ខេត្តបន្ទាយមានជ័យ ៖ ក្រោយពីមានផ្ទាំងប៉ាណូបានផ្សាយពាណិជ្ជកម្មល្បែងអនឡាញកាស៊ីណូ ហើយត្រូវបានមហាជនរិះគន់យ៉ាងខ្លាំងនោះ ត្រូវអាជ្ញាធរប្រញាប់ប្រញាល់ដោះចេញរួចរាល់ហើយ គិតត្រឹមថ្ងៃទី២៧ ខែមិថុនា ឆ្នាំ២០២៤ ស្ថិតនៅក្នុងក្រុងប៉ោយប៉ែត ។…
ខេត្តបន្ទាយមានជ័យ ៖ ក្រោយពីមានផ្ទាំងប៉ាណូបានផ្សាយពាណិជ្ជកម្មល្បែងអនឡាញកាស៊ីណូ ហើយត្រូវបានមហាជនរិះគន់យ៉ាងខ្លាំងនោះ ត្រូវអាជ្ញាធរប្រញាប់ប្រញាល់ដោះចេញរួចរាល់ហើយ គិតត្រឹមថ្ងៃទី២៧ ខែមិថុនា ឆ្នាំ២០២៤ ស្ថិតនៅក្នុងក្រុងប៉ោយប៉ែត ។
រយៈពេលកន្លងមក ផ្ទាំងប៉ាណូឆ្លងផ្លូវជាតិលេខ៥ នៅខាងកើតរង្វង់មូលច្រកទ្វារអន្តរជាតិប៉ោយប៉ែត និងតាមផ្លូវជាតិលេខ៥ក្នុងទីប្រជុំជនក្រុងប៉ោយប៉ែត គេឃើញមានដាក់ផ្លាកសញ្ញាពាណិជ្ជ កម្មល្បែងអនឡាញ ហើយប្រជាពលរដ្ឋបាននាំគ្នារិះគន់តាមបណ្តាញសង្គម និងគ្រុបតេឡេក្រាមបានចោទសួរទៅអាជ្ញាធរក្រុងនិងសង្កាត់ថា «តើផ្ទាំងប៉ាណូឆ្លងជាតិលេខ៥ដែលដាក់ផ្លាកសញ្ញាពាណិជ្ជកម្មល្បែងអនឡាញ សួរតើអាជ្ញាធរអនុញ្ញាតច្បាប់ឱ្យដាក់ ឬយ៉ាងណា ទើបឃើញមានព្រោងព្រាតបែបនេះ?» ។
ប្រជាពលរដ្ឋលើកឡើងទៀតថា ផ្លូវជាតិលេខ៥ដែលតភ្ជាប់ពីរង្វង់មូលច្រកទ្វារអន្តរជាតិប៉ោយប៉ែត ត្រូវបានភ្ញៀវជាតិនិងអន្តរជាតិចេញ-ចូលឆ្លងកាត់ច្រើន និងឃើញតែពាណិជ្ជកម្មល្បែងអនឡាញដូចជាអនាធិបតេយ្យពេកហើយ គួរតែផ្ទាំងប៉ាណូនេះដាក់ផ្ទាំងរូបប្រាសាទអង្គរវត្តដែលជាបេះដូងខ្មែរឱ្យភ្ញៀវអន្តរជាតិបានស្គាល់ ដើម្បីផ្សព្វផ្សាយអោយភ្ញៀវឱ្យបានស្គាល់បានមកលេងនៅប្រទេសកម្ពុជាឱ្យបានច្រើន ។
គួររំលឹកថា ក្រោយពេលប្រជាពលរដ្ឋរងការរិះគន់តាមបណ្តាញសង្គម និងគ្រុបតេឡាក្រាមមិនទាន់ទាំងបាន១ថ្ងៃផង ស្រាប់តែអាជ្ញាធរបានទៅដោះផ្លាកសញ្ញាពាណិជ្ជកម្មល្បែងអនឡាញចេញ ធ្វើអោយប្រជាពលរដ្ឋសប្បាយចិត្ត ។
ចែករំលែកព័តមាននេះ