រាជធានីភ្នំពេញ ៖ ដោយសារតែម្ចាស់ផ្ទះមានធនធានហើយមានផ្ទះនៅទីក្រុងភ្នំពេញ ផ្ទះអតីតយុទ្ធជនខ្លះបានចាក់សោទុកចោលរហូតដល់ផ្ទះនោះខូច ដែលជាអំណោយរបស់រាជរដ្ឋាភិបាល ។ នេះបើតាមឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា ។
ឯកឧត្តម គន់ គីម ទេសរដ្ឋមន្ត្រីបានលើកឡើង«ខួបលើកទី១៧ ទិវាអតីតយុទ្ធជនកម្ពុជា ២១ មិថុនា ២០០៧-២១ មិថុនា ២០២៤» នៅសាកលវិទ្យាល័យការពារជាតិថា នៅឆ្នាំ២០២៣ សម្តេចនាយករដ្ឋមន្ត្រីបានផ្តល់ផ្ទះជូនដល់អតីតយុទ្ធជនបានមួយផ្នែក ហើយនៅឆ្នាំ២០២៤នេះ សង្ឃឹមថា សម្តេចនាយករដ្ឋមន្ត្រីនឹងផ្តល់ជូនដល់អតីតយុទ្ធជនបន្ថែម ។
ឯកឧត្តមទេសរដ្ឋមន្ត្រី គន់ គីម បានគូសបញ្ជាក់ថា «អាលូវផ្ទះអតីតយុទ្ធជនមានភាពខ្វះច្រើនរហូតដល់២ពាន់ខ្នងក្នុងឆ្នាំ២០២៤នេះ សម្តេច! ពិបាកអាលូវ អតីតយុទ្ធជនស្លាប់កាន់តែច្រើន អីញ្ចឹងទេខ្លាចមិនបាននៅផ្ទះហ្នឹង ខ្ញុំបាទសូមអំពាវនាវដោយយកឈ្មោះសម្តេចធិបតីនៅពីក្រោយ ក៏មានអ្នកជួយ» ។
ឯកឧត្តមបានឲ្យដឹងទៀតថា តាមការធ្វើបច្ចុប្បន្នភាពចំនួនអតីតយុទ្ធជន និងគ្រួសារពលីមរណៈដែលអត់មានដីនិងផ្ទះរស់នៅលើដីសាធារណៈរបស់រដ្ឋមានចំនួន២៥៣៤គ្រួសារ ។ ក្នុងនោះ អ្នកដែលអត់មានដី និងផ្ទះចំនួន១៩០០គ្រួសារ រស់នៅដីសារណៈចំនួន៦៣៤គ្រួសារ ។
ទាក់ទិននឹងអតីតយុទ្ធជនដែលទទួលបានប័ណ្ណកាន់កាប់ដល់ដៃ ហើយមិនមានផ្ទះផ្តល់ឲ្យនោះត្រូវបានឯកឧត្តម ទេស រដ្ឋមន្ត្រី គន់ គីម បានអះអាងថាអ្នកដែលបានប័ណ្ណនោះភាគី ច្រើនអ្នករស់នៅទីក្រុងភ្នំពេញ ឬក៏សុទ្ធតែពួកអ្នកមាន។
ពាក់ព័ន្ធនឹងអ្នកដែលអ្នកមានហើយទទួលបានប័ណ្ណនោះ ត្រូវឯកឧត្តមបានក៏បានបញ្ជាក់ថា ៖ «ចំណុចនេះ ពួកខ្ញុំបានធ្វើបច្ចុប្បន្នភាពដោយត្រូវចំរាញ់យកពីមូលដ្ឋានមកហើយផ្តល់ឲ្យចំពោះអ្នកដែលអត់ផ្ទះពិតប្រាកដ និងអត់ដីពិប្រាកដ ព្រោះថាអ្នកដែល ចាប់ឆ្នោតកន្លងទៅ នៅក្រសួងសង្គមកិច្ច និងក្រសួងដែនដី គាត់ ចាប់បានផ្ទះ ហើយគាត់ចាក់សោចោល ។ គាត់មានផ្ទះវីឡានៅភ្នំពេញ អីញ្ចឹងគាត់អត់ទៅផ្ទះ នៅភូមិអតីតយុទ្ធជននោះទេ»។
ឯកឧត្តមទេសរដ្ឋមន្ត្រីបានគូសបញ្ជាក់បន្ថែមថា៖ «គាត់់ចាប់បានផ្ទះ ហើយមានប័ណ្ណ កាន់កាប់ គាត់មានផ្ទះនៅភ្នំពេញ ហើយគាត់ចាក់សោចោល ដែលធ្វើឲ្យខូចអស់ ច្រើនណាស់កន្លងទៅ ។ ផ្ទះនោះយើងដកយកវិញក៏ដកមិនបាន ព្រោះជាប់ច្បាប់សង្គមកិច្ច្ អីញ្ចឹងខាតលុតអស់ច្រើនណាស់ សម្តេច! ដោយសារតែការទូងស្គរមានន័យថាអ្នក ណាក៏មានសិទ្ធិចាប់យកដីនោះដែរ ដល់ដំណាក់កាលធ្វើកំណែទម្រងនេះ ខ្ញុំចាប់ផ្តើមធ្វើការប្រមូលទិន្នពីក្រោមមកហើយបញ្ជាក់ថាអ្នកនឹងពិតជាក្រ អត់ផ្ទះ អត់ដីរស់ហើយ មានការអះអាងពីក្រុមប្រឹក្សា ឃុំ និងស្រុក ។ ដូច្នេះ ហើយអាណត្តិទី៧មាន ចំនួនជាង២ពាន់ខ្នង»។
ក្នុងឱកាសនោះដែរ ឯកឧត្តមទេសរដ្ឋមន្ត្រីបានឲ្យដឹងថា ជារៀងរាល់ខែ សមាជិកអតីតយុទ្ធជនបានទទួលមរណភាពតែងតែកើនឡើងជាបន្តបន្ទាប់ ដែលគិតជាមធ្យមមានចំនួន១៩០នាក់ក្នុងមួយមួយខែ ។ អ្នកដែលស្លាប់នោះដោយសារមុខរបួសរើស និងសុខភាពទ្រុឌទ្រោម និងមានជំងឺប្រចាំកាយ៕
ចែករំលែកព័តមាននេះ