រាជធានីភ្នំពេញ ៖ រដ្ឋមន្ត្រីក្រសួងយុត្តិធម៌បានអះអាងថា នឹងស្នើសុំឈ្មោះស្រី ស៊ីណា ដាក់នៅទៅក្នុងបញ្ជីឈ្មោះទណ្ឌិត ដែលជាឧក្រិដ្ឋជនសាហាវមិនអាចស្នើសុំបន្ធូរបន្ថយ និងលើកលែងទោសបានឡើយ។
![](https://kohsantepheapdaily.com.kh/wp-content/uploads/2024/06/a609e8650aa17a9f8d657fe0bfa93356-2.png)
ថ្លែងក្នុងសន្និសីទសារព័ត៌មាន នារសៀលថ្ងៃទី២៦ ខែមិថុនា ឆ្នាំ២០២៤ នេះ នៅទីស្តីការក្រសួង ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌បានអះអាងថា ក្នុងនាមជារដ្ឋមន្ត្រីក្រសួងយុត្តិធម៌ និងជាប្រធានគណៈកម្មការជាតិ ដើម្បីវាយតម្លៃ ដើម្បីពិនិត្យឈ្មោះទណ្ឌិតបន្ធូរបន្ថយទោស និងលើកលែងទោសនឹងស្នើសុំគណៈកម្មការដាក់ឈ្មោះស្រី ស៊ីណា ទៅក្នុងបញ្ជីឧក្រិដ្ឋជនសាហាវ ដែលមិនអាចទទួលយកការស្នើសុំការបន្ធូរបន្ថយ និងលើកលែងទោសបានឡើយ ។
![](https://kohsantepheapdaily.com.kh/wp-content/uploads/2024/06/5a03bae0f302d742c3fb31f465c14f9f.jpg)
ឯកឧត្តមរដ្ឋមន្ត្រីក៏បានថ្លែងអំណរគុណដល់តំណាងអយ្យការសាលាដំបូងរាជធានីភ្នំពេញ ដែលបានសម្រេចបំបែកសំណុំរឿងនេះជាពីរ ដើម្បីផ្តន្ទាទោសជននេះ(ស្រី ស៊ីណា) និងដើម្បី ឯកជននេះរងទោសទោសដល់អតីប្បរមា ដែលសំណុំរឿងនីមួយៗ នឹងត្រូវរងនឹងការផ្តន្ទាទោស ដាក់ពន្ធនាគាររហូតដល់១៥ ឆ្នាំ។
![](https://kohsantepheapdaily.com.kh/wp-content/uploads/2024/06/f13a80136fd7b33b09e07fd908bcc66c.jpg)
ជាមួយគ្នានោះដែរ ឯកឧត្តមរដ្ឋមន្ត្រីបានស្នើសុំតុលាការ៖ ទី១ គឺកុំបញ្ចូលសំណុំ រឿងនេះទៅជាសំណុំរឿងតែមួយ ទី២ស្នើសុំទៅតុលាការគ្រ ប់ជាន់ថ្នាក់សូមកុំអនុវ ត្តវិធាន ស្រូបទោស ដើម្បីធានាថាជននេះនឹងអនុវត្តតាម សាលាក្រមឬសាលដីការជា បន្តបន្ទាប់ចំពោះ សំណុំរឿងទាំងពីរនេះ។ ឯកឧត្តមបានគូសបញ្ជាក់ថា៖ «ត្រូវអនុវត្តចប់សំណុំរឿងមួយ ដាក់អនុវត្តសំណុំរឿង មួយទៀតបន្ត ។ សំណុំរឿងទោស១៥ឆ្នាំ បើពីសំណុំរឿងមានន័យថា ជាប់ទោស៣០ឆ្នាំ»។
![](https://kohsantepheapdaily.com.kh/wp-content/uploads/2024/06/12908e51aac42632ba23afcb73ecb8a1.jpg)
ជាមួយគ្នានោះដែរ ឯកឧត្តមរដ្ឋមន្ត្រីបានលើកឡើងថា៖ «បន្ទាប់ពីតុលាការបានចេញសេចក្តីសម្រេចដូចជាស្ថាពរហើយ ក្នុងនាមខ្ញុំជាអ្នកទទួលបានតាមគោលការណ៍ពីសម្តេចធិបតី ហ៊ុន ម៉ាណែត នាយករដ្ឋមន្ត្រី និងក្នុងនាមជារដ្ឋមន្ត្រីក្រសួងយុត្តិធម៌ និងជាប្រធានគណៈកម្ម ការជាតិដើម្បីវាយតម្លៃ ដើម្បីពិនិត្យ ឈ្មោះទណ្ឌិតបន្ធូរបន្ថយទោស និងលើកលែងទោស ខ្ញុំនឹង ស្នើសុំទៅគណៈកម្មការជាតិដើម្បីដាក់ឈ្មោះជននេះ(ស្រី ស៊ីណា)នៅក្នុងបញ្ជីឧក្រិដ្ឋជនសា ហាវ ដែលមិនអាចទទួលយកការស្នើសុំការបន្ធូរបន្ថយ និងលើកលែងទោសនិងលើកលែងទោ សបានឡើយ»។
![](https://kohsantepheapdaily.com.kh/wp-content/uploads/2024/06/be831cb0c74da3e1143c725551c1e569.jpg)
សូមជម្រាបថា អ្នកនាំពាក្យក្រសួងយុត្តិធម៌ គូសបញ្ជាក់ជូនសាធារណជននូវចំណុចសំខាន់ៗ ពាក់ព័ន្ធនឹងករណីបាញ់ ប្រហារដ៏សាហាវប្រ ព្រឹត្តដោយជនល្មើសឈ្មោះ ស្រី ស៊ីណា និងចំណាត់ការក្នុងការអនុវត្តច្បាប់ចំពោះករណីនេះក្រសួងយុត្តិធម៌បានតាមដានដោយយកចិត្តដាក់បំផុតលើការអនុវត្តច្បាប់ ចំពោះករណីខាងលើនេះ ដើម្បីធានាថា ច្បាប់ត្រូវបានអនុវត្តដោយ “ត្រឹមត្រូវ” និងដោយ “ម៉ឺងម៉ាត់” នៅក្នុងករណីនេះ ពិសេស ធានាថា ជនល្មើសដាច់ខាតត្រូវតែទទួលខុសត្រូវចំពោះមុខច្បាប់ជាធរមាន ដោយម៉ឺងម៉ាត់ និងដោយគ្មានការបន្ធូរបន្ថយណាមួយឡើយ, អ្នកមិនពាក់ព័ន្ធត្រូវទទួលបា ននូវយុត្តិធម៌តាមច្បាប់ ហើយជនរងគ្រោះដាច់ខាតត្រូវតែទទួលបានយុត្តិធម៌ ដោយត្រឹមត្រូវតាមច្បាប់។
![](https://kohsantepheapdaily.com.kh/wp-content/uploads/2024/06/2c6bf963b27775442db97779edba4c3e-2.jpg)
អ្នកនាំពាក្យថាអយ្យការអមសាលាដំបូងរាជធានីភ្នំពេញបានសម្រេចចោទប្រកាន់ជនល្មើសឈ្មោះ ស្រី ស៊ីណា ក្នុងសំណុំរឿងពីរដាច់ដោយឡែកពីគ្នា ពី ៖ (១)-បទឃាតកម្ម តាមមាត្រា ១៩៩ នៃក្រមព្រហ្មទណ្ឌ ដែលអាចជាប់ទោសដាក់ពន្ធនាគារពី ១០ ឆ្នាំ ទៅ ១៥ ឆ្នាំ, (២)-បទប៉ុនប៉ងឃាតកម្ម (ឬបទឃាតកម្មមិនបានសម្រេច) តាមមាត្រា ២៧ និងមាត្រា ១៩៩ នៃក្រមព្រហ្មទណ្ឌ ដែលអាចជាប់ទោសដាក់ពន្ធនាគារពី ១០ ឆ្នាំ ទៅ ១៥ ឆ្នាំ និង (៣)-បទប្រើប្រាស់អាវុធដោយខុសច្បាប់ តាមមាត្រា២០នៃច្បាប់ស្តីពីការគ្រប់គ្រងអាវុធ គ្រឿងផ្ទុះ និងគ្រាប់រំសេវ ដែលអាចជាប់ទោសដាក់ពន្ធនាគារពី ៦ ខែ ទៅ ២ ឆ្នាំ។
![](https://kohsantepheapdaily.com.kh/wp-content/uploads/2024/06/5a03bae0f302d742c3fb31f465c14f9f-1.jpg)
ជាមួយគ្នានេះ, អយ្យការអមសាលាដំបូងរាជធានីភ្នំពេញបានសម្រេចដោះលែងឱ្យមានសេរីភាពវិញនូវបុគ្គលពីររូបទៀត រួមមានឈ្មោះ សាន សុខចំរើន ហៅ ឆ្អឹង និងឈ្មោះ ទិន ទូច ហៅ រ៉ាដូ ដោយផ្អែកលើលទ្ធផលនៃការស្រាវជ្រាវ និងភស្តុតាង ដែលបង្ហាញថា បុគ្គលពីររូបនេះ មិនមានការពាក់ព័ន្ធនឹងអំពើឃាតកម្មខាងលើ។
ប្រភពបានលើកឡើងទៀតថាផ្អែកលើបទចោទប្រកាន់ និងការបំបែកសំណុំរឿងជាពី ររបស់តំណាងអយ្យការអមសាលាដំបូងរាជធានីភ្នំពេញ ព្រមទាំងច្បាប់នៃព្រះរាជាណា ចក្រកម្ពុជា, ជនល្មើសឈ្មោះ ស្រី ស៊ីណា នឹងត្រូវកាត់ទោសដោយសាលក្រមចំនួន២ សម្រាប់សំណុំរឿងពីរដាច់ដោយឡែកពីគ្នា ហើយអាចប្រឈមនឹងការផ្ត ន្ទាទោសដាក់ពន្ធ នាគាររហូតដល់១៥ឆ្នាំ ក្នុងសំណុំរឿងនីមួយៗ។
ជាមួយគ្នានោះដែរអ្នកនាំពាក្យក្រសួងយុត្តិធម៌ ស្នើសុំស្ថាប័នតុលាការ និងស្ថាប័នអយ្យ ការ មានវិធានការអនុវត្តច្បាប់ឱ្យបាន “ម៉ឺងម៉ាត់” ចំពោះករណីសំណុំរឿងទាំងពីរនេះ និងស្នើសុំថាទោសដែលចេញលើសំណុំរឿងទាំងពីរខាងលើនេះនឹងមិនត្រូវស្រូបបញ្ចូលគ្នាឡើយដើម្បីធានាដល់គោលការណ៍ “សមទណ្ឌោ” ទៅតាមច្បាប់ ចំពោះករណីនៃការ បាញ់ប្រហារខាងលើ។
![](https://kohsantepheapdaily.com.kh/wp-content/uploads/2024/06/b512fd14a0a931948eb92d3ed62f03bb.png)
អ្នកនាំពាក្យក្រសួងយុត្តិធម៌ សូមបញ្ជាក់ជូនថា ក្នុងករណីមានការស្រាវជ្រាវរកឃើញ ភស្តុតាងថ្មីបន្ថែម ដែលធ្វើឱ្យប្រែប្រួលទៅលើអង្គហេតុ និងបទចោទប្រកាន់, ទាំងចៅក្រមស៊ើប សួរ ទាំងចៅក្រមជំនុំជម្រះ មានសិទ្ធិអំណាចតាមច្បាប់ ក្នុងការកែប្រែបទចោទប្រកាន់ ទៅតាមអង្គហេតុ, ភស្តុតាង និងអង្គច្បាប់ ដែលមានក្នុងសំណុំរឿង ដោយអនុវត្តទៅតាមនីតិវិ ធីដែលមានចែងក្នុងក្រមនីតិវិធីព្រហ្មទណ្ឌនៃព្រះរាជាណាចក្រកម្ពុជា។
អ្នកនាំពាក្យបានបញ្ជាក់ថា«ករណីបាញ់ប្រហារខាងលើ គឺពិតជារឿងដ៏រន្ធត់ និងអាណោចអាធ័មក្រៃលែង ទាំងសម្រាប់ជនរងគ្រោះ និងក្រុមគ្រួសារ ព្រមទាំ ងសង្គមជាតិយើង ហើយយើងពុំមានជម្រើសអ្វីក្រៅពីការអនុវត្តតាមច្បាប់ឱ្យបាន “ត្រឹមត្រូវ” និង “ម៉ឺងម៉ាត់” ដោយផ្អែកតាមអង្គហេតុ, ភស្តុតាង និង អង្គច្បាប់នៅក្នុងសំណុំរឿង ដើម្បីធានាថា ជនរងគ្រោះទទួលបានយុត្តិធម៌តាមផ្លូវច្បាប់ ហើយជនល្មើសដាច់ខាតត្រូ វតែទទួលខុសត្រូវចំពោះមុខច្បាប់ ដោយម៉ឺងម៉ាត់ និងដោយគ្មានបន្ធូរបន្ថយណាមួយឡើយ»៕
ចែករំលែកព័តមាននេះ