រាជធានីភ្នំពេញ ៖ រដ្ឋមន្ត្រីក្រសួងមហាផ្ទៃបានប្តេជ្ញាបន្តសហការក្នុងការធានាសន្តិសុខ សម្រាប់ការៀបចំបោះឆ្នោតឲ្យបានល្អជាមួយគណៈកម្មាធិការជាតិរៀបចំការបោះឆ្នោត (គជប) ។ ការប្តេជ្ញានេះ នៅពេលឯកឧត្តមឧបនាយករដ្ឋមន្ត្រី ស សុខា…
រាជធានីភ្នំពេញ ៖ រដ្ឋមន្ត្រីក្រសួងមហាផ្ទៃបានប្តេជ្ញាបន្តសហការក្នុងការធានាសន្តិសុខ សម្រាប់ការៀបចំបោះឆ្នោតឲ្យបានល្អជាមួយគណៈកម្មាធិការជាតិរៀបចំការបោះឆ្នោត (គជប) ។
ការប្តេជ្ញានេះ នៅពេលឯកឧត្តមឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ ក្នុងឋានៈជាប្រធានគណៈបញ្ជាការសន្តិសុខអចិន្ត្រៃយ៍សម្រាប់ការបោះឆ្នោតបានផ្ដល់តម្លៃខ្ពស់ចំពោះមរតកនៃការខិតខំកសាង និងរក្សាបរិយាកាសស ន្តិសុខ ក្នុងដំណើរការបោះ ឆ្នោតនៅកម្ពុជា របស់ថ្នាក់ដឹកនាំជំនាន់មុន។
ការថ្លែងរបស់ឯកឧត្តមឧបនាយករដ្ឋមន្ត្រី នេះ បានធ្វើឡើងក្នុងពិធីបិទសន្និបា តបូកសរុបការងារបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ និងការបោះឆ្នោ តជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី៤ របស់គណៈកម្មាធិការជាតិរៀបចំការបោះឆ្នោត (គ.ជ.ប) រៀបចំនៅក្រុងសៀមរាប ខេត្តសៀមរាប នៅថ្ងៃទី២៤ ខែមិថុនា ឆ្នាំ២០២៤។
ក្នុងឱកាសនោះ ឯកឧត្តមឧបនាយករដ្ឋមន្ត្រី ស សុខា ការបោះឆ្នោតនៅកម្ពុជា ជាពិសេសក្នុងរយៈពេល ១០ឆ្នាំចុងក្រោយនេះ ទាំងការបោះឆ្នោតសកល និងអសកល ត្រូវបានមជ្ឈដ្ឋានជាតិ និងអន្តរជាតិ ទាំងអ្នកសង្កេតការណ៍ និងប្រជាពលរដ្ឋកម្ពុជាផ្ទាល់ ទទួលស្គាល់ជាឱឡារិកថា បានប្រព្រឹត្តទៅប្រកបដោយសន្តិសុខ និងសណ្ដាប់ធ្នាប់យ៉ាង ល្អប្រសើរ ពោលគឺគ្មានឡើយអំពើហិង្សានយោបាយ ឬការបង្កហេតុផ្សេងៗ ។
ក្នុងន័យនេះ ឯកឧត្តមឧបនាយករដ្ឋមន្ត្រីបានគូសបញ្ជាក់ថា ក្នុងជានាមអ្នកបន្តវេន ដែលទទួលខុសត្រូវលើកិច្ចការសន្តិសុខបោះឆ្នោត ឯកឧត្តម នឹងបន្តផ្ដល់កិច្ចសហការឱ្យបានល្អជាមួយគ.ជ.ប ដើម្បីបន្តធានាអនុវត្តរដ្ឋធម្មនុញ្ញ ពិសេសគោលការណ៍លទ្ធិប្រជាធិបតេយ្យ សេរីពហុបក្ស ដែលប្រជាពលរដ្ឋ មានភាពជាម្ចាស់ក្នុងការបោះឆ្នោតជ្រើសរើសតំ ណាងរបស់ខ្លួន ជាទៀតទាត់ស្របតាមច្បាប់។
ក្នុងឱកាសនោះដែរ ឯកឧត្តម ប្រាជ្ញ ចន្ទ ប្រធានគណៈកម្មាធិការជាតិរៀបចំកា របោះឆ្នោត បានមានប្រសាសន៍ថា ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ និងការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី៤ ក្នុងឆ្នាំ២០២៤នេះ បានប្រព្រឹត្តទៅជាបន្តបន្ទាប់ក្នុងបរិយាកាសដែលស្ថានភាពសង្គម សេដ្ឋកិច្ច និងនយោបាយ នៅកម្ពុជាមានការវិត្តល្អប្រសើរ ពិសេសគណបក្សនយោបាយ និងអង្គការជាតិ និងអន្តរជាតិ ភាគច្រើន បានចេញសេចក្ដីថ្លែងការណ៍គាំទ្រ និងកោតសរសើរ។
ប្រធានគ.ជ.ប បានធ្វើមូលវិចារការវាយតម្លៃជារួមរបស់ភាគីពាក់ព័ន្ធ ថាការបោះឆ្នោត ទាំងពីរចុងក្រោយនេះ មានបរិយាកាសសន្តិសុខ និងរបៀបរៀបរយល្អ គ្មានអំពើហិង្សា គ្មានការគំរាមកំហែង ពិសេសបានប្រព្រឹត្តទៅដោយសុវត្ថិភាព ឯករាជ្យ មិនលម្អៀង មានវិជ្ជាជីវៈ និងមានតម្លាភាព។ ឯកឧត្តម ក៏បានថ្លែងអំណរគុណគណៈបញ្ជាការសន្តិសុខអចិន្ត្រៃយ៍ សម្រាប់ការបោះ ឆ្នោត រួមទាំងអាជ្ញាធរមូលដ្ឋានគ្រប់ថ្នាក់ ដែលផ្ដល់កិច្ចសហការយ៉ាងល្អលើការងារ សន្តសុខ បោះឆ្នោត៕
ចែករំលែកព័តមាននេះ