ខេត្តសៀមរាប ៖ ចៅក្រមស៊ើបសួរនៃសាលាដំបូងខេត្តបានសម្រេចចោទប្រកាន់ និងឃុំខ្លួនបណ្តោះអាសន្នក្នុងពន្ធនាគារ មន្ត្រីនគរបាល២នាក់ សមាជិកក្រុមប្រឹក្សាសង្កាត់ម្នាក់ និងអ្នកសមគំនិតម្នាក់ ។ តាមសេចក្ដីប្រកាសព័ត៌មានរបស់អ្នកនាំពាក្យនៃអយ្យការអមសាលាដំបូងខេត្តបានបង្ហាញថា ការសម្រេចឃុំខ្លួនមន្ត្រីនគរបាល២នាក់…
ខេត្តសៀមរាប ៖ ចៅក្រមស៊ើបសួរនៃសាលាដំបូងខេត្តបានសម្រេចចោទប្រកាន់ និងឃុំខ្លួនបណ្តោះអាសន្នក្នុងពន្ធនាគារ មន្ត្រីនគរបាល២នាក់ សមាជិកក្រុមប្រឹក្សាសង្កាត់ម្នាក់ និងអ្នកសមគំនិតម្នាក់ ។
តាមសេចក្ដីប្រកាសព័ត៌មានរបស់អ្នកនាំពាក្យនៃអយ្យការអមសាលាដំបូងខេត្តបានបង្ហាញថា ការសម្រេចឃុំខ្លួនមន្ត្រីនគរបាល២នាក់ មន្ត្រីក្រុមប្រឹក្សាសង្កាត់សំបួរម្នាក់ និងបក្ខពួកម្នាក់ គឺពីបទសមគំនិតគ្នាធ្វើអត្តសញ្ញាណប័ណ្ណសញ្ជាតិខ្មែរដោយខុសច្បាប់ឱ្យជនជាតិវៀតណាមម្នាក់ ប្រើប្រាស់ឯកសារសាធារណៈក្លែង និងក្លែងបន្លំឯកសារសាធារណៈ ។
អ្នកនាំពាក្យនៃអយ្យការអមសាលាដំបូងខេត្ត ឱ្យដឹងថា នៅថ្ងៃទី២៣ ខែមិថុនា ឆ្នាំ២០២៤ អយ្យការអមសាលាដំបូងខេត្ត បានចាត់ការលើសំណុំរឿងព្រហ្មទណ្ឌលេខ ៨៨០ ចុះថ្ងៃទី២៣ ខែមិថុនា ឆ្នាំ២០២៤ ទាក់ទងនឹងជនជាតិវៀតណាមម្នាក់ និងជនជាតិខ្មែរ ៥នាក់ សរុបចំនួន ៦នាក់ តែឃាត់ខ្លួនចំនួន ៤នាក់ ឯបក្ខពួក ២នាក់បានគេចខ្លួន ។
ក្រោយពីបានសួរចម្លើយជនសង្ស័យ និងពិនិត្យភ័ស្តុតាងនានាក្នុងសំណុំរឿង តំណាងអយ្យការបានសម្រេចធ្វើការចោទប្រកាន់ ។ទោះបីជាបែបណា អត្តសញ្ញាណមន្ត្រីនគរបាល និងមន្ត្រីក្រុម ប្រឹក្សាសង្កាត់ដែលជាប់ចោទឃុបឃិតគ្នាធ្វើអត្តសញ្ញាណប័ណ្ណឱ្យជនជាតិវៀតណាមនេះ មិនត្រូវបានទម្លាយឱ្យដឹងនោះទេ ៕
ចែករំលែកព័តមាននេះ