បន្ទាយមានជ័យ ៖ ឃាត់ខ្លួនជនសង្ស័យ១នាក់ ក្នុងចំណោម២នាក់ដែលធ្វើសកម្មភាពកា.ប់ទៅលើជនរងគ្រោះសន្តិសុខដែលខឹងថា ម៉ូតូចាស់យកទៅបញ្ចាំមិនបានប៉ុន្មាន ត្រូវបានបញ្ជូនជនសង្ស័យត្រូវសាលាដំបូងខេត្តបន្ទាយមានជ័យ នៅថ្ងៃទី២៣ ខែមិថុនា ឆ្នាំ២០២៤ ។…
បន្ទាយមានជ័យ ៖ ឃាត់ខ្លួនជនសង្ស័យ១នាក់ ក្នុងចំណោម២នាក់ដែលធ្វើសកម្មភាពកា.ប់ទៅលើជនរងគ្រោះសន្តិសុខដែលខឹងថា ម៉ូតូចាស់យកទៅបញ្ចាំមិនបានប៉ុន្មាន ត្រូវបានបញ្ជូនជនសង្ស័យត្រូវសាលាដំបូងខេត្តបន្ទាយមានជ័យ នៅថ្ងៃទី២៣ ខែមិថុនា ឆ្នាំ២០២៤ ។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា ៖ ជនសង្ស័យមានឈ្មោះ ទន់ ចន្នី ហៅអាង៉ោល ភេទប្រុស អាយុ៣០ឆ្នាំ រស់នៅភូមិមិត្តភាព សង្កាត់/ក្រុងប៉ោយប៉ែត។
លោកបានបញ្ជាក់ថា ៖ តាមពាក្យបណ្តឹងជនរងគ្រោះឈ្មោះ ពេជ្រ មុន្នី ភេទប្រុស អាយុ៣១ឆ្នាំ (មុខរបបជាសន្តិសុខ) រស់នៅភូមិទួលប្រាសាទសង្កាត់.ក្រុងប៉ោយប៉ែត ដាក់ពាក្យបណ្តឹងជនសង្ស័យ២នាក់កាលពីថ្ងៃទី២០ ខែមិថុនា ឆ្នាំ២០២៤ នៅចំណុចកាស៊ីណូនាគទិព្វថ្មីស្ថិតភូមិក្បាលស្ពាន សង្កាត់អូរជ្រៅ ក្រុងប៉ោយប៉ែត បានធ្វើសកម្មភាពដេញកា.ប់ចា.ក់ទៅខ្លួនត្រូវបានរត់គេចអោយគេជួយផុតពីគ្រោះថ្នាក់ ។
លោកវរៈសេនីយ៍ត្រី នួន នីណារ៉ូ បានបញ្ជាក់ថា ៖ ក្រោយទទួលពាក្យបណ្តឹងកម្លាំងជំនាញបានធ្វើការស្រាវជ្រាវឃាត់ខ្លួនជនសង្ស័យ២នាក់ឃាត់ខ្លួនបានម្នាក់ និងពូថៅធំ១ម៉ូតូ១គ្រឿង ជាមធ្យោបាយធ្វើសកម្មភាពដែលឃាត់ កាលពីថ្ងៃទី២១ ខែមិថុនា ឆ្នាំ២០២៤ ស្ថិតភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត ។
ក្រោយឃាត់ខ្លួនជនសង្ស័យបានម្នាក់នាំយកមកសាកសួរតាមចម្លើយសារភាពមូលហេតុដែលពួកគេធ្វើសកម្មភាពដេញកា.ប់ចា.ក់ទៅលើជនរងគ្រោះជាសន្តិសុខ គឺមូលហេតុគេ២នាក់ មិត្តភក្តិយកម៉ូតូហុងដាឌ្រីម១គ្រឿង សេរីឆ្នាំ២០២០ យកទៅបញ្ចាំនៅក្នុងបរិវេណកាស៊ីណូហើយសន្តិសុខ ដែលជនរងគ្រោះប្រាប់ថា ម៉ូតូចាស់បញ្ចាំមិនបានប៉ុន្មានទេ ទើបខឹងហើយជិះម៉ូតូទៅបាត់ត្រឡប់មកវិញ២នាក់មិត្តភក្តីដេញកា.ប់តែរត់គេចផុតត្រូវបានសមត្ថកិច្ចចាប់បញ្ជូនទៅសាលាដំបូងខេត្តបន្ទាយមានជ័យអនុវត្តតាមច្បាប់ ៕
ចែករំលែកព័តមាននេះ