ADផ្ទាំងផ្សព្វផ្សាយពាណិជ្ជកម្ម

Picture

សម្តេច​តេ​ជោ ទម្លាយ​ថា បាន​ធ្វើការ​ជាមួយ​ថ្នាក់ដឹកនាំ CIA តាំង​តែ​ពី​ឆ្នាំ​១៩៩៧ មក​ម្ល៉េះ

1 ខែ មុន

រាជធានី​ភ្នំពេញ ៖ សម្តេច​តេ​ជោ ហ៊ុន សែន ប្រធាន​ព្រឹទ្ធសភា និង​ជា​ប្រធាន​គណបក្ស​ប្រជាជន​កម្ពុជា បាន​ទម្លាយ​ថា សម្តេច​បាន​ធ្វើការ​ជាមួយ​ថ្នាក់ដឹកនាំ CIA…

រាជធានី​ភ្នំពេញ ៖ សម្តេច​តេ​ជោ ហ៊ុន សែន ប្រធាន​ព្រឹទ្ធសភា និង​ជា​ប្រធាន​គណបក្ស​ប្រជាជន​កម្ពុជា បាន​ទម្លាយ​ថា សម្តេច​បាន​ធ្វើការ​ជាមួយ​ថ្នាក់ដឹកនាំ CIA តាំង​តែ​ពី​ឆ្នាំ​១៩៩៧ មក​ម្ល៉េះ ។

ការ​ទម្លាយ​រឿង​សម្ងាត់​ជា​ចំហរ​នេះ បន្ទាប់​ពី​កាសែត The Diplomat បាន​ចេញផ្សាយ ថា លោក Bill Burns នាយក CIA មិន​បាន​ជួប​ជាមួយ លោក ហ៊ុន សែន ទេ ដូចដែល​សម្តេច​បាន​លើក​ឡើង​កាលពី​ប៉ុន្មាន​ថ្ងៃមុន ។

យោង​តាម​បណ្តាញ​សង្គម​របស់​សម្តេច នៅ​យប់​ថ្ងៃ​ទី​១២ ខែមិថុនា ឆ្នាំ​២០២៤ សម្តេច​តេ​ជោ បាន​សរសេ​យ៉ាង​ដូច្នេះ​ថា ៖ ” បើ​ស្គាល់ ហ៊ុន សែន មិន​ច្បាស់​ទេ សូមកុំ​លេង​ជាមួយ ហ៊ុន សែន​” ។

សម្តេច​តេ​ជោ បាន​លើក​ឡើង​ថា ថ្ងៃ​១២ ខែមិថុនា ឆ្នាំ​២០២៤​នេះ លោក ដេ​វីត ហួត (David Hutt) សរសេរ​ផ្សាយ​នៅ​លើ​កាសែត The Diplomat ថា លោក Bill Burns នាយក CIA មិន​បាន​ជួប​ជាមួយ លោក ហ៊ុន សែន ទេ ដូចដែល​ខ្ញុំ​បាន​លើក​ឡើង​កាលពី​ប៉ុន្មាន​ថ្ងៃមុន ដែល​ខ្ញុំ​បាន​និយាយ​ទៅ​កាន់​អគ្គនាយក CIA កាលពី​ថ្ងៃ​ទី​២ ខែមិថុនា ឆ្នាំ​២០២៤ ។

ដើម្បី​អស់​ច​ម្ង​ល់ សម្តេច​តេ​ជោ​បាន​គូសបញ្ជាក់​ថា ៖ “​តាម​អ្វី​ដែល​លោក Hutt លើក​ឡើង​សំដៅ​ថា ខ្ញុំ​ភ័ន្ត​ច្រឡំ ។ ខ្ញុំ​គួរតែ​និយាយ​ដោយ​ចំហ​រថា ខ្ញុំ​បាន​ធ្វើការ​ជាមួយ​ថ្នាក់ដឹកនាំ CIA តាំង​តែ​ពី ឆ្នាំ​១៩៩៧ មក​ម្ល៉េះ​” ។

ជាមួយ​គ្នា​នោះ​ដែរ សម្តេច​តេ​ជោ បាន​រៀបរាប់​ថា ជំនួប​ដែល​សំខាន់​គឺ​នាយក​ចារកម្ម​ជាតិ (National Intelligence) លោក James Clapper ជួប​ឆ្នាំ​២០១១ នៅផ្ទះ​រាជធានី​ភ្នំពេញ ។

ឆ្នាំ​២០១២ ជួប​ជាមួយ នាយក CIA លោក David Patraeus នៅផ្ទះ​រាជធានី​ភ្នំពេញ និង​ជំនួប​ចុង​ក្រោយ​ជាមួយ​នាយក CIA លោក Bill Burns ឆ្នាំ​២០២៤ នៅផ្ទះ​ទីក្រុង​តា​ខ្មៅ ។

ជាមួយ​គ្នា​នោះ​ដែរ សម្តេច​តេ​ជោ​បាន​ក៏​បាន​ឲ្យ​ដឹង​ថា ករណី​មិន​មានការ​ជួប​គ្នា​ផ្ទាល់ ខ្ញុំ​ក៏​បញ្ជូន​តំណាង​របស់ខ្ញុំ​ទៅ​ជួប​ថ្នាក់ដឹកនាំ CIA នៅ​ទីក្រុង​វ៉ា​ស៊ី​ន​តោន រាប់​ទាំង​លោក Mike Pompeo ដែល​ក្រោយមក​ក្លាយជា​រដ្ឋមន្ត្រី​ការ​បរទេស​របស់​អា​មេ​រិ​ក ជំនាន់​ប្រធានាធិបតី ដូ​ណា​ល់ ត្រាំ ។

សម្តេច​តេ​ជោ ក៏​បាន​គូសបញ្ជាក់​ទៀត​ថា ៖ “​កិច្ចសហការ​សំខាន់​របស់​យើង គឺ​ប្រឆាំង​ភេ​វរ​កម្ម ដែល​មិនមែន​ជា​កិច្ចសហការ​ប្រឆាំង​ប្រទេស​មួយ​ណា​ឡើយ ។ កម្ពុជា​ក៏​មាន​កិច្ចសហការ​ផ្នែក​ចារកម្ម​ជាមួយ​ប្រទេស​ផ្សេង​ទៀត ព្រោះ​នេះ​ជា​ដំណើរ​ធម្មតា នៃ​រដ្ឋ​មួយ ដែល​មាន​អធិបតេយ្យភាព ។

អតីត​នាយក​រដ្ឋមន្ត្រី​កម្ពុជា ដែល​ប៉ិនប្រសព្វ​ស្ទើរ​គ្រប់​យុទ្ធសាស្ត្រ ក៏​បាន​គូសបញ្ជាក់​បន្ថែម​ថា ៖ “​ឃើញ​ទឹក​ស្ងប់​កុំ​គិត​ថា ក្នុង​ទឹក​គ្មាន​ត្រី​។ ពេល ហ៊ុន សែន មិន​និយាយ​កុំ​គិត​ថា ហ៊ុន សែន មិន​ចេះ​និយាយ​” ៕

អត្ថបទសរសេរ ដោយ