ឆេះផ្ទះ១ខ្នងក្រោយវិទ្យាល័យជាស៊ីម សាមគ្គី ពន្លត់រួច ប្រទះឃើញម្ចាស់ផ្ទះត្រូវភ្លើងឆេះស្លា.ប់
- ភ្នំពេញ
រាជធានីភ្នំពេញ ៖ ផ្ទះមួយខ្នងធ្វើអំពីឈើលើ ថ្មក្រោម ស្ថិតនៅក្រោយវិទ្យាល័យជាស៊ីម សាមគ្គី ក្នុង
រាជធានីភ្នំពេញ ៖ ផ្ទះមួយខ្នងធ្វើអំពីឈើលើ ថ្មក្រោម ស្ថិតនៅក្រោយវិទ្យាល័យជាស៊ីម សាមគ្គី ក្នុង សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ត្រូវបានអគ្គីភ័យឆាបឆេះយ៉ាងសន្ធោសន្ធៅ បណ្តាលអោយរងការខូចខាតអស់ទាំងស្រុង និងបណ្តាលអោយបុរសជាម្ចាស់ផ្ទះម្នាក់ ស្លា.ប់យ៉ាងអាណោចអាធ័ម។
ហេតុការណ៍គ្រោះអគ្គិភ័យខាងលើនេះបង្កអោយមានការភ្ញាក់ផ្អើលកាលពីវេលាម៉ោងជាង៣រសៀលថ្ងៃទី២៦ ខែមិថុនា ឆ្នាំ ២០២៤ ហើយរថយន្តពន្លត់អគ្គីភ័យជាច្រើនគ្រឿងបានចុះទៅអន្តរាគមន៍បាញ់ពន្លត់ ។
ជនរងគ្រោះដែលបានស្លាប់ក្នុងគ្រោះអគ្គិភ័យនេះឈ្មោះ សំ សារិន ភេទប្រុស អាយុ៥៦ឆ្នាំ ជាម្ចាស់ផ្ទះ ។
តាមប្រភពព័ត៌មានបានឱ្យដឹងថា នៅមុនពេលកើតហេតុ គេឃើញភ្លើងបានឆាបឆេះយ៉ាងសន្ធោសន្ធៅចេញពីផ្ទះជាន់ទី១ ហើយបានឆេះរាលដាលយ៉ាងឆាប់រហ័ស ។ ភ្លាមៗនោះ រថយន្តពន្លត់អគ្គីភ័យ ជាច្រើនគ្រឿងបានចុះទៅអន្តរាគមន៍បាញ់ទឹកពន្លត់ ហើយភ្លើងបានរលត់ទៅវិញ ។ លុះក្រោយមក ក៍មានការភ្ញាក់ផ្អើលប្រទះឃើញបុរសម្នាក់ដែលជាម្ចាស់ផ្ទះ ត្រូវភ្លើងឆេះស្លា.ប់។
តាមប្រភពពីក្រុមគ្រួសារស.ពជនរងគ្រោះបានអោយដឹងថា នៅមុនពេលកើតហេតុ ជនរងគ្រោះ ព្រមទាំងកូនចៅបាននៅខាងក្រោមផ្ទះ ក្រោយមកជនរងគ្រោះក៍បានឡើងទៅលើផ្ទះ ស្រាប់តែ ភ្លើងបានឆាបឆេះ បណ្តាលអោយជាប់ជនរងគ្រោះឆេះស្លា.ប់។
តាមប្រភពព័ត៌មានខ្លះមានការសង្ស័យថា ជនរងគ្រោះបានដុ.តខ្លួនឯងនៅក្នុងផ្ទះ ហើយបណ្តាលអោយឆេះរាលដាល់ដល់លំនៅឋានតែម្តង ។ ទោះបីជាយ៉ាងណា សមត្ថកិច្ចកំពុងតែស្រាវជ្រាវ និងហៅកូនចៅម្ចាស់ផ្ទះទៅសាកសួរ។
តាមប្រភពព័ត៌មានបានអោយដឹងថា កន្លងមក ជនរងគ្រោះ ធ្លាប់មានជំងឺប្រចាំកាយផងដែរ។
តាមប្រភពពីនគរបាលបានឱ្យដឹងថា នៅក្នុងហេតុការណ៍នេះ រថយន្តពន្លត់អគ្កីភ័យចំនួន១៨គ្រឿងបានទៅអន្តរាគមន៍បាញ់ពន្លត់ ហើយភ្លើងបានរលត់ទៅវិញ ។
ទាក់ទិនមូលហេតុពិតនៃការកើតមានអគ្គីភ័យនេះ គេពុំទាន់ដឹងពីមូលហេតុអ្វីនៅឡើយទេ ខណៈសមត្ថកិច្ចកំពុងតែធ្វើការស្រាវជ្រាវ ៕
ចែករំលែកព័តមាននេះ