ADផ្ទាំងផ្សព្វផ្សាយពាណិជ្ជកម្ម

Picture

រថយន្ត​ដឹក​សម្ភារៈ​ធ្វើ​ផ្លូវ​១​គ្រឿង​បាន​រអិល​ធ្លាក់ទឹកបាត់ ខណៈកំពុងតែ​ឡើង​លើ​សាឡា​ង​ឆ្លង

3 អាទិត្យ មុន
  • កំពង់ឆ្នាំង

ខេត្តកំពង់ឆ្នាំង ៖ រថយន្ត​ធន់​សណ្ដោង​១​គ្រឿង មាន​ដឹក​សម្ភារៈ​ធ្វើ​សំណង់​ផ្លូវ​បេតុង នៅ​ភូមិ​ឬ​ស្សី​ដ​ង្គូ​ច បាន​រអិល​ធ្លាក់​ពីលើ​សាឡា​ង​ចូល ទៅ​ក្នុង​ទឹកទន្លេ​លិច​បាត់ ។ ហេតុ​ការ​នេះ កើតឡើង​នា​ព្រឹក​ថ្ងៃ​ទី​២៧…

0:00
0:00

ខេត្តកំពង់ឆ្នាំង ៖ រថយន្ត​ធន់​សណ្ដោង​១​គ្រឿង មាន​ដឹក​សម្ភារៈ​ធ្វើ​សំណង់​ផ្លូវ​បេតុង នៅ​ភូមិ​ឬ​ស្សី​ដ​ង្គូ​ច បាន​រអិល​ធ្លាក់​ពីលើ​សាឡា​ង​ចូល ទៅ​ក្នុង​ទឹកទន្លេ​លិច​បាត់ ។ ហេតុ​ការ​នេះ កើតឡើង​នា​ព្រឹក​ថ្ងៃ​ទី​២៧ ខែមិថុនា ឆ្នាំ​២០២៤ នៅ​ចំណុច​ក្បាលកោះ​ឬ​ស្សី​ដ​ង្គួ​ច ឃុំ​ជលសា ស្រុក​ជល​គី​រី ខេត្តកំពង់ឆ្នាំង ។

សាក្សី​នៅ​ទីនោះ​ឲ្យ​ដឹង​ថា មុន​ពេល​កើតហេតុ​មាន​រថយន្ត​១​គ្រឿង ដឹក​សម្ភារៈ​ដូច​ជា ក្តា​ពុម្ព​ដែក​មួយ​ឈុត ម៉ូតូ​មួយ​គ្រឿង ម៉ាស៊ីន​ខាត់​ចំនួន​៣​គ្រឿង ម៉ាស៊ីន​កៀរ​មួយ​គ្រឿង ម៉ាស៊ីន​កាត់​រ៉​ង មួយ​គ្រឿង និង​គ្រឿង​ហូប​ចុក បង្គោល​វ៉ៃ​ពុម្ព​មួយ​កំ​ប្លេ បាន​បើក​ថយក្រោយ ឡើង​លើ​សាឡា​ង លុះ​បាន​ជិត​ពាក់កណ្តាល សាឡា​ង​នោះ បាន​ថយក្រោយ​ធ្វើ​ឲ្យ​រអិល​ឡាន​នោះ​ចេញពី​តាប​សាឡា​ង​ខាង​មុខ បណ្តាល​ឱ្យ​ធ្លាក់​ចូល​ទៅ​ក្នុង​ទឹក​លិច​បាត់​តែ​ម្តង ។

ដោយឡែក ប្រភព​ពី​សមត្ថកិច្ច​បញ្ជាក់​ផង​ដែរ​ថា ក្នុង​ហេតុការណ៍​នោះ​គឺ​ម្ចាស់​សាឡា​ង​ឈ្មោះ ជុំ វ៉េ​ត ភេទ​ប្រុស អាយុ​៤៨​ឆ្នាំ រស់នៅ​ភូមិ​/​ឃុំ កើតហេតុ​ខាងលើ បាន​ដឹក​ឡាន​មួយ​គ្រឿង ប្រភេទ​ប្លាត​ឌឺ​ហ្វ​ម មាន​ដឹក​សម្ភារៈ​ធ្វើ​សំណង់​ផ្លូវ​បេតុង ធ្វើ​ឲ្យ​ខុស​បច្ចេកទេស ក៏​បាន​រអិល​ធ្លាក់​រថយន្ត​ចូល​ក្នុង​ទឹកទន្លេ ពេល​នេះ កំពុង​រក​មធ្យោបាយ​ដើម្បី​ជួយ​សង្គ្រោះ​ស្រង់​រថយន្ត នោះ​ចេញពី​ក្នុង​ទឹក ។ ចំពោះ​ករណី​ខាងលើ​នេះ​មិន​បណ្តាល​ឲ្យ​មាន​គ្រោះថ្នាក់​ដល់​ជីវិត​មនុស្ស​ទេ ៕

អត្ថបទសរសេរ ដោយ

កែសម្រួលដោយ