កម្ពុជា បាត់បង់មរតកមនុស្សរស់មួយរូបទៀត
- ភ្នំពេញ
ព្រឹទ្ធាចារ្យ បោរាណាចារ្យ ប៊ិន វិន ដែលត្រូវបានព្រះមហាក្សត្រចេញព្រះរាជក្រឹត្យទទួលស្គាល់ថា ជាមរតកមនុស្សរស់ម្នាក់ នៅក្នុងចំណោមព្រឹទ្ធាចារ្យចំនួន៩រូប កាលពីថ្ងៃទី
ព្រឹទ្ធាចារ្យ បោរាណាចារ្យ ប៊ិន វិន ដែលត្រូវបានព្រះមហាក្សត្រចេញព្រះរាជក្រឹត្យទទួលស្គាល់ថា ជាមរតកមនុស្សរស់ម្នាក់ នៅក្នុងចំណោមព្រឹទ្ធាចារ្យចំនួន៩រូប កាលពីថ្ងៃទី
ព្រឹទ្ធាចារ្យ បោរាណាចារ្យ ប៊ិន វិន ដែលត្រូវបានព្រះមហាក្សត្រចេញព្រះរាជក្រឹត្យទទួលស្គាល់ថា ជាមរតកមនុស្សរស់ម្នាក់ នៅក្នុងចំណោមព្រឹទ្ធាចារ្យចំនួន៩រូប កាលពីថ្ងៃទី៤ ខែកុម្ភៈ ឆ្នាំ២០២៣ កន្លងទៅនោះ បានទទួលមរណភាពហើយ ។
ក្រសួងវប្បធម៌ និងវិចិត្រសិល្បៈ បានជូនដំណឹងនៅថ្ងៃទី២៦ ខែមិថុនា ឆ្នាំ២០២៤ នេះថា ព្រឹទ្ធាចារ្យ បោរាណាចារ្យ ប៊ិន វិន មរតកមនុស្សរស់ បានទទួលមរណភាព តាំងតែពីថ្ងៃសោរ៍ ទី២២ ខែមិថុនា ឆ្នាំ២០២៤ វេលាម៉ោង០២និង២៧នាទីទៀបភ្លឺ ក្នុងជន្មាយុ៨៨ឆ្នាំ ដោយជរាពាធ។
ក្រសួង ក៏បានសូមសម្តែងនូវសមានទុក្ខយ៉ាងអាឡោះអាល័យ និងក្តីសង្វេគជាពន្លឹក ជាមួយលោកយាយ ព្រមទាំងក្រុមគ្រួសារ ចំពោះមរណភាពរបស់ ព្រឹទ្ធាចារ្យ បោរាណាចារ្យ ប៊ិន វិន គឺជាការបាត់បង់ស្វាមី ឪពុក ជីតា ជាទីគោរពស្រឡាញ់ប្រកបដោយព្រហ្មវិហារធម៌ និងជាការបាត់បង់នូវមរតកមនុស្ស រស់ដ៏ឆ្នើមមួយរូប ដែលបានលះបង់ពេលវេលា កម្លាំងកាយចិត្តពេញមួយជីវិត ក្នុងការរួមចំណែកលើកស្ទួយវិស័យ វប្បធម៌ ក្បួនតម្រា និងទំនៀមទម្លាប់ប្រពៃណីអាពាណ៍ពិពាហ៍ខ្មែរពីបុរាណ។
ព្រឹទ្ធាចារ្យ បោរាណាចារ្យ ប៊ិន វិន ចាប់កំណើតនៅថ្ងៃទី១០ ខែសីហា ឆ្នាំ១៩៣៦ នៅភូមិចាន់ ឃុំតាំងក្រសាំង ស្រុកបាធាយ ខេត្តកំពង់ចាម ។
នៅមុនការតែងតាំង ព្រឹទ្ធាចារ្យ បោរាណាចារ្យ ប៊ិន វិន ត្រូវបានគេដឹង និងទទួលស្គាល់ថា ជាអ្នកដែលចេះដឹងមានជំនាញច្បាស់លាស់ ខាងភ្លេងអារក្ស យីកេ ល្ខោន អាយ៉ៃ អាចារ្យកិច្ចពិធីចូលម្លប់ និងចេញម្លប់ អាចារ្យពេលាការ អាចារ្យមង្គលការ និងចៅមហា។
មកដល់ពេលនេះ ព្រឹទ្ធាចារ្យ បោរាណាចារ្យ ប៊ិន វិន គឺជាមរតកមនុស្សរស់មួយរូប ក្នុងចំណោមមរតកមនុស្សរស់សរុប២៦រូប ដែលត្រូវបានជ្រើសរើសដោយក្រសួងវប្បធម៌ និងវិចិត្រសិល្បៈ និងត្រាស់បង្គាប់ផ្តល់គោរមងារថ្នាក់ជាតិពីព្រះមហាក្សត្រ។
មកដល់ពេលនេះ មរតកមនុស្សកម្ពុជា បានបាត់បង់ជាបន្តបន្ទាប់ ដោយសារតែជរាភាព ។
ដោយ ៖ ស ផាន់
ចែករំលែកព័តមាននេះ