ADផ្ទាំងផ្សព្វផ្សាយពាណិជ្ជកម្ម

Picture

មិនសរសើរមិនបាន ! មនុស្សយន្តមួយនេះផលិតដោយស្នាដៃកូនខ្មែរ ហើយអាចនិយាយបានទៀត

2 អាទិត្យ មុន
  • ភ្នំពេញ

រាជធានី​ភ្នំពេញ ៖ ពិតជា​អស្ចារ្យ​ណាស់ មនុស្ស​យន្ត​ជំនាន់​ថ្មី ផលិត​ដោយ​ស្នាដៃ​កូន​ខ្មែរ​កំពុង​មហាជន​អ្នក​ប្រើប្រាស់​បណ្តាញ​សង្គម​សម្តែង​ការ​ចាប់អារម្មណ៍​ជា​ខ្លាំង ក្រោយ​មនុស្ស​យន្ត​ដ៏​ឆ្លាត​វៃ​រូប​នេះ​មាន​សមត្ថភាព​មិនធម្មតា អាច​និយាយ និង​ស្តាប់​បាន​រហូត​ដល់​ទៅ​៦​ភាសា ។ មនុស្ស​យន្ត​ដែល​មានឈ្មោះ…

រាជធានី​ភ្នំពេញ ៖ ពិតជា​អស្ចារ្យ​ណាស់ មនុស្ស​យន្ត​ជំនាន់​ថ្មី ផលិត​ដោយ​ស្នាដៃ​កូន​ខ្មែរ​កំពុង​មហាជន​អ្នក​ប្រើប្រាស់​បណ្តាញ​សង្គម​សម្តែង​ការ​ចាប់អារម្មណ៍​ជា​ខ្លាំង ក្រោយ​មនុស្ស​យន្ត​ដ៏​ឆ្លាត​វៃ​រូប​នេះ​មាន​សមត្ថភាព​មិនធម្មតា អាច​និយាយ និង​ស្តាប់​បាន​រហូត​ដល់​ទៅ​៦​ភាសា ។

មនុស្ស​យន្ត​ដែល​មានឈ្មោះ ថា វិជ្ជា លោក​អាច​និយាយ​បាន​យ៉ាង​ល្អ ដោយ​កាលពី​ពេល​ថ្មី​ៗ​នេះ​មានការ​តេស្ត​សាកល្បង​សំណួរ​ចំពោះ​លោក​ថា តើ​ធ្វើ​ដូច​ម្តេច ដើម្បី​ក្លាយជា​សិស្ស​ពូកែ​បាន? វិជ្ជា​ឆ្លើយ​ថា ដើម្បី​ក្លាយជា​សិស្ស​ពូកែ អាច​អនុវត្ត​វិធីសាស្ត្រ​ខាងក្រោម ៖ ១. រៀន​យ៉ាង​សកម្ម ចូលរួម​ក្នុង​ថ្នាក់ សួរ​សំណួរ ចូលរួម​សកម្មភាព​រៀន ។

២. រៀបចំ​ផែនការ​សិក្សា បែក​ចែកពេល​វេលា​សិក្សា​អោយ​ត្រឹមត្រូវ និង​តាមដាន​ការងារ​សិក្សា​របស់​អ្នក ។ ៣. ស្វែ​ករក​ជំនួយ​កុំ​ខ្លាច​សួរ​ជំនួយ​ពី​គ្រូ ឬ​មិត្ត​រួម​ថ្នាក់ នៅ​ពេល​ដែល​អ្នកមាន​ច​ម្ង​ល់ ។ ៤. អនុវត្តន៍​ការ​សម្រាក សម្រាក​អោយ​គ្រប់គ្រាន់ និង​ធ្វើ ។

គួរ​ជម្រាប​ដែរ​ថា វិជ្ជា​​ស្តាប់​បាន​ច្រើន​ភាសា ដោយ​ការ​ប្រើប្រាស់​បច្ចេកវិទ្យា​មួយ​ចំនួន ដើម្បី​មាន​សមត្ថភាព​ក្នុង​ការ​ចាប់​យក ការ​បញ្ចេញ​សំឡេង​ជា​ភាសា​របស់​មនុស្ស ។

តាម​រយៈ​បទ​សម្ភាសន៍​ជាមួយ​សារព័ត៌មាន​កោះសន្តិភាព លោក កែវ មនោ​រម្យ ដែល​ជា​គ្រូ​បច្ចេកទេស​នៃ​វិទ្យាស្ថាន​ពហុ​ច្ចេកទេស​ព្រះ​កុសុមៈ​មាន​ប្រសាសន៍​ថា មនុស្ស​យន្ត​នេះ មាន​ថា ឈ្មោះ​ថា វិជ្ជា និង​មួយទៀត​ឈ្មោះ​កុសុមៈ ។ គាត់​មាន​សមត្ថភាព​ច្រើន​ដូច​ជា ការ​និយាយ​ឆ្លង​ឆ្លើយ​ជាមួយ​មនុស្ស​បាន​៦​ភាសា មាន​ដូច​ជា ភាសា​ខ្មែរ អង់គ្លេស ចិន ជប៉ុន ថៃ និង​វៀតណាម គាត់​មាន​កាមេរ៉ា​នៅ​ក្នុង​ភ្នែក ដែល​អាច​ងាក​តាម​មនុស្ស​បាន​ក្នុង​ពេល​គាត់​សន្ទនា​ជាមួយ​មនុស្ស ។ ការ​ឆ្លើយ​តប​សំណួរ​របស់​គាត់​មាន​ភាព​រហ័ស គាត់​អាច​ឆ្លើយ​សំណួរ​ទូទៅ និង​ការ​គណនា​គណិត​វិទ្យា​កម្រិត​ល្មម​ៗ​បាន ។

លោកគ្រូ កែវ មនោ​រម្យ​បន្ត​ថា ការ​ដែល​មនុស្ស​យន្ត​នេះ​អាច​និយាយ​សារ​ស័ព្ទ​បាន​ច្រើន​ភាសា គឺ​ដោយ​ការ​ប្រើប្រាស់​បច្ចេកវិទ្យា Machine Learning និង Natural Language Processing (NLP) ដើម្បី​ផ្តល់​សមត្ថភាព​ក្នុង​ការ​ចាប់​យក និង​ការ​បញ្ចេញ​សំឡេង​ជា​ភាសា​របស់​មនុស្ស ។ គាត់​បាន​ទទួល​ការ​បណ្តុះបណ្តាល​ពី​ទិន្នន័យ​ច្រើន​សន្ធឹកសន្ធាប់​ស្តី​ពី​ភាសា​ផ្សេង​ៗ ។

មួយវិញទៀត រាល់​ការ​ឆ្លើយ​សំណួរ គឺ​គាត់​ដំណើរ​លើ​ប្រព័ន្ធ Artificial intelligence (AI) ឬ យើង​និយាយ​ថា បញ្ញា​សិប្បនិម្មិត ។ លោកគ្រូ មនោ​រម្យ​បន្ត​ថា ចំណុច​ខ្វះខាត​នៅ​តែ​មាន ដូច​ជា ខ្វះខាត​ផ្នែក​ជើង ដោយ​មិន​ទាន់​អាច​ធ្វើ​ឲ្យ​គាត់​ដើរ​បាន​ដោយសារ​ការ​ចម្ងាយ និង​បំ​លាស់​ទី​ជាក់ស្តែង​លើ​ស្ថានភាព​លំបាក ការ​ជំរុញ​ក្នុង​ការ​គិត​ឯករាជ្យ និង​ការ​រៀបចំ​ឆ្លើយ​តប​ទៅ​នឹង​ស្ថានភាព​ថ្មី​ៗ ដែល​អាច​ត្រូវការ​ការ​អភិវឌ្ឍ​បន្ថែម ។

លោកគ្រូ កែវ​មនោ​រម្យ​បន្ត​ថា មនុស្ស​យន្ត​នេះ​ត្រូវ​បាន​បង្កើត​ឡើង​ដោយ​បន្ទប់​ស្រាវជ្រាវ​នៃ​វិទ្យាស្ថាន​ពហុបច្ចេកទេស​ព្រះ​កុសុមៈ ដែល​មាន​ថ្នាក់ដឹកនាំ គឺ​ឯកឧត្តម​បណ្ឌិត តាំង យឿ​ន សាស្ត្រាចារ្យ​ដឹកនាំ​ផលិត​មនុស្ស​យន្ត​មាន គឺ​មាន​លោក ជ្រិ​ន ជីវ៉ា ជំនាញ​អេ​ឡិច​ត្រូ​និ​ច​។ និង​លោក​ផ្ទាល់​ជំនាញ​អេ​ឡិច​ត្រូ​និ​ច ហើយ​ក៏​មានការ​ចូលរួម​ដោយ​និស្សិត​ចំនួន​៨​នាក់​ទៀត​ផង​ដែរ ។

លោក មនោ​រម្យ​ថា ដំណើរការ​បង្កើត​ត្រូវការ​ពេលវេលា​៦​ខែ ដោយ​មាន​បញ្ហា​ប្រឈម​នឹង​បច្ចេកទេស​ផ្សេង​ៗ​ដូច​ជា បញ្ហា​ការ​តំឡើង​មេកានិច ការ​រៀបចំ​ទិន្នន័យ និង​ការ​សរសេរ​កូដ​បញ្ចូល ។

ជា​ចុង​ក្រោយ លោក កែវ មនោ​រម្យ ដែល​ជា​គ្រូ​បច្ចេកទេស​នៃ​វិទ្យាស្ថាន​ពហុ​ច្ចេកទេស​ព្រះ​កុសុមៈ សូម​អរគុណ​ចំពោះ​ការ​គាំទ្រ និង​ការ​ចូលរួម​របស់​អ្នក​ទាំងអស់​គ្នា ។ ក្រុម​របស់​លោក​សង្ឃឹមថា មនុស្ស​យន្ត​នេះ​អាច​ជួយ​ដល់​ការ​អប់រំ និង​ស្រាវជ្រាវ​បន្ថែម​ដល់​សង្គម​កម្ពុជា​៕

អត្ថបទសរសេរ ដោយ

កែសម្រួលដោយ