ADផ្ទាំងផ្សព្វផ្សាយពាណិជ្ជកម្ម

Picture

ពិតជាភ្ញាក់ផ្អើលខ្លាំងណាស់ ដែលក្រុមហ៊ុនចិនចាក់ថ្មលុបសមុទ្រ

1 ខែ មុន
  • ព្រះសីហនុ

ខេត្ត​ព្រះ​សីហ​នុ ៖ មហា​ជ​ន​ក៏​ដូច​ជា​ភ្ញៀវ​ទេសចរ កាលពីដើម​ស​ប្តា​ហ៍​ខែមិថុនា​នេះ បាន​សម្ដែង​ការ​ភ្ញាក់ផ្អើល និង​បាន​បញ្ចេញមតិ​ផ្សេង​ៗ​គ្នា ជុំវិញ​សកម្មភាព​ដែល​គេ​កំពុង​ចាក់​ដី​ចូល​ទៅ​ក្នុង​សមុទ្រ​យ៉ាង​ជ្រៅ ដោយ​អ្នកខ្លះ​បាន​សម្ដែង​ការ​សាទរ​ចំពោះ​ការ​អភិវឌ្ឍន៍​ដ៏​ឆាប់រហ័ស ដែល​ធ្វើ​ឲ្យ​ខេត្ត​ព្រះ​សីហ​នុ​កែប្រែ​មុខមាត់​ថ្មី ស័ក្តិ​សម​ខេត្ត​ពហុ​បំណង…

ខេត្ត​ព្រះ​សីហ​នុ ៖ មហា​ជ​ន​ក៏​ដូច​ជា​ភ្ញៀវ​ទេសចរ កាលពីដើម​ស​ប្តា​ហ៍​ខែមិថុនា​នេះ បាន​សម្ដែង​ការ​ភ្ញាក់ផ្អើល និង​បាន​បញ្ចេញមតិ​ផ្សេង​ៗ​គ្នា ជុំវិញ​សកម្មភាព​ដែល​គេ​កំពុង​ចាក់​ដី​ចូល​ទៅ​ក្នុង
​សមុទ្រ​យ៉ាង​ជ្រៅ ដោយ​អ្នកខ្លះ​បាន​សម្ដែង​ការ​សាទរ​ចំពោះ​ការ​អភិវឌ្ឍន៍​ដ៏​ឆាប់រហ័ស ដែល​ធ្វើ​ឲ្យ​ខេត្ត​ព្រះ​សីហ​នុ​កែប្រែ​មុខមាត់​ថ្មី ស័ក្តិ​សម​ខេត្ត​ពហុ​បំណង ។

ប៉ុន្តែ​មតិ​ខ្លះ​ទៀត​បាន​សម្ដែង​ការ​ខកចិត្ត ដោយ​ពួក​គាត់​បាន​បង្ហើប​ថា ពួក​គាត់​ពិតជា​មានការ​សោក​ស្ដាយ​ចំពោះ​ឆ្នេរ​ដ៏​ស្រស់​ស្អាត ដែល​ពិភពលោក​ទទួលស្គាល់​ថា ឆ្នេរសមុទ្រ​កម្ពុជា​ជា​ឆ្នេរ​ដែល​ស្អាត​ជាងគេ​បំផុត​នៅ​លើ​ពិភពលោក សូ​ម្បី​តែ​ប្រទេស​ជិតខាង​យើង​ក៏​ពុំ​មាន​ឆ្នេរ​ស្អាត​ដូច​ប្រទេស​កម្ពុជា​ដែរ ។ ប៉ុន្តែ​ថ្មី​ៗ​នេះ បែរជា​មាន​ក្រុមហ៊ុន​វិនិយោគ​បរទេស​មាន​សិទ្ធិ​ចាក់​ថ្ម ចាក់​ដី​លុប​ឆ្នេរ លយ​ចូល​សមុទ្រ​ម៉ា​សេរី​ទៅ​វិញ ។

ចំពោះ​ការ​អភិវឌ្ឍន៍ ក្នុង​នាម​ពួក​គាត់​ជា​កូន​ខ្មែរ រីករាយ​ស្វាគមន៍​ជា​និច្ច តែ​ស្នើ​ឱ្យ​ការ​អភិវឌ្ឍន៍​នោះ កុំ​ធ្វើ​ឱ្យ​ប៉ះពាល់​ដល់​ឆ្នេរសមុទ្រ​ដ៏​ស្រស់​ផូរផង់​របស់​កម្ពុជា ។ កុំ​ដើម្បី​ការ​អភិវឌ្ឍន៍​បន្តិចបន្តួច​បំផ្លាញ​នូវ​កេរដំណែល និង​ធនធានធម្មជាតិ​មាន​ស្រាប់​ដ៏​ល្អ​ផូរផង់​មួយ​នេះ ត្រូវ​រួម​គ្នា​រក្សា និង​ការពារ​ឲ្យ​បាន​នូវ​ធនធានធម្មជាតិ ដែល​មាន​ស្រាប់​របស់​កម្ពុជា ដើម្បី​កូនចៅ​ជំនាន់​ក្រោយ ។

ឆ្លើយ​តប​ការ​ផ្ទុះ​ប្រតិកម្ម​ពី​សំណាក់​បងប្អូន​ប្រជាពលរដ្ឋ និង​ភ្ញៀវ​ទេសចរ ជុំវិញ​ការ​ចាក់​ថ្ម​លុប​ឆ្នេរ និង​លុប​សមុទ្រ​នេះ មន្ត្រី​នៃ​មន្ទីរ​សុរិយោដី​ម្នាក់​សូម​មិន​បញ្ចេញ​ឈ្មោះ បាន​ខ្សឹប​ប្រាប់​បណ្ដាញ សារព័ត៌មាន​ថា ជុំវិញ​ការ​ចាក់​លុប​សមុទ្រ​នេះ គឺ​គេ​មាន​បំណង​ធ្វើ​ទំនប់​ការពារ​រលក និង​ធ្វើ​សួន​បាញ់​ទឹក គឺ​មានការ​ឯកភាព​ពី​ក្រសួង​ដែនដី​នគរ​រូប​នី​យ​កម្ម និង​សំណង់​រួច​ហើយ ប៉ុន្តែ​ក្រុមហ៊ុន​ត្រូវ​រង់ចាំ​ការ​សម្រេច​ពី​អាជ្ញាធរ​ខេត្ត និង​មន្ត្រី​ជំនាញ​ខេត្ត​ជា​មុន​សិន ព្រោះ​បច្ចុប្បន្ន អាជ្ញាធរ​ខេត្ត​ក៏​ដូច​មន្ទីរ​ជំនាញ កំពុង​សិក្សា​ពី​ផល​ប៉ះពាល់ ។

ដោយឡែក ​លោក ឃាង ភារ​ម្យ ប្រធាន​ការិយាល័យ​វិនិយោគ​នៃ​រដ្ឋបាល​ខេត្ត​ព្រះ​សីហ​នុ បាន​បញ្ជាក់​ឲ្យ​ដឹង​ថា ទីតាំង​ចាក់​ដី​នេះ ជា​គម្រោង​សាងសង់​អាង​តន្ត្រី​បាញ់​ទឹក និង​ទំនប់​ការពារ​រលក​សមុទ្រ ។ ប្រភព​ដដែល​បាន​បន្ត​ថា បន្ទាប់​ពី​បាន​ពិនិត្យ និង​ពិភាក្សា​គ្នា​រួច​មក លោក អុ​ី សុខ​ឡេ​ង អភិបាលរង​នៃ​គណៈ​អភិបាលខេត្ត​ព្រះ​សីហ​នុ និង​ជា​ប្រធាន​ការងារ បាន​ធ្វើការ​បូក​សរុប និង​សម្រេច​ដូច​ខាងក្រោម​៖

-​ក្រុមហ៊ុន​ត្រូវ​ផ្អាក​ការដ្ឋាន​សាងសង់​ជា​បណ្តោះ​សិន ។
-​ក្រុមហ៊ុន​ត្រូវ​កាយ​ថ្ម​ដែល​បាន​ចាក់​លើ​ឆ្នេរសមុទ្រ​ចេញ​វិញ និង​ជួសជុល​ផ្លូវ​ក្រា​នី​ត​ឱ្យ​បាន​ស្អាត​ដូច​ដើម​វិញ ។
-​ក្រុមហ៊ុន​ត្រូវ​មាន​សហការ​ពី​មន្ទីរ​រៀបចំ​ដែនដី​នគរូបនីយកម្ម សំណង់ និង​សុរិយោដី​ខេត្ត ក្នុង​ការ​កំណត់​និយាម​កា​ទីតាំង​សាងសង់​អាង​តន្ត្រី​បាញ់​ទឹក និង​របាំង​ការពារ​រលក​សមុទ្រ​ឱ្យ​បាន​ច្បាស់លាស់ និង​ត្រូវ​ស្នើ​សុំ​គោលការណ៍​ប្រើប្រាស់​ដី​សាធារណៈ​ពី​រាជរដ្ឋាភិបាល ។
-​ក្រុមហ៊ុន​ត្រូវ​សិក្សា​គម្រោង​ប្លង់​អាង​តន្ត្រី​បាញ់​ទឹក និង​របាំង​ការពារ​រលក​សមុទ្រ​ឱ្យ​បាន​ច្បាស់លាស់​ត្រឹមត្រូវ តាម​លក្ខណៈ​បច្ចេកទេស និង​អត្តសញ្ញាណ​ល្អ​ឯក​សម្រាប់​ខេត្ត​ព្រះ​សីហ​ន ។

-​ក្រុមហ៊ុន​ត្រូវ​សិក្សា​ពី​ផល​ប៉ះពាល់​បរិស្ថាន​ឱ្យ​បាន​ហ្មត់ចត់ ។
-​ក្រុមហ៊ុន​ត្រូវ​ស្នើ​សុំ​លិខិតអនុញ្ញាត​សាងសង់ និង​លិខិតអនុញ្ញាត​បើក​ការដ្ឋាន ពី​ក្រសួង​រៀបចំ​ដែនដី​នគរូបនីយកម្ម និង​សំណង់ ។
-​ក្រុមហ៊ុន​ត្រូវ​សហការ​ជាមួយ​អាជ្ញាធរ និង​មន្ទីរ​ជំនាញ​ពាក់ព័ន្ធ ក្នុង​ការ​អនុវត្ត​គម្រោង​ឱ្យ​ស្រប​តាម​នីតិវិធី និង​លិខិត​បទដ្ឋាន​គតិយុត្តិ​ដែល​មាន​ចែង​ជា​ធរមាន ។

លោក ឡុ​ង ឌី​ម៉​ង់ អភិបាលរង​នៃ​គណៈ​អភិបាលខេត្ត​ព្រះ​សីហ​នុ ទទួល​បន្ទុក​ជា​អ្នកនាំពាក្យ​រដ្ឋ​បាល​ខេត្ត​ព្រះ​សីហ​នុ​បាន​បញ្ជាក់​ថា ចំពោះ​ទីតាំង​ដែល​ចាក់​ថ្ម​លុប​ឆ្នេរ និង​ចាក់​ចូល​សមុទ្រ​នេះ គឺជា​គម្រោង​វិនិយោគ​របស់​ក្រុមហ៊ុន យូ​ណា​ន ជី​ង​ចេ​ង ខូ​អិ​ល​ធី​ឌី ហើយ​ត្រូវ​បាន​រាជរដ្ឋាភិបាល​សម្រេច​ផ្តល់​សិទ្ធិ​វិនិយោគ និង​ត្រូវ​បាន​ក្រសួង​ដែនដី​នគរ​រូប​នី​យ​កម្ម និង​សំណង់ ចុះហត្ថលេខា​ដោយ​ឯកឧត្តម តឹក រ៉េ​ត រដ្ឋលេខាធិការ​ក្រសួង​ដែនដី​នគរូបនីយកម្ម និង​សំណង់ បាន​សម្រេច​ឲ្យ​ក្រុមហ៊ុន​ចិន​ខាងលើ មាន​សិទ្ធិ​អភិវឌ្ឍន៍​នៅ​ចំណុច​ឆ្នេរ​អូរ​ត្រេះ ស្ថិត​ក្នុងភូមិ​៦ សង្កាត់​លេខ​៤ ក្រុងព្រះសីហនុ ក្នុង​ទំហំ​ផ្ទៃដី​ជាង​៨​ហិ​កតា ។ ទោះបីជា​បែប​ណា ប្រហែល​មិន​បាន​ផ្ដល់​សិទ្ធិ​ឱ្យ​លុប​សមុទ្រ​បំផ្លាញ​ឆ្នេរ​បែប​នេះ​ទេ ។

មហាជន​និយាយ​ថា បណ្ដោយ​ឱ្យ​ចាក់​ដី ចាក់​ថ្ម​បាន​ប៉ុណ្ណេះ​ហើយ បែរជា​ឱ្យ​កាយ​ចេញ វិញ​…​ច្បាស់​ជា​«​មេឃ​»​ឯណោះ ។ ហ៊ាន​ទាយ​ទុក​មុន​ថា បទបញ្ជា​ឱ្យ​កាយ​ចេញ​មិន​ខុស​ពី​ក្រដាសអនាម័យ​ឡើយ​…​ចាំ​មើល​កាយ​ចេញ​ដែរ​ឬ​អត់ ?​…​ហេ​! ហេ​!

អត្ថបទសរសេរ ដោយ

កែសម្រួលដោយ