ADផ្ទាំងផ្សព្វផ្សាយពាណិជ្ជកម្ម

Picture

ចុះ​ចាប់​ក្មេង​ប្រុស​-​ស្រី​ដែល​គេច​សាលា ​និង​ឪពុក​ម្តាយមក​ពពាក់ពពូន​ជួល​សណ្ឋាគារ​ដេក

1 ខែ មុន
  • សៀមរាប

​ខេត្តសៀមរាប ៖ ក្រុម​ក្មេង​ទំនើង​ប្រុស​-​ស្រី​ចំនួន​១៥​នាក់ ត្រូវ​សមត្ថកិច្ច​ចុះ​ឃាត់​ដល់​បន្ទប់ សណ្ឋា​គារ​មួយ​កន្លែង មាន​យីហោ​«​សេ​វេន​ហា​ភី​នី​ស​»​ចំនួន​២​បន្ទប់ មាន​បន្ទប់​លេខ​៣០៣ និង​៣០៥ ដែល​​ពួក​គេ​នាំ​គ្នា​មក​ជួល​ស្នាក់​នៅ​យ៉ាង​ពពាក់ពពូន​រយៈពេល​កន្លះ​ខែ ហើយ​ត្រូវ​បាន​ឪពុក​ម្តាយ​តាម​ទាន់​ប្តឹង​សមត្ថកិច្ច​ឱ្យ​ចាប់ខ្លួន​យក​មក​ធ្វើការ​អប់រំ…

​ខេត្តសៀមរាប ៖ ក្រុម​ក្មេង​ទំនើង​ប្រុស​-​ស្រី​ចំនួន​១៥​នាក់ ត្រូវ​សមត្ថកិច្ច​ចុះ​ឃាត់​ដល់​បន្ទប់ សណ្ឋា​គារ​មួយ​កន្លែង មាន​យីហោ​«​សេ​វេន​ហា​ភី​នី​ស​»​ចំនួន​២​បន្ទប់ មាន​បន្ទប់​លេខ​៣០៣ និង​៣០៥ ដែល​​ពួក​គេ​នាំ​គ្នា​មក​ជួល​ស្នាក់​នៅ​យ៉ាង​ពពាក់ពពូន​រយៈពេល​កន្លះ​ខែ ហើយ​ត្រូវ​បាន​ឪពុក​ម្តាយ​តាម​ទាន់​ប្តឹង​សមត្ថកិច្ច​ឱ្យ​ចាប់ខ្លួន​យក​មក​ធ្វើការ​អប់រំ ព្រមទាំង​ឱ្យ​ឪពុក​ម្តា​យមក​ធ្វើការ​ធានា ដើម្បី​ត្រឡប់​ទៅ​ផ្ទះ​វិញ ។

ហេតុការណ៍​ខាងលើ បាន​បង្ក​ការ​ភ្ញាក់ផ្អើល​ផង​ដែរ​នៅ​វេលា​ម៉ោង​៧ និង​៣០​នាទី​ថ្ងៃ​ទី​១៤ ខែ
មិថុនា ឆ្នាំ​២០២៤ ស្ថិត​នៅ​ក្នុង​បរិវេណ​សណ្ឋាគារ​វេន​ហា​ភី​នី​ស ស្ថិត​ក្នុងភូមិ​ដក​ពោធិ៍ សង្កាត់​ស្ល​ក្រាម ក្រុង​សៀមរាប ។ បើ​តាម​ប្អូនប្រុស​ម្នាក់​ឈ្មោះ​អាយុ​២១ ជា​និស្សិត និង​ជា​បុគ្គលិក តំណាង​អ្នកគ្រប់គ្រង​សណ្ឋាគារ​ខាងលើ បាន​រៀបរាប់​ប្រាប់​ភ្នាក់ងារ​កោះសន្តិភាព​ថា ក្រុម​ក្មេង​ប្រុស​-​ស្រី​ចំនួន​១៥​នាក់ ដែល​ចូល​មក​ជួល​ស្នាក់​នៅ​បន្ទប់​៣០៣ និង​៣០៥ ក្នុង​សណ្ឋាគារ​នេះ មុន​ដំបូង មក​ជួល​២​បន្ទប់​ទេ​មាន​ប្រុស​២​នាក់​ប៉ុណ្ណោះ មាន​ទាំង​ចង្ក្រាន និង​ចាន ។​ល​។

ដល់​ឃើញ​នាំ​គ្នា​មក​មាន​ស្រី​មាន​ប្រុស​មក​កាន់តែ​ច្រើន​ឡើង​ៗ ខ្ញុំ​ក៏​បាន​ប្រាប់​ពួក​គាត់​ទាំង​២​បន្ទប់​នោះ​ថា «​ខ្ញុំ​ជួល​ឱ្យ​ស្នាក់​នៅ ក្នុង​មួយ​បន្ទប់ មនុស្ស​២​នាក់ ទៅ​៣​នាក់​ប៉ុណ្ណោះ បើ​លើស​ខ្ញុំ​មិន​ជួល​ឱ្យ​ទេ​» ។

ហើយ​ពួក​គាត់ មក​ទើបបាន​តែ​កន្លះ​ខែ លុះ​មក​ដល់​ថ្ងៃនេះ ក៏​ត្រូវ​សមត្ថកិច្ច​ចុះ​មក​ចាប់​យក​ទៅ​អធិការដ្ឋាន​នគរបាល​ក្រុង​សៀមរាប​តែ​ម្តង ។ ក្នុង​សណ្ឋាគារ​សេ​វេន​ហា​ភី​នី​ស​នេះ គឺ​សេវា​ក្នុង​១​ខែ​តម្លៃ​ក្នុង​មួយ​បន្ទប់​ចាប់ពី​៦០ ដល់​១០០​ដុល្លារ ។

ប្អូនប្រុស​រៀបរាប់​បន្ត​ថា រូប​ខ្ញុំ​ជា​បុគ្គលិកសណ្ឋា​គារ​នេះ​ទេ​ដោយសារ​ម្ចាស់ និង​អ្នកគ្រប់គ្រង​មានផ្ទះ​របស់​គាត់​នៅ​ក្រុងភ្នំពេញ​ឯណោះ ។ បើ​តាម​ប្រភព​ពី​សមត្ថកិច្ច​បាន​បញ្ជាក់​ទៀត​ថា ករណី​ក្មេង​ប្រុស​ស្រី​ចំនួន​១៥​នាក់​នេះ ខ្លះ​ជា​សិស្ស ថ្នាក់​ទី​៨ រៀន​នៅ​វិទ្យាល័យ​អង្គរ និង​ខ្លះ​ទៀត​ជា​សិស្ស ប៉ុន្តែ​ឈប់​រៀន ដែល​ត្រូវ​ឪពុក​ម្តាយ​តាម​ទាន់​ដែល​កំពុង​ពពាក់ពពូន​គ្នា​នៅ​ក្នុង​បន្ទប់​សណ្ឋាគារ ។

ប្រភព​បាន​បញ្ជាក់​ទៀត​ថា បន្ទាប់​ពី​ចាប់​ឃាត់ខ្លួន​ក្មេង​ប្រុស​ស្រី​នោះ​រួច​មក ក៏​បាន​នាំ​យក​ទៅ​កាន់​អធិការ​នគរបាល​ក្រុង​សៀមរាប ដើម្បី​សួរនាំ​រួច​ឱ្យ​ឪពុក​ម្តា​យមក​ធានា ឬ​ធ្វើ​កិច្ចសន្យា​ឱ្យ
ត្រឡប់​ទៅ​ផ្ទះ​វិញ ។

មាន​ព័ត៌មាន​បន្ថែម កោះសន្តិភាព​នឹង​មាន​ផ្សាយ​ជូន​លើ​កាសែត​កោះសន្តិភាព ។

អត្ថបទសរសេរ ដោយ

កែសម្រួលដោយ