រាជធានីភ្នំពេញ ៖ ចាប់ពីខែមករា ដល់ខែមីនា ឆ្នាំ២០២៤នេះ កម្ពុជាបានអនុម័ត នូវគម្រោងវិនិយោគផ្ទាល់ពីបរទេសចំនួន ៤៥៥លានដុល្លារអាមេរិក ដោយបានកើនឡើង ១៤៩,៨ភាគរយ នេះបើតាមរបាយការណ៍ធនាគារពិភពលោក បានថ្លែងនៅខែមិថុនា ក្នុងនោះការវិនិយោគផ្ទាល់ពីប្រទេសចិន មានចំនួន៩៥ភាគរយ ដែលសបញ្ជាក់ថា ប្រទេសចិនបានដើរតួនាទីកាន់តែសំខាន់មួយកម្រិតទៀត ក្នុងការជំរុញការអភិវឌ្ឍសេដ្ឋកិច្ចកម្ពុជា ។
តាមរបាយការណ៍ធនាគារពិភពលោក បានឱ្យដឹងថា ប្រទេសចិនជាប្រភពវិនិយោគបរទេសដ៏ធំបំផុតរបស់កម្ពុជា ក្នុងអំឡុង១០ឆ្នាំកន្លងមកនេះ អត្រាវិនិយោគបានកើនឡើងពីមួយឆ្នាំទៅមួយឆ្នាំ ។ ក្នុងនោះ វិស័យដែលទទួលការបោះទុនច្រើនជាងគេ គឺវិស័យហេដ្ឋារចនាសម្ព័ន្ធ សំណង់ ការកែច្នៃកសិផល ។ ទិន្នន័យដ៏ជាក់លាក់ទាំងនេះ មិនត្រឹមតែបង្ហាញថា ចិនបានយកចិត្តទុកដាក់ខ្ពស់ចំពោះការអភិវឌ្ឍកម្ពុជាប៉ុណ្ណោះទេ តែថែមទាំងបង្ហាញពីមិត្តភាពដ៏ជ្រាលជ្រៅរវាងកម្ពុជា និងចិនទៀតផង ។
នៅក្រោមបរិបទបច្ចុប្បន្ន គំនិតផ្តួចផ្តើម “ខ្សែក្រវាត់និងផ្លូវ” បានលើកកម្ពស់ប្រសិទ្ធផលសេដ្ឋកិច្ចមួយជំហានទៀត ក្នុងការកសាងហេដ្ឋារចនាសម្ព័ន្ធ និងកិច្ចសហប្រតិបត្តិការសមត្ថភាពផលិតកម្មឧស្សាហកម្មរបស់កម្ពុជា ។
ដោយសារជម្រើសជាយុទ្ធសាស្ត្ររបស់កម្ពុជា ការជឿទុកចិត្តគ្នា ក្នុងវិស័យនយោបាយរវាងកម្ពុជា-ចិន និងការសន្យារបស់ចិន ចំពោះក្រុងព្រះសីហនុ ដែលជាទីក្រុងជាប់មាត់សមុទ្រ ក្នុងផែនការផ្លូវសូត្រលើសមុទ្រសតវត្សទី២១ ប្រទេសកម្ពុជា បានបញ្ចូលក្នុងគំនិតផ្តួចផ្តើម “ខ្សែក្រវាត់និងផ្លូវ” ជាស្រេចទៅហើយ។ កត្តានេះ នឹងពង្រឹងការកសាងគម្រោងហេដ្ឋារចនាសម្ព័ន្ធទន់ ក្នុងផែនការអភិវឌ្ឍជាតិកម្ពុជា ជាពិសេសនៅក្នុងវិស័យឌីជីថលនីយកម្មសេដ្ឋកិច្ច និងសង្គមតែម្ដង ។
នៅពេលប្រឈមមុខនឹងបញ្ហាថ្មី ប្រទេសកម្ពុជា និងចិន នឹងបន្តធ្វើឱ្យកាន់តែស៊ីជម្រៅ នូវកិច្ចសហប្រតបត្តិការនិងការផ្លាស់ប្តូរគ្នា រួមគ្នាជំរុញដល់ការអនុវត្ដ និងការត្រួតពិនិត្យ នៃគម្រោងសហការ ។ ការរៀបចំ និងអនុវត្តផែនការទាំងនេះ នឹងបញ្ចូលជាកម្លាំងចលករថ្មី ដល់អនាគត នៃទំនាក់ទំនងកម្ពុជា-ចិន ។
យើងជឿជាក់ថា នៅក្រោមការខិតខំប្រឹងប្រែង នៃភាគីទាំងពីរ ប្រទេសចិន និងកម្ពុជា នឹងទទួលលទ្ធផលជាផ្លែផ្កាកាន់តែច្រើនក្នុងកិច្ចសហប្រតិបត្តិការអភិវឌ្ឍ។ ការបើកទំព័រថ្មីមួយនេះ មិនគ្រាន់តែជាការធ្វើឱ្យកាន់តែស៊ីជម្រៅ និងអនុវត្ត នូវគំនិតផ្តួចផ្តើម “ខ្សែក្រវាត់និងផ្លូវ”ប៉ុណ្ណោះទេ ហើយថែមទាំងជាសកម្មភាពជាក់ស្តែង នៃការកសាងសហគមន៍វាសនារួមសម្រាប់មនុស្សជាតិផងដែរ ។
តាមរយៈការពង្រីក និងពង្រឹងកិច្ចសហប្រតិបត្តិការ និងការផ្លាស់ប្តូរជាមួយនឹងប្រទេសជិតខាង ប្រទេសកម្ពុជា និងចិន នឹងជំរុញដល់សន្តិភាពនិងវិបុលភាពក្នុងតំបន់ ក៏ដូចជាក្នុងទូទាំងពិភពលោកផងដែរ។ កិច្ចសហប្រតិបត្តិការរវាងកម្ពុជា-ចិន បានកំណត់គោលដៅសម្រាប់ទំនាក់ទំនងទ្វេភាគី នៅថ្ងៃអនាគតទៀតផង ហើយក៏បានបង្ហាញពីកាតព្វកិច្ច និងទំនួលខុសត្រូវរបស់ចិន ដែលជាប្រទេសធំមួយផងដែរ ។
សូមចាប់ដៃរីកចម្រើនឈានទៅមុខជាមួយគ្នា រួមគ្នាកសាងយុគសម័យថ្មី នៃទំនាក់ទំនងកម្ពុជា-ចិន។ នៅក្នុងយុគសម័យថ្មីនេះ យើងនឹងបង្កើតទំព័រថ្មីសន្លាងសម្រាប់ទំនាក់ទំនងជាមេត្រីនៃទ្វេភាគីកម្ពុជា-ចិន ៕
![](https://kohsantepheapdaily.com.kh/wp-content/uploads/2024/06/e299b3855f124af08dc1d063d901df34.jpg)
ចែករំលែកព័តមាននេះ