ហ៊ឺមមិនគួរសោះ…កើតជម្លោះតិចតួច បងប្អូនបង្កើត.ចា.ក់ស.ម្លា.ប់គ្នាដែរ
- ព្រះសីហនុ
ខេត្តព្រះសីហនុ ៖ មានសេចក្តីរាយការណ៍ថា បុរសចំណាស់ជាសន្តិសុខឯកជនម្នាក់ ត្រូវបានប្អូនបង្កើតចាក់សម្លាប់កាលពីវេលាម៉ោង០១រំលងអធ្រាត្រ ឈានចូលថ្ងៃទី១៩ ខែមិថុនា ស្ថិតត្រង់ចំណុចមុខបន្ទប់យល់មួយកន្លែង ស្ថិតក្នុងភូមិ១ សង្កាត់១ ក្រុងនិងខេត្តព្រះសីហនុ ។
យោងតាមរបាយការណ៍បឋមពីសមត្ថកិច្ចបានឱ្យដឹងថា ករណីឃាតកម្ម (ចាក់នឹងកាំបិតចុងស្រួច) កើតឡើងកាលពីយប់ឈានចូលថ្ងៃទី១៩ ខែមិថុនា ឆ្នាំ២០២៤ វេលាម៉ោង០១កណ្តាលអាធ្រាត្រ ស្ថិតនៅមុខបន្ទប់ជួលខាងកើតសាលាចំការកៅស៊ូក្រុមទី១៣ ភូមិ១ សង្កាត់លេខ១ ក្រុង/ខេត្តព្រះសីហនុ ។
ប្រភពបន្តថា ជនសង្ស័យឈ្មោះ ប៉ុន ភារម្យ ភេទប្រុស អាយុ៤១ឆ្នាំ (ត្រូវជាប្អូនបង្កើតជនរងគ្រោះ)មុខរបរមិនពិតប្រាកដ បច្ចុប្បន្ន ស្នាក់នៅកន្លែងកើតហេតុក្រុមទី១៣ ភូមិ១ សង្កាត់លេខ១ ក្រុង/ខេត្តព្រះសីហនុ បានយកកាំបិតចិតបន្លែចុង ដងជ័រពណ៌លឿង ចាក់ទៅលើឈ្មោះ ប៉ុន ភារិទ្ធ (បងបង្កើត) ភេទប្រុស អាយុ៤៣ឆ្នាំ មុខរបរសន្តិសុខឯកជន បច្ចុប្បន្នស្នាក់នៅបន្ទប់ក្បែរគ្នា ត្រូវក្រោមក្លៀកខាងស្តាំ០១កាំបិត ,ដើមដៃស្តាំ០១កាំបិត បណ្តាលឪ្យស្លាប់នៅនឹងកន្លែង ។ចំពោះវត្ថុតាងចាប់យកបានកូនកាំបិតចុងស្រួច ដងជ័រពណ៌លឿង០១ (អាវុធធ្វើធ្វើសកម្មភាព) ។
តាមចម្លើយសារភាពរបស់ជនសង្ស័យបានឆ្លើយសារភាពថា «ខ្លួនពិតជាបានយកកាំបិតចិតបន្លែចុងស្រួចចេញពីបន្ទប់របស់ខ្លួន មកចាក់បងប្រុសបង្កើតឈ្មោះ ប៉ុន ភារិទ្ធ ប្រាកដមែន ដោយមូលហេតុគាត់បានយកកាំបិតផ្គាក់មករកកាប់ខ្ញុំមុន ក្នុងពេលផឹកស៊ីស្រវឹងទាស់ពាក្យសំដីគ្នា ដែលមានគ្នា០៣នាក់ជាមួយប្រពន្ធគាត់នៅមុខបន្ទប់គាត់ ។
បច្ចុប្បន្ន ជនសង្ស័យខាងលើកម្លាំងជំនាញយើងបានឃាត់ខ្លួន នៅអធិការដ្ឋាននគរបាល ក្រុងព្រះសីហនុ ដើម្បីកសាងសុំណុំរឿងបញ្ជូនទៅការិយាល័យជំនាញចាត់ការបន្តតាមនីតិវិធី ។
ចែករំលែកព័តមាននេះ