបតែជួសជុលរួច ក៏ប៉ុន្តែបើឈ្មួញប្រើប្រាស់រថយន្តធុនយក្សហើយដឹកទំនិញធ្ងន់លើសទម្ងន់បែបនេះ មិនដឹងថាថ្នល់នេះអាចធានាបានប៉ុន្មានខែទៀតទេ ៕
ព័ត៌មានបន្តមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ