រាជធានីភ្នំពេញ ៖ ដរាបណាគណបក្សប្រជាជនកម្ពុជានៅតែបន្ដដឹកនាំប្រទេស ជីវភាពនិងកិត្តិយសរបស់អតីតយុទ្ធជន អតីតមន្ដ្រីរាជការ នៅតែបន្ដយកចិត្តទុកដាក់ និងលើកកម្ពស់ជាបន្ដបន្ទាប់ផងដែរ ។ នេះបើតាមការបញ្ជាក់របស់សម្ដេចធិបតី ហ៊ុន…
រាជធានីភ្នំពេញ ៖ ដរាបណាគណបក្សប្រជាជនកម្ពុជានៅតែបន្ដដឹកនាំប្រទេស ជីវភាពនិងកិត្តិយសរបស់អតីតយុទ្ធជន អតីតមន្ដ្រីរាជការ នៅតែបន្ដយកចិត្តទុកដាក់ និងលើកកម្ពស់ជាបន្ដបន្ទាប់ផងដែរ ។ នេះបើតាមការបញ្ជាក់របស់សម្ដេចធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជានាយករដ្ឋមន្ដ្រីកម្ពុជា ។
ថ្លែងនាឱកាសអញ្ជើញជាអធិបតីខួបលើកទី១៧ ទិវាអតីតយុទ្ធជនកម្ពុជា ២១ មិថុនា ២០០៧ – ២១
មិថុនា ២០២៤ នៅព្រឹកថ្ងៃទី២៦ ខែមិថុនា ឆ្នាំ២០២៤ សម្ដេចធិបតីនាយករដ្ឋមន្ដ្រី មានមោទនភាពដែលបានបង្កើតភូមិសន្តិភាពដែលមានសុទ្ធតែអតីតយោធានៃគ្រប់ភាគីជម្លោះបានរស់នៅជាមួយគ្នាដោយសុខដុម។
សម្ដេចធិបតីនាយករដ្ឋមន្ត្រីបានគូសបញ្ជាក់យ៉ាងដូច្នេះថា៖«ដរាបណាគណបក្សប្រជាជនកម្ពុជា នៅមានឱកាសដឹកនាំបន្ដ ជីវភាព កិត្តិយស របស់អតីតយុទ្ធជន អតីតមន្ដ្រីរាជការ នៅតែបន្ដយកចិត្តទុកដាក់ និងលើកកម្ពស់ជាបន្ដបន្ទាប់ ។ តិច ឬច្រើន យើងបន្ដជួយគ្នា ហើយយកចិត្តទុកដាក់ ហើយគ្រប់ជ្រុងកាលពេលមុនយើងមានប្រាក់សោធន ឥឡូវយើងមានគោលនយោបាយរបបផ្ទះ» ។
ជាមួយគ្នានោះដែរ សម្ដេចធិបតីបានបន្ដជីវភាព និងព្យាបាលជំងឺផ្សេងៗរបស់អតីតយុទ្ធជនត្រូវបានគិតគូរជានិច្ច ។ សម្ដេចក៏បានថ្លែងអំណរគុណចំពោះ ក្រសួងសុខាភិបាលតែងតែយកចិត្តទុកដាក់ចំពោះ អតីតយុទ្ធជន ដោយព្យាបាលឥតគិតថ្លៃដោយមានប័ណ្ណ ប.ស.ស ។
ចំពោះមុខអតីតយុទ្ធជនសម្ដេចធិបតីនាយករដ្ឋមន្ដ្រីឮបានឲ្យដឹងថា បច្ចុប្បន្ននេះ អតីតយុទ្ធជនចំនួន ១០.៩០៣៤នាក់ ព្រមទាំងអ្នកនៅក្នុងបន្ទុកចំនួន១៤៩០៥៣នាក់ កំពុងទទួលប្រាក់របបសន្តិសុខសង្គម ប្រចាំខែពីរដ្ឋ ។
ចែករំលែកព័តមាននេះ