ADផ្ទាំងផ្សព្វផ្សាយពាណិជ្ជកម្ម

Picture

រថយន្ត Escalade បុក​ម៉ូតូ​កង់​បី ខ្ទាត​ទៅ​បុក​ម៉ូតូ​ហុងដា​ឌ្រី​ម រង​របួសធ្ងន់​ស្រាល ២​នាក់

1 ខែ មុន

រាជធានី​ភ្នំពេញ ៖ គ្រោះថ្នាក់​ចរាចរណ៍​មួយ​បាន​កើតឡើង​រវាង​រថយន្ត​ម៉ាក Escalade ១​គ្រឿង បាន​បើកបរ​ក្នុង​ល្បឿន​លឿន​គួរសម​ដែរ ហើយ​បាន​ជ្រុល​ទៅ​បុក​ជាមួយ​ម៉ូតូ​កង់​បី ១​គ្រឿង ដែល​កំពុង​បើក​ឆ្លងផ្លូវ ។…

រាជធានី​ភ្នំពេញ ៖ គ្រោះថ្នាក់​ចរាចរណ៍​មួយ​បាន​កើតឡើង​រវាង​រថយន្ត​ម៉ាក Escalade ១​គ្រឿង បាន​បើកបរ​ក្នុង​ល្បឿន​លឿន​គួរសម​ដែរ ហើយ​បាន​ជ្រុល​ទៅ​បុក​ជាមួយ​ម៉ូតូ​កង់​បី ១​គ្រឿង ដែល​កំពុង​បើក​ឆ្លងផ្លូវ ។ បណ្ដាល​ឲ្យ​ម៉ូតូ​កង់​បី​នោះ រង​ការ​ខូចខាត​ទាំងស្រុង ឯ​អ្នកបើកបរ រង​របួសធ្ងន់ ហើយ​ម៉ូតូ​កង់​បី បាន​ខ្ទាត​ទៅ​បុក​ម៉ូតូ​ម៉ាក​ហុងដា​ឌ្រី​ម​សេ​១២៥ មួយ​គ្រឿង​ទៀត បណ្ដាល​ឲ្យ​រង​ការ​ខូចខាត​បន្តិចបន្តួច ហើយ​អ្នក​ជិះ​ម៉ូតូ​ខាងលើ​របួសស្រាល​ម្នាក់ ដោយឡែក​រថយន្ត​នោះ បាន​រង​ការ​ខូចខាត​ខ្ទេច​មុខ​យ៉ាងដំណំ​ផង​ដែរ ប៉ុន្តែ​មិន​បាន​បណ្ដាល​ឲ្យ​អ្នកបើកបរ ឬ​អ្នក​ជិះ​រង​របួស​ឡើយ ។

ឧប្បត្តិ​ហេតុនេះ​ បាន​កើតឡើង​កាលពី​វេលា​ម៉ោង​៣​និង​២០​នាទី​រសៀល​ថ្ងៃ​ទី​១៦ ខែមិថុនា ឆ្នាំ​២០២៤ នៅ​តាម​មហាវិថី​ស៊ី​ជី​ន​ពីង ហៅ​ផ្លូវ​ក្រ​វ៉ា​ត់​ក្រុង​ទី​៣ ស្ថិត​នៅ​ក្នុងភូមិ​សាក់​សំពៅ សង្កាត់​សាក់​សំពៅ ខណ្ឌដង្កោ រាជធានី​ភ្នំពេញ ។

រថយន្ត​ខាងលើ​ម៉ាក ​Escalade ព​ណ៍​ខ្មៅ ពាក់​ស្លាក​លេខ​កម្ពុជា L5201314 បើកបរ​ដោយ​បុរស​ម្នាក់ ចំណែក​ម៉ូតូ​កង់​បី​ព​ណ៌​ក្រហម ​ពាក់​ស្លាក​លេខ​កណ្ដាល ​1AC-1276 បើកបរ​ដោយ​បុរស​ម្នាក់​ឈ្មោះ​ផៃ សុ​ភ័​ក្រ អាយុ​៣៥​ឆ្នាំ ។ រង​របួស​បាក់ជើង​ស្តាំ និង​ត្រូវ​បាន​រថយន្ត​សង្គ្រោះ​របស់​អង្គភាព​៧១១ កងពលតូច​លេខ​៧០ ដឹក​បញ្ជូន​ទៅ​កាន់​មន្ទីរពេទ្យ​ព្រះ​កុសុមៈ ​។

ប្រជាពលរដ្ឋ​បាន​ប្រាប់​ឲ្យ​ដឹង​ថា នៅ​មុន​ពេល​កើតហេតុ​រថយន្ត​នោះ​ បាន​បើកបរ​ធ្វើ​ដំណរ​ក្នុង​ទិស​ដៅ​ពី​លិចទៅ​កើត តាម​មហាវិថី​ស៊ី​ជី​ន​ពីង លុះ​ពេល​ទៅ​ដល់​ត្រង់​ចំណុច​កើតហេតុ ​បាន​បុក​ជាមួយ​ម៉ូតូ​កង់​បី ​ដែល​កំពុង​បើក​ឆ្លងផ្លូវ​ចេញពី​ផ្លូវ​ទំ​បន់​៧​មក​រា ។ បណ្ដាល​ឲ្យ​អ្នក​បើ​បរ​ម៉ូតូ​កង​បី​រង​របួសធ្ងន់ ហើយ​ម៉ូតូ​កង់​បី ​បាន​ខ្ទាត​ទៅ​ប៉ះ​ជាមួយ​ម៉ូតូ​ម៉ាក​ហុងដា​ឌ្រី​ម​សេ​១២៥ មួយ​គ្រឿង​ទៀត បណ្ដាល​ឲ្យ​អ្នក​ជិះ​ម៉ូតូ​រង​របួសស្រាល ចំណែក​រថយន្ត​រង​ការ​ខូចខាត​ខ្ទេច​មុខ​យ៉ាងដំណំ​ ។ ក្រោយ​ពេល​កើតហេតុ​នគរបាល​ខណ្ឌដង្កោ ​បាន​ចុះ​ទៅ​ធ្វើការ​វាស់វែង​ និង​ចាត់ការ​តាម​ច្បាប់ ៕

អត្ថបទសរសេរ ដោយ