រាជធានីភ្នំពេញ ៖ ជនសង្ស័យ២នាក់ពូកែខាងដើរលួចសម្ភារៈ ទ្រព្យសម្បត្តិប្រជាពលរដ្ឋ ញឹកញាប់ ឥឡូវត្រូវបានពលរដ្ឋចាប់បានវា.យម្នាក់មួយដៃមួយជើង រួចប្រគល់ជូនសមត្ថកិច្ច ដើម្បីយកទៅសួរនាំកាលពីវេលាម៉ោង៨និង៣០នាទីយប់ ថ្ងៃទី២៧ ខែមិថុនា…
រាជធានីភ្នំពេញ ៖ ជនសង្ស័យ២នាក់ពូកែខាងដើរលួចសម្ភារៈ ទ្រព្យសម្បត្តិប្រជាពលរដ្ឋ ញឹកញាប់ ឥឡូវត្រូវបានពលរដ្ឋចាប់បានវា.យម្នាក់មួយដៃមួយជើង រួចប្រគល់ជូនសមត្ថកិច្ច ដើម្បីយកទៅសួរនាំកាលពីវេលាម៉ោង៨និង៣០នាទីយប់ ថ្ងៃទី២៧ ខែមិថុនា ឆ្នាំ២០២៤ ស្ថិតនៅលើកំណាត់ផ្លូវលេខ៣២០ មូលដ្ឋានសង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ ។
យោងតាមប្រភពព័ត៌មានពីប្រជាពលរដ្ឋដែលបានបាត់បង់ទ្រព្យសម្បត្តិបានឲ្យដឹងថា នៅមុនពេលកើតហេតុគាត់បានបាត់ធុងសំរាមមួយដ៏ធំដែលទើបទិញក្នុងតម្លៃជាង១០០ដុល្លារ ដោយមានការសង្ស័យក៏ឆែកកាមេរ៉ាសុវត្ថិភាព នៅមុខផ្ទះរបស់គាត់មើល ក៏ស្រាប់តែឃើញជនសង្ស័យខាងលើ ធ្វើសកម្មភាពអូសយកទៅបាត់តាំងពីម៉ោង៦និង៣០នាទីល្ងាច ថ្ងៃខែឆ្នាំដដែល ។
លុះដល់ពេលយប់ ដោយសារមិនអស់ចិត្ត បុរសម្ចាស់ធុងសំរាមក៏បានហៅគ្នីគ្នាជិះម៉ូតូស្វែងរក ស្រាប់តែប្រទះឃើញជនសង្ស័យទាំង២នាក់ កំពុងតែជិះកង់នៅតាមបណ្តោយមហាវិថីម៉ៅសេទុង ទល់មុខសាលាវ៉ាន់ដា ក៏ធ្វើការឃាត់ខ្លួនវា.យម្នាក់១ដៃ ១ជើង ទើបប្រគល់ជនសង្ស័យខាងលើអោយទៅសមត្ថកិច្ចប៉ុស្តិ៍ទួលស្វាយព្រៃទី១ យកទៅធ្វើការសួរនាំ ។
បើតាមសម្តីជនរងគ្រោះបានអោយដឹងថា ករណីនេះមិនមែនជាលើកទី១ទេនៅតំបន់ពួកគាត់រស់នៅ ព្រោះជារឿយៗអ្នកភូមិនៅតំបន់នោះតែងតែបាត់បង់ទ្រព្យសម្បត្តិ និងសម្ភារៈប្រើប្រាស់នៅមុខផ្ទះដូចជា សម្លៀកបំពាក់ ស្នួលខោអាវ ធុងសំរាម ។
ក្រោយពីធ្វើការសួរនាំរួច ទើបដឹងថា ករណីខាងលើនេះលួចចេញពីទឹកដីសង្កាត់បឹងកេងកង៣ ទើបសមត្ថកិច្ចប៉ុស្តិ៍ទួលស្វាយព្រៃទី១ ទាក់ទងហៅសមត្ថកិច្ចមូលដ្ឋានខណ្ឌបឹងកេងកង៣ អោយមកយកជនសង្ស័យទាំង២នាក់ រួមជាមួយជនរងគ្រោះយកទៅធ្វើការសាកសួរបន្តនៅប៉ុស្តិ៍នគរបាលរដ្ឋបាល បឹងកេងកង៣ ដើម្បីអនុវត្តបន្តតាមនីតិវិធី ៕
ចែករំលែកព័តមាននេះ