សម្បកណែមធ្វើពីអង្ករសុទ្ធ មុខរបរប្រពៃណី ល្បីលើគុណភាព និងជាផលិតផលទេសចរណ៍ដ៏ទាក់ទាញ
- បាត់ដំបង
ខេត្តបាត់ដំបង ៖ ការផលិតសំបកណែម ជាមុខរបរប្រពៃណី និងជាផលិតផលទេសចរណ៍ដ៍ទាក់ទាញ
ខេត្តបាត់ដំបង ៖ ការផលិតសំបកណែម ជាមុខរបរប្រពៃណី និងជាផលិតផលទេសចរណ៍ដ៍ទាក់ទាញមួយសម្រាប់អ្នកដូនទាវ ឃុំពាមឯក ស្រុកឯកភ្នំ ខេត្តបាត់ដំបង។
បើតាមឯកសារមន្ទីរទេសចរណ៍ខេត្តបាត់ដំបង តាមផ្លូវមាត់អូរ ចាប់ពីផ្លូវបំបែកផ្សារដូនទាវ ឆ្ពោះទៅកាន់រមណីយដ្ឋានប្រាសាទឯកភ្នំ ភ្ញៀវទេសចរអាចទស្សនានូវប្រពៃណីនៃការធ្វើសំបកណែម និងការហាលសំបកណែម ។
សម្រាប់តំបន់អាស៊ី គេនិយមប្រើប្រាស់សំបកណែមជាគ្រឿងនាំមុខក្នុងការផលិតម្ហូបអាហារមួយចំនួនធំ ពិសេសម្ហូបអាហារដែលត្រូវការទឹកត្រីបុក ។
សំបកណែមផលិតចេញពីសារជាតិអង្ករសុទ្ធសាធ ដែលគេយកទៅកិនលាយទឹក រួចធ្វើការចំហុយដោយចំហាយទឹក និងចុងក្រោយត្រូវ ហាលលើបន្ទះឫស្សី ដែលមានក្រឡាធំៗ និងហាលក្រោមពន្លឺព្រះអាទិត្យ រហូតដល់ស្ងួត។
សំបកណែមជាផលិតផលក្នុងតំបន់ និងមានឈ្មោះល្បីល្បាញលើគុណភាព រសជាតិសម្រាប់ទីផ្សារក្នុងស្រុក ៕
ចែករំលែកព័តមាននេះ