រាជធានីភ្នំពេញ ៖ ដោយសារតែឃើញថា ក្រមព្រហ្មទណ្ឌនាពេលបច្ចុប្បន្នមានស្ថានភាពទោសនិងការដាក់ទោសទណ្ឌដល់ឧក្រិដ្ឋជនដែលបានសម្លាប់មនុស្សនៅមានកម្រិតស្រាលពោលគឺករណីឃាតកម្មមិនបានគិតទុកជាមុន ជាប់ទោសអតិបរមាត្រឹម១៥ឆ្នាំប៉ុណ្ណោះ នោះក្រសួង យុត្តិធម៌នឹងធ្វើសេចក្តីព្រាងវិសោធនកម្មច្បាប់ក្រមព្រហ្មទណ្ឌ ដើម្បីបន្ថែមស្ថានភាពទម្ងន់ទោសចំពោះឃាត កម្មដែលមានលក្ខណៈកាចសាហាវសម្លាប់មនុស្សមិនញញើតដៃ។
ថ្លែងក្នុងសន្និសីទសារព័ត៌មាន កាលពីរសៀលថ្ងៃទី២៦ ខែមិថុនា ឆ្នាំ ២០២៤នៅទីស្តី ការក្រសួង ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌បានបញ្ជាក់ថា ក្នុងមហាសន្និបាតបូកសរុបការងារឆ្នាំ២០២៣កន្លងទៅ បានធ្វើការសម្រេចចិត្តក្នុងការធ្វើវិសោធនកម្មក្រមទាំង២នេះឡើងវិញ ពោលគឺទាំងក្រមព្រហ្មទណ្ឌ និងក្រមនិតិវិធីព្រហ្មទណ្ឌ។
ឯកឧត្តមបានលើកឡើងថា ការធ្វើវិសោធនកម្មដើម្បីបំពេញនូវចំណុចខ្វះខាត ហើយ អ្វី ដែលសំខាន់គឺដើម្បីកែសម្រួលឱ្យត្រូវទៅនឹងស្ថានភាពវិវត្តិនៃសង្គមតម្រូវការរបស់សង្គម ដើម្បី ដល់សន្តិសុខ និងសុវត្ថិភាពសាធារណៈ ព្រមទាំងសណ្តាប់ធ្នាប់សង្គមផងដែរ។
ឯកឧត្តម កើត រិទ្ធបានគូសបញ្ជាក់៖ «ដែរថាគណៈកម្មការធ្វើវិសោធនកម្ម ក្រម ព្រហ្មទណ្ឌ ត្រូវបានបង្កើតរួចហើយ ដើម្បីធ្វើសេចក្តីព្រាងវិសោធនកម្មច្បាប់ បន្ថែមស្ថានភាព ទម្ងន់ទោសចំពោះឃាតកម្មដែលសាហាវ បាញ់សម្លាប់មនុស្ស ក្នុងនេះដូចជាក្នុងករណីឈ្មោះ ស្រី ស៊ីណាសម្លាប់មនុស្សថ្មីៗមកនេះជាដើម»។
បើតាមឯកឧត្តមរដ្ឋមន្ត្រីក្រសួងយុត្តិធម៌បញ្ជាក់នោះ គឺការធ្វើ វិសោធនកម្ម ក្រមព្រហ្មទណ្ឌនេះនឹងបញ្ចប់ក្នុងកម្រិតបច្ចេកទេសនៅចុងឆ្នាំ២០២៤នេះ ហើយនៅពេលក្រមនេះចេញនោះ សម្រាប់ការកំណត់ទោស គឺនឹងលើសអ្វីដែលកំពុងអនុវត្តនាពេលបច្ចុប្បន្ន ពោលមិន ក្រោម១៥ឆ្នាំនោះ
ឡើយ។
សូមជម្រាបថា ការលើកឡើងរបស់រដ្ឋមន្ត្រីក្រសួងយុត្តិធម៌នេះដែរ ធ្វើឡើងដើម្បីឆ្លើយតបទៅនឹងការរិះគន់ជាបន្តបន្ទាប់តាមរយៈបណ្តាញសង្គមហ្វេសប៊ុកដែលថាការដាក់បទចោទប្រកាន់ទៅលើបុគ្គលឈ្មោះស្រីស៊ីណាបានសម្លាប់មនុស្ស២នាក់ ហើយអាចមានទោ សត្រឹមកម្រិត តែពី១០ទៅ១៥ឆ្នាំគឺជាការដាក់ទោសមួយក្នុងកម្រិតស្រាលមិនសក្តិសមទៅនឹងទោសជននេះបានប្រព្រឹត្តិ។
ជុំវិញករណីអតីតឧញ៉ាដៃឆៅ ស្រី ស៊ីណានេះត្រូវបានឯកឧត្តម កើត រិទ្ធ បានធ្វើការ ពន្យល់ម្តងហើយម្តងទៀតយ៉ាងដូច្នេះថា៖«បើច្បាប់របស់យើងចែងថាការសម្លាប់មនុស្សចាប់ពី២នាក់ទៅនឹងត្រូវជាប់ពន្ធនាគារពី១៥ទៅ៣០ឆ្នាំយើងនឹងអនុវត្តទៅតាមច្បាប់ហើយ ប៉ុន្តែច្បាប់ ក្រមព្រហ្មទណ្ឌអន្តរកាលយើងចែងមកត្រឹមពី១០ទៅ១៥ឆ្នាំប៉ុណ្ណោះ។ដូច្នេះក្រមនេះយើងសង្កេតឃើញថានៅចន្លោះប្រហោង ក្នុងនេះមានទាំងបញ្ហាស្រូបទោសជាដើមដែលជាក្រមមួយ ទោសធំស្រូបយកទោសតូចៗធ្វើឱ្យកម្រិតជាប់ទោសនឹងថយតិចចុះ»។
ជាមួយគ្នានោះដែរឯកឧត្តមឧបនាយករដ្ឋមន្ត្រីបានថ្លែងថាបើយោងតាមច្បាប់ព្រហ្មទណ្ឌអន្តរកាលសម័យអ៊ុនតាក់វិញក្នុងមាត្រា ៣១និង៣២បានចែងថាជនណាដែលសម្លាប់ មនុស្ស ដោយចេតនាឬជនណាមួយទៀតដែលប៉ុនបងសម្លាប់ជនណាមួយទៀតដោយចេតនាត្រូវជាប់ទោសពីបទឧក្រិដសម្លាប់មនុស្សដោយចេតនាត្រូវដាក់ពីបទឧក្រិដ្ឋពី១០-១៥ឆ្នាំ។
រដ្ឋមន្ត្រីក្រសួងយុត្តិធម៌ បានថ្លែងដោយបញ្ជាក់ថា៖«បើយើងដាក់ទោសជនល្មើសណា មួយទៅតាមអារម្មណ៍ដោយមិនបានមើលទៅលើអង្គហេតុ ភស្ថុតាងនៃច្បាប់ នោះជា ការអនុ វច្បាប់ ឬបកស្រាយច្បាប់ទៅតាមអារម្មណ៍ ហើយ ដែលការនេះវានឹងធ្វើឱ្យ ប៉ះពាល់ ដល់គោល ការអនុវត្តច្បាប់ពោលគឺគោលការនីត្យានុកូលភាពនៃច្បាប់ដែលជាគោលការគ្រឹះមួយក្នុងច្បាប់ព្រហ្មទណ្ឌ។គោលការនេះមិនមែនចែងនៅកម្ពុជានោះទេ តែវាក៏ចែងក្នុងគោលកា រនៅអន្តរ ជាតិផងដែរ។
សូមជម្រាបដែរក្រមព្រហ្មទណ្ឌថ្មីរបស់កម្ពុជា ត្រូវបានចាប់ផ្តើមអនុវត្ត នៅទូទាំ ងប្រ ទេសកាលពីខែធ្នូ២០១០កន្លងមកក្រមនេះមានមាត្រាសរុបទាំងអស់៦៧២ និងក្រមនីតិវិធីព្រ ហ្មទណ្ឌ វិញមានមាត្រាសរុប៦១២៕
ចែករំលែកព័តមាននេះ