បុរសជាងឈើ បើកម៉ូតូសណ្ដោងរឺម៉ក កៀរជាមួយរថយន្ដ ដួលបោកក្បាលស្លា.ប់
ខេត្តស្ទឹងត្រែង ៖ បុរសម្នាក់បានស្លា.ប់ និងម្នាក់ទៀតរងរបួស បន្ទាប់ជួបគ្រោះថ្នាក់ចរាចរណ៍រវាង ម៉ូតូសណ្ដោងរឺម៉ក និងរថយន្ដ កាលពីថ្ងៃទី២៦ ខែមិថុនា ឆ្នាំ២០២៤…
ខេត្តស្ទឹងត្រែង ៖ បុរសម្នាក់បានស្លា.ប់ និងម្នាក់ទៀតរងរបួស បន្ទាប់ជួបគ្រោះថ្នាក់ចរាចរណ៍រវាង ម៉ូតូសណ្ដោងរឺម៉ក និងរថយន្ដ កាលពីថ្ងៃទី២៦ ខែមិថុនា ឆ្នាំ២០២៤…
ខេត្តស្ទឹងត្រែង ៖ បុរសម្នាក់បានស្លា.ប់ និងម្នាក់ទៀតរងរបួស បន្ទាប់ជួបគ្រោះថ្នាក់ចរាចរណ៍រវាង ម៉ូតូសណ្ដោងរឺម៉ក និងរថយន្ដ កាលពីថ្ងៃទី២៦ ខែមិថុនា ឆ្នាំ២០២៤ នៅលើដងផ្លូវបេតុង នៅចំណុចផ្លូវបំបែកជាបួន ក្រោយវត្ដលើ ស្ថិតនៅភូមិលើ សង្កាត់ស្រះឬស្សី ក្រុងខេត្តស្ទឹងត្រែង
។
ប្រភពពីមន្ត្រីនគរបាល ឱ្យដឹងថា អ្នកបើកបរម៉ូតូរឺម៉កឈ្មោះ ហេង ចាន់រស្មី ភេទប្រុស អាយុ៣០ឆ្នាំ មុខរបរជាងឈើ ទីលំនៅភូមិស្រែពោធិ៍ សង្កាត់ស្រះឬស្សី ក្រុងស្ទឹងត្រែង(ស្លា.ប់) និងអ្នករួមដំណើរ ឈ្មោះ លី ភេទប្រុស រងរបួស ។
ប្រភពពីមន្ត្រីនគរបាល បានឲ្យដឹងទៀតថា ករណីនេះនៅមុនពេលកើតហេតុ ម៉ូតូម៉ាកវ៉េវ ពណ៍ខ្មៅ គ្មានផ្លាកលេខ មានសណ្ដោងរឺម៉ក់ ពីក្រោយដឹកឈើ (សន្លឹកទ្វា) បើកបរពីលិចទៅកើត ក្នុងល្បឿនលឿន បានកៀរ រថយន្ដម្ខាងទៀត ដែលកំពុងបើកបរឆ្លងផ្លូវ ទិសដៅបើកបរពីជើង ទៅត្បូង។ រីឯ រថយន្ដម៉ាកឡិចស៊ីស ពណ៍ផ្សែងបារី ស្លាកលេខ ភ្នំពេញ 2AT- 4199 បើកបរដោយឈ្មោះ ប៉ាន បញ្ចរ៉ា ភេទស្រី អាយុ៤៧ឆ្នាំ មុខរបរ មន្ដ្រីរាជការ ទីលំនៅភូមិលើ សង្កាត់ស្រះឬស្សី ក្រុងខេត្តស្ទឹងត្រែង ។
តាមការសន្និដ្ឋានជាបឋមរបស់សមត្ថកិច្ច ក្នុងការចុះពិនិត្យមូលហេតុគ្រោះថ្នាក់ចរាចរណ៍ខាងលើ គឺម៉ូតូសណ្ដោងរឺម៉ក បើកបរល្បឿនលឿន ។ អ្នកបើកបរម៉ូតូ មិនពាក់មួកសុវត្ថិភាព បណ្ដាលបោកក្បាលរហូតធ្ងន់ធ្ងរដល់ស្លា.ប់ម្នាក់ និងរបួសម្នាក់ ។ ម៉ូតូខូចស្រាលចំនួន០១គ្រឿង រថយន្ដខូចស្រាលចំនួន០១គ្រឿង ។
បច្ចុប្បន្ន វត្ថុតាងទាំងសងខាងបានយកមករក្សាទុកនៅអធិការដ្ឋាននគរបាលក្រុងស្ទឹងត្រែង រង់ចាំការដោះស្រាយជាក្រោយ ៕
ចែករំលែកព័តមាននេះ