ADផ្ទាំងផ្សព្វផ្សាយពាណិជ្ជកម្ម

Picture

សោកស្តាយ​ណាស់​! កូន​ត្នោត​ដាំ​តាម​ព្រំដែន​រាប់​ពាន់​ដើម​បាន​ងា​.​ប់​អស់

4 អាទិត្យ មុន
  • កំពត

ខេត្តកំពត ៖ ឯកឧត្តម​ម៉ៅ ធនិន អភិបាលខេត្ត​កំពត​បាន​មាន​ប្រសាសន៍​ថា កូន​ត្នោត​ដាំ​នៅ​តាម​ព្រំដែន​ងាប់​ទាំងអស់ លោក​ចៅហ្វាយស្រុក​កំពង់ត្រាច​ជួយ​ពិនិត្យ និង​ដាំ​ឡើង​វិញ​ផង ជា​ពិសេស ខាង​នគរបាល​ការពារ​ព្រំដែន…

ខេត្តកំពត ៖ ឯកឧត្តម​ម៉ៅ ធនិន អភិបាលខេត្ត​កំពត​បាន​មាន​ប្រសាសន៍​ថា កូន​ត្នោត​ដាំ​នៅ​តាម​ព្រំដែន​ងាប់​ទាំងអស់ លោក​ចៅហ្វាយស្រុក​កំពង់ត្រាច​ជួយ​ពិនិត្យ និង​ដាំ​ឡើង​វិញ​ផង ជា​ពិសេស ខាង​នគរបាល​ការពារ​ព្រំដែន ឯកឧត្តម​បាន​ប្រសាសន៍​បែប​នេះ កាលពី​ព្រឹក​ថ្ងៃ​ទី​១២ មិថុនា ឆ្នាំ​២០២៤ ខណៈ​ឯកឧត្តម​អញ្ជើញ​ចូលរួម​ប្រកាស​ចូល​កាន់​តំណែង​សមាជិក​ក្រុមប្រឹក្សា​ស្រុក​កំពង់ត្រាច​ចំនួន​១៩​នាក់ ។

ឯកឧត្តម​អភិបាល​បាន​មាន​ប្រសាសន៍​បន្ត​ថា លោក​ខន អភិបាលស្រុក​និង​លោក​មេឃុំ​នគរបាល​ការពារ​ព្រំដែន បើ​មេ​វរ​ចូល​និវត្តន៍​ក៏​ដោយ អ្នក​ចូល​ក្រោយ​ៗ​ត្រូវ​តែ​មាន​ឆ​ន្ទះ និង​មនសិការ​ជួយ​ថែ​មើល ព្រោះ​ដើម​ត្នោត​យើង​បាន​ដាំ​កន្លង​មក ស្រាប់តែ​ងាប់​ទាំង​អស់បែប​នេះ ។

ឯកឧត្តម​អភិបាលខេត្ត​បាន​បញ្ជាក់​ថា ដើម​ត្នោត​ជា​អត្តសញ្ញាណ​របស់​ខ្មែរ ។ ឯកឧត្តម​បានឱ្យ​លោក​ចាន់ រិ​ទ្ធ ប្រធាន​មន្ទីរ​កសិកម្ម គិត​ដាំ​កូន​ត្នោត​នេះ​ជា​ការ​ចាំបាច់ ។ លោក​បាន​ប្រាប់​ទៅ​លោក​ប្រធាន​ស្ដីទី​រៀបចំ​ដែនដី​ខេត្តកំពត និង​លោក​អភិបាលស្រុក​កំពង់ត្រាច ត្រូវ​ពិនិត្យ​រឿង​ដី​នៅ​តាម​ព្រំដែន​ឡើង​វិញ មិន​ចាំ​ថា​អាណត្តិ​មុន អាណ​ត្ត​ក្រោយ​ទេ ហេតុ​អ្វី​ដី​របស់​រដ្ឋ​សោះ ស្រាប់តែ​មាន​ប្លង់​ជា​កម្មសិទ្ធិ​។

ឯកឧត្តម​អភិបាល​ថា ត្រូវ​តែ​យក​ដី​របស់​រដ្ឋ​នោះ​មក​វិញ មិន​ថា​ដី​ព្រែក​ដី បឹង​អូរ​អី​ទេ​។ ឯកឧត្តម​បាន​លើក​ហែ​តុ​ផល​បែប​នេះ ព្រោះ​មាន​មនុស្ស​មួយ​ចំនួន​បាន​យក​គ្រឿងចក្រ​លួច​ចុះ​កាយ​ដី​ព្រែក​កំពង់ត្រាច​យក​ជិត​2​ហិ​កតា កាលពី​ពេល​ថ្មី​ៗ​នេះ​។

ឯកឧត្តម​ម៉ៅ ធនិន មាន​ប្រសាសន៍​ថា តើ​អ្នក​យក​ដី​របស់​រដ្ឋ​នោះ​មកពីណា ហើយ​កុំ​សំអាង​ថា ដី​ធ្លាប់​អា​ស្រាយ​ផល ។ ទោះជា​បែប​ណា គេ​មិន​ទាន់​ដឹង​គម្រោង​ព្រែកជីក​ហ្វូ​ណ​ន​តេ​ជោ​ជីក​ឆ្លង​កាត់​​តាម​ព្រែក​កំពង់ត្រាច​ពិតប្រាកដ​នៅឡើយ​ទេ ប៉ុន្តែ​ប្រជាពលរដ្ឋ​ឯ​ណ្ណោះ​វិញ​នាំ​គ្នា​ទៅ​បោះបង្គោល​ព្រំ​ដី​ក្នុង​ព្រែក​កំពង់ត្រាច​យ៉ាង​ផុលផុស​។

អត្ថបទសរសេរ ដោយ

កែសម្រួលដោយ