ADផ្ទាំងផ្សព្វផ្សាយពាណិជ្ជកម្ម

Picture

FAO ព្យាករណ៍​ថា ផលិតកម្ម​អង្ករ​កម្ពុជា​កើនឡើង​ជិត​២​ភាគរយ

3 អាទិត្យ មុន

អង្គការ​ស្បៀងអាហារ និង​កសិកម្ម​នៃ​អង្គការសហប្រជាជាតិ (FAO) បាន​និយាយ​ថា ​ផលិតកម្ម​អង្ករ​ពិភពលោក​ត្រូវ​បាន​គេ​ព្យាករណ៍​ថា​ នឹង​កើនឡើង​ប្រមាណ​ជា០,៩ ភាគរយ​ធៀប​នឹង​ឆ្នាំ​មុនដែល​មាន​ទិន្នផល​សរុប​ប្រមាណ​ជាជិត៥៣៥ លាន​តោន​ក្នុង​រដូវ​កាល ប្រមូល​ផល​នៃ​ឆ្នាំ​២០២៤​និង​២០២៥ ។…

អង្គការ​ស្បៀងអាហារ និង​កសិកម្ម​នៃ​អង្គការសហប្រជាជាតិ (FAO) បាន​និយាយ​ថា ​ផលិតកម្ម​អង្ករ​ពិភពលោក​ត្រូវ​បាន​គេ​ព្យាករណ៍​ថា​ នឹង​កើនឡើង​ប្រមាណ​ជា០,៩ ភាគរយ​ធៀប​នឹង​ឆ្នាំ​មុនដែល​មាន​ទិន្នផល​សរុប​ប្រមាណ​ជាជិត៥៣៥ លាន​តោន​ក្នុង​រដូវ​កាល ប្រមូល​ផល​នៃ​ឆ្នាំ​២០២៤​និង​២០២៥ ។

របាយការណ៍​ទស្សនវិស័យ​ស្បៀងអាហារ​ពិភពលោក​ដែល​អង្គការ​នេះ ​បាន​ចេញផ្សាយ​នៅ​ទីក្រុង​រ៉ូ​ម​ កាលពី​ថ្ងៃ​ទី​១៤ ខែមិថុនា បាន​និយាយ​ថា ផលិតកម្ម​អង្ករ​អាស៊ី​ត្រូវ​បាន​គេ​រំពឹង​ថា​នឹង​មានការ​កើន​ឡើងជា​ច្រើន​ជាមួយនឹង​ការ​ប្រមូល​ផល​សរុប​ក្នុង​តំបន់​កើនឡើង​ដល់​ទៅ ០,៦​ភាគរយ​ពោល​គឺ​កើន​ដល់ ជិត ៤៧៩ លាន​តោន​។

ជាមួយនឹង​ទិន្នផល​ល្អ​ប្រសើរ​នេះ FAO រំពឹង​ថា​ តំបន់​ដាំ​ដុះ​ស្រូវ​របស់​ចិននឹង​កើនឡើង​វិញ​ បន្ទាប់​ពី​ធ្លាក់​ចុះ​ជាប់​ៗ​គ្នា រយៈពេល​បី​ឆ្នាំ​។
ផ្អែក​តាម​ការ​ព្យាករណ៍​អាច​ជា​ចំណុច​វិជ្ជមាន​សម្រាប់​កម្ពុជា​ហើយ​ក៏​អាច​ជា​ឱកាស​សម្រាប់​កម្ពុជា​ពង្រឹង​ជំហរ​នៃ​ការ​នាំ​ចេញ​នៅ​លើ​ទីផ្សារ​អន្តរជាតិ ។

អង្គការ​នេះ​បាន​និយាយ​ថា សម្រាប់​អ្នក​នាំ​ចេញ​នៅ​អាស៊ី​អាគ្នេយ៍ ការ​រំពឹង​ទុក​គឺ «ធ្លាក់​ចុះ​« សម្រាប់​វៀតណាម មី​យ៉ា​ន់​ម៉ា និង ថៃ តែ​មានការ​រំពឹង​ទុក​ថា​ការ​នាំ​ចេញ​របស់​កម្ពុជា​មាន​ភាព​វិជ្ជមាន ដោយសារ​តម្រូវការ​ឆ្លង​ដែន​ដ៏​ខ្លាំងក្លា​ពី​ប្រទេស​វៀតណាម​សម្រាប់​ការ​ប្រើប្រាស់​ក្នុងស្រុក និង​ការ​នាំ​ចេញ​ឡើង​វិញ​។

អង្គការ​នេះ រំពឹង​ថា​ផលិតកម្ម​អង្ករ​របស់​កម្ពុជា​នឹង​កើនឡើង ១,៨ ភាគរយ​ដល់ ៧,៩ លាន​តោន​នៅ​ឆ្នាំ​នេះ ។ ប្រទេស​ចិន ត្រូវ​បាន​ព្យាករណ៍​ថា​ជា​ប្រទេស​ផលិត​អង្ករ​បាន​ច្រើន​ជាងគេ​ក្នុង​រដូវ​កាល​នេះ បន្ទាប់​មក​គឺ​ឥណ្ឌា បង់​ក្លា​ដែ​ស ឥណ្ឌូ​នេ​ស៊ី វៀតណាម ថៃ មី​យ៉ា​ន់​ម៉ា ហ្វី​លី​ពី​ន និង​ប៉ា​គី​ស្ថាន​។

ប្រភព​ដដែល​បាន​និយាយ​ទៀត​ថា ការ​ព្យាករណ៍​នៃ​ការ​កើនឡើង​នៅ​ថៃ ​ត្រូវ​បាន​កាត់​បន្ថយ​ដោយសារ​ការ​ពន្យា​ពេល​នៃ​ការ​បង្កបង្កើន​ផល​ដោយសារ​តែ ភាព​មិន​ច្បាស់លាស់​ជុំវិញ​កំណែទម្រង់​ដែល​បាន​ប្រកាស​ចំពោះ​កម្មវិធី​គាំទ្រ​របស់​រដ្ឋាភិបាល​ផង និងការ​ទម្លាក់​ទឹកភ្លៀង​មក​យឺត​ផង ៕

អត្ថបទសរសេរ ដោយ

កែសម្រួលដោយ