រាជធានីភ្នំពេញ ៖ ប្រមុខរដ្ឋមន្ត្រីក្រសួងការពារជាតិសហរដ្ឋអាមេរិក បានសរសើសម្តេចតេជោ ហ៊ុន សែន ប្រធានព្រឹទ្ធសភាដែលផ្តល់ចម្លើយដ៏ស្មោះត្រង់ មិនលាក់លៀម និងថា អាមេរិកអាច ជួយកម្ពុជាពង្រឹងសន្តិសុខរបស់ខ្លួនទៅតាមរបៀបដែលផ្តល់ផលប្រយោជន៍ដល់ប្រជាជនកម្ពុជា។
ការលើកឡើងរបស់រដ្ឋមន្ត្រីការពារជាតិអាមេរិករូបនេះ ក្រោយបញ្ចប់់ដំណើរទស្សនកិច្ចផ្លូវការ នៅប្រទេសកម្ពុជា កាលពីថ្ងៃទី៤ ខែមិថុនា ឆ្នាំ២០២៤ កន្លងទៅថ្មីៗនេះ ។ តាមរយៈសាលិខិតជូនសម្តេចតេជោ ហ៊ុន សែន ប្រធានព្រឹទ្ធសភា លោក ឡយ ជេម អូស្ទីន III (Lloyd James Austin III) រដ្ឋមន្ត្រីការពារជាតិសហរដ្ឋអាមេរិក បានវាយតម្លៃខ្ពស់ ចំពោះចម្លើយដ៏ស្មោះត្រង់ មិនលាក់លៀម របស់សម្តេច ហ៊ុន សែន ប្រធានព្រឹទ្ធសភានៃ ព្រះជាណាចក្រកម្ពុជា។
លោក ឡយ ជេម អូស្ទីន បាន សូមថ្លែងអំណររគុណ សម្តេចប្រធាន ដែលបានស្វាគមន៍រូបលោក នៅកម្ពុជាជាលើកទីពីរ។ លោកមានសេចក្តី រីករាយដែលបានជួប សម្តេចប្រធានជាថ្មីម្តងទៀត។ ដូចដែលលោកបានលើកឡើងនៅក្នុងជំនួបរបស់យើង សហរដ្ឋអាមេរិកនៅតែ មានចំណាប់ អារម្មណ៍ធ្វើការជាមួយសម្តេចប្រធាន ដើម្បីពង្រឹងទំនាក់ទំ នងរ វាងប្រទេសយើងទាំងពីរ។
ក្នុងសាលិខិតលោកបានសង្ឃឹមថាសហរដ្ឋអាមេរិក អាចជួយកម្ពុជា ពង្រឹងសន្តិសុខរបស់ខ្លួន ទៅតាមរបៀបដែលផ្តល់ផលប្រយោជន៍ ដល់ប្រជាជនកម្ពុជា។ លោក ឡយ ជេម អូស្ទីន សង្ឃឹមថានឹងបន្តកិច្ចពិភាក្សា អំពីមធ្យោបាយដ៏ល្អបំផុត ក្នុងការជំរុញ កិច្ចសហប្រ តិបត្តិការទ្វេភាគី កម្ពុជា-អាមេរិក ហើយលោកទន្ទឹងរង់ចាំនូវ ទំព័រថ្មីនេះនៃទំនាក់ទំ នងការពារជាតិ របស់ប្រទេសទាំងពីរ។
សូមរំលឹកថា នៅក្នុងជំនួបរវាង មេដឹកនាំនយោបាយកំពូលរបស់កម្ពុជា និងប្រមុខការពារជាតិអាមេរិក កាលពីថ្ងៃទី៤ ខែមិថុនា ឆ្នាំ២០២៤ ភាគីទាំងពីរ (កម្ពុជា-អាមេរិក) បានឯកភាពឱ្យមានការសន្ទនា ដើម្បីស្វែងរកផ្លូវថ្មីមួយ ក្នុងទំនាក់ទំនង និងកសាងនូវទំនុកចិត្ត រវាងប្រទេសទាំងពីរ។
បន្ថែមកលើសពីនេះ សម្ដេចតេជោ ហ៊ុន សែន ក៏បានប្រាប់ លោក ឡយ ជេម អូស្ទីន ថាកុំដាក់ប្រទេសកម្ពុជា នៅក្នុងយុទ្ធសាស្ត្រភូមិសាស្ត្រនយោបាយ របស់ខ្លួន ហើយកុំយកប្រទេ សកម្ពុជា ធ្វើជាទីកន្លែងដើម្បីប្រកួតប្រជែងកណ្ដាលភូមិភូមិសាស្ត្រនយោបាយ រវាងគ្នានិ ងគ្នាផងដែរ៕
ចែករំលែកព័តមាននេះ