លោកអ្នកជ្រាបទេ ខេត្តព្រះសីហនុមានភ្នំប៉ុន្មានឈ្មោះអ្វីខ្លះ ?
- ព្រះសីហនុ
ខេត្តព្រះសីហនុ ៖ តំបន់ភាគខាងលិចកម្ពុជា រាប់ទាំងតំបន់មាត់សមុទ្រផងនោះ គឺជាភូមិ
ខេត្តព្រះសីហនុ ៖ តំបន់ភាគខាងលិចកម្ពុជា រាប់ទាំងតំបន់មាត់សមុទ្រផងនោះ គឺជាភូមិ
សាស្ត្រសម្បូរដោយភ្នំជាច្រើន ។ សម្រាប់ផ្លូវជាតិលេខ៤ ចាប់ពីទឹកដីស្រុកភ្នំស្រួច ខេត្តកំពង់ស្ពឺ ឆ្ពោះទៅខេត្តព្រះសីហនុ គឺមានជួរភ្នំរាប់មិនអស់ទេ…ភ្នំច្រើនណាស់ ។
នៅស្រុកព្រៃនប់ ខេត្តព្រះសីហនុ លោកអភិបាលស្រុក អុី ធារិន បានឱ្យដឹងថា នៅឃុំសាមគ្គី មានជួរភ្នំកំចាយវែងអន្លាយជាប់ព្រំប្រទល់ខេត្តកំពត ដែលលាតសន្ធឹងជាមួយភ្នំបូកគោ ។ ចំណែកនៅឃុំសំរុង ក៏មានភ្នំមួយដែរឈ្មោះភ្នំ ច្រមុះស្នា ។ រីឯឃុំអូរជ្រៅ មានភ្នំស្រែរាម ។
មន្ត្រីបរិស្ថានបានឲ្យដឹងដែរថា នៅសង្កាត់លេខ១ ក្រុងព្រះសីហនុ មានភ្នំអូរដំរី ។ នៅភូមិ៥ សង្កាត់លេខ៤ ក្រុងព្រះសីហនុ មានភ្នំរហូតដល់៩៦ តែបច្ចុប្បន្នបានប្រែក្លាយជាតំបន់កម្មសិទ្ធិឯកជនអស់ទៅហើយ ដោយមានការកសាងភូមិគ្រឹះផង ។ រីឯនៅភូមិពូធឿង ឃុំបិតត្រាំង ស្រុកព្រៃនប់ ព្រំប្រទល់ជាប់នឹងក្រុងព្រះសីហនុ មានមួយឈ្មោះភ្នំត្រងោល ។
លោក ចាន់ ពន្លក អភិបាលរងស្រុកកំពង់សិលា បានឲ្យដឹងថា នៅស្រុកកំពង់សិលា មានជួរភ្នំក្រវាញខាងត្បូង ក្នុងនោះមានកូនភ្នំតូចៗដូចជាកូនភ្នំបាក់កង បន្តភ្ជាប់ទៅជួរភ្នំកំចាយ ភ្នំបូកគោ ខេត្តកំពត ។
មន្ត្រីមន្ទីររៀបចំដែនដី នគរូបនីយកម្ម សំណង់និងសុរិយោដីខេត្ត បានឲ្យដឹងថា តាមប្លង់ផែន
ទី (UTM) ឈ្មោះភ្នំមួយចំនួនក្នុងខេត្តព្រះសីហនុ ចាប់ផ្តើមពីចំណុចរង្វង់មូលរូបសំណាកនាគព័ន្ធផ្លូវចូលមូលដ្ឋានសមុទ្ររាមប៉ែកខាងឆ្វេងដៃ មានភ្នំកង្កែប ភ្នំថ្មម្លូ ដែលមានកម្ពស់២៧៧ម៉ែត្រ បន្តភ្ជាប់ទៅរង្វង់មូលរូបសំណាកព្រះសិវៈ មានភ្នំអណ្តូងទឹក កម្ពស់២០០ម៉ែត្រ ។ នៅតំបន់យៀកជា មានភ្នំត្បែង ភ្នំគាបាន ភ្នំព្រែកតាបែក ភ្នំតម្លាញ ភ្នំថ្មថែម ភ្នំកោះសំពោច និងភ្នំព្រែកចារ ។
ប្រភពខាងលើបានឲ្យដឹងទៀតថា នៅខាងកើតទីតាំងបញ្ជរបង់ប្រាក់ទី១ ចេញពីខេត្តព្រះសីហនុ តាមផ្លូវល្បឿនលឿន មានជួរភ្នំនាមដែង ប៉ែកខាងកើតតំបន់សេដ្ឋកិច្ចពិសេសតាមផ្លូវជាតិលេខ៤ នៅខាងឆ្វេងដៃមានភ្នំកោះគេថុន ភ្នំអូរតាសេក ភ្នំចែកចាយ ភ្នំវាយលប់ ភ្នំតាប៉ាង ។ នៅឃុំអូរឧកញ៉ាហេង ស្រុកព្រៃនប់ មានភ្នំព្រៃនប់ ភ្នំតារៀល ភ្នំអណ្តូងថ្ម ភ្នំជើងគោ ភ្នំម៉ាហូលី ភ្នំថ្មភក់ ។ល។
សូមបញ្ជាក់ថា ការរៀបរាប់ត្រួសៗខាងលើនេះគឺជាការស្វែងរកតាមប្រភពព័ត៌មានដាច់ដោយឡែកពីគ្នាប៉ុណ្ណោះ ។ រីឯចំនួនជាក់លាក់មិនត្រូវបានដឹងឱ្យប្រាកដនោះទេ ខណៈការសាកសួរមន្ត្រីខ្លះដែលសមត្ថភាពគ្រប់គ្រងអាណាចក្ររបស់ខ្លួននៅមានកម្រិតនៅឡើយ អត់ខ្វល់ពីឈ្មោះភ្នំដែលមានពាសពេញនេះទេបានត្រឹមឆ្លើយថា «មិនដឹងទេ»…ហេ ! ហេ ! ៕
ចែករំលែកព័តមាននេះ