រាជធានីភ្នំពេញ ៖ ទារកអាយុទើប៤ខែម្នាក់ ត្រូវឪពុកចុងចិត្តអប្រិយវាយធ្វើបាប រហូតដល់ដាច់ខ្យល់ស្លាប់នៅពេលបញ្ជូនទៅកាន់មន្ទីរពេទ្យគន្ធបុប្ជា ដោយសារតែខឹងកូនដើមយំពេក។
![](https://kohsantepheapdaily.com.kh/wp-content/uploads/2024/06/f57ca9007504bcc742b62ea7a8055781.jpg)
ហេតុការណ៍នេះ បង្កអោយមានការភ្ញាក់ផ្អើលដល់សមត្ថកិច្ច កាលពីវេលាម៉ោងប្រមាណ១០ព្រឹកថ្ងៃទី១៥ ខែមិថុនា ឆ្នាំ២០២៤ ខណៈពេលដែលឪពុកម្តាយនាំសពកូនយកមកធ្វើបុណ្យនៅឈាបនដ្ឋាន វត្តនាគវ័ន ក្នុង សង្កាត់បឹងកក់ទី២ខណ្ឌទួលគោក រាជធានីភ្នំពេញ។
![](https://kohsantepheapdaily.com.kh/wp-content/uploads/2024/06/7d2eb6d020682fd799c3d5aa40b96046.jpg)
សពក្មេងប្រុសរូបនោះ ថៃ វរះបុត្រ អាយុទើបតែ៤ខែ ។ ចំណែកឪពុកចុងដែលវាយកូនដើមអោយស្លាប់ពុំស្គាល់អត្តសញ្ញាណឡើយ បានរត់គេចខ្លួនបាត់។ ២នាក់ប្តី ប្រពន្ធ ពុំមានទីលំនៅពិតប្រាកដឡើយ ។
![](https://kohsantepheapdaily.com.kh/wp-content/uploads/2024/06/7d2eb6d020682fd799c3d5aa40b96046-1.jpg)
តាមព័ត៌មានបានអោយដឹងថា នៅវេលាម៉ោងប្រមាណ៨ជាងយប់ថ្ងៃទី១៤ខែមិថុនា គេឃើញ ២នាក់ បានប្តីកូន ប្រុសដើរទៅតាមផ្លូវរថភ្លើង ក្នុង ខាងត្បូងវត្តនាគវ័ន ខណះនោះ ឪពុកចុង ក៍បានសុំទឹក១ផ្តិចពីអ្នកភូមិ ផឹកហើយបានយកទឹកចាក់ចូលច្រមុះកូន និងវាយកូន ២ដៃ។ភ្លាមៗ បណ្តាលកូនឈ្លក់បាត់មាត់ត្រូវអ្នកភូមិនាំគ្នា ជួយ សង្គ្រោះដឹងខ្លួនវិញ ។ លុះក្រោយ ២នាក់ប្តីប្រពន្ធក៏បានបីកូន ទៅដេកផ្ទះសំណាក់ នៅម្តុំផ្សារនាគមាស ក្នុងសង្កាត់ផ្សារដើមគរ ហើយ នៅវេលាម៉ោងប្រមាណ២រំលងអាធ្រាត្រ ក៍បានវាយធ្វើបាបកូន ដោយខឹងកូនខំពេក។
![](https://kohsantepheapdaily.com.kh/wp-content/uploads/2024/06/a79fe13e100fa80b99aa161e2135818e.jpg)
តាមព័ត៌មានអោយដឹងទៀតថា រហូតដល់ម៉ោងប្រមាណ៦ភ្លឺ ឪពុកម្តាយក៍បានជិះម៉ូតូកង់៣នាំកូនទៅកាន់មន្ទីរពេទ្យគន្ធបុប្ជា ហើយក៍ប្រុសក៏បានដាច់ខ្យល់ស្លាប់តាមផ្លូវ ក៍បានដឹកតាមកង់៣មកវត្តនាគវ័នក៍បង្កអោយមានការភ្ញាក់ផ្អើល ដល់សមត្ថកិច្ច តែម្តង។ភ្លាមៗឪពុក ក៍បានរតគេចខ្លួនបាត់។
![](https://kohsantepheapdaily.com.kh/wp-content/uploads/2024/06/f12e0136269f26ca789009fc59bb08d2.jpg)
នៅព្រឹកនោះដែរ នគរបាលក៍បានឃាត់ខ្លួនស្ត្រីជាម្តាយ ដើម្បី សួរនាំ និងស្រាវជ្រាវ រកឃាតករដែលជាឪពុក ចុងដើម្បីចាប់ខ្លួនយកមកកាត់ទោសតាមច្បាប់ ។ តាមសមត្ថកិច្ច អោយដឹងថា សពទារក ត្រូវបានឪពុកចុងវាយអោយមានស្លាមចំលើផ្ទៃមុខធ្ងន់ធ្ងរ ៕
![](https://kohsantepheapdaily.com.kh/wp-content/uploads/2024/06/6dcf5f84d9ca5a9f628b15730ec9ce15.jpg)
ចែករំលែកព័តមាននេះ