ADផ្ទាំងផ្សព្វផ្សាយពាណិជ្ជកម្ម

Picture

អេ​ស្ប៉ា​ញ ហាក់​ចាប់អារម្មណ៍ នឹង​វិស័យ​ទេសចរណ៍ ថាមពល ឱសថ និង​ហេដ្ឋារចនាសម្ព័ន្ធ

1 អាទិត្យ មុន

ប្រទេស​អេ​ស្ប៉ា​ញ ៖ នៅ​ក្នុង​បេស​កម្ម​គោះ​ទ្វារ​ស្វែងរក​ការ​បណ្តាក់ទុន​នៅ​សហភាព​អឺរ៉ុប មន្ត្រី​ជំនាញ​អេ​ស្ប៉ា​ញ ហាក់​ចាប់អារម្មណ៍ នឹង​គម្រោង​មួយ​ចំនួន ដែល​រួម​មាន វិស័យ​ទេសចរណ៍ ថាមពល​កកើត​ឡើង​វិញ ឱសថ…

ប្រទេស​អេ​ស្ប៉ា​ញ ៖ នៅ​ក្នុង​បេស​កម្ម​គោះ​ទ្វារ​ស្វែងរក​ការ​បណ្តាក់ទុន​នៅ​សហភាព​អឺរ៉ុប មន្ត្រី​ជំនាញ​អេ​ស្ប៉ា​ញ ហាក់​ចាប់អារម្មណ៍ នឹង​គម្រោង​មួយ​ចំនួន ដែល​រួម​មាន វិស័យ​ទេសចរណ៍ ថាមពល​កកើត​ឡើង​វិញ ឱសថ វិស័យ​ហេដ្ឋារចនាសម្ព័ន្ធ​ដឹក​ជញ្ជូន ពិសេស​ហេដ្ឋារចនាសម្ព័ន្ធ​ប្រព័ន្ធ​ចម្រោះ​ទឹក​កខ្វក់​ជាដើម ។

លោក ស៊ុន ចាន់​ថុ​ល ឧបនាយករដ្ឋមន្ត្រី និង​ជា​អនុប្រធាន​ទី​១ ក្រុមប្រឹក្សា​អភិវឌ្ឍន៍​កម្ពុជា បាន​ឲ្យ​ដឹង​នៅ​ថ្ងៃ​ទី​១០ ខែមិថុនា ឆ្នាំ​២០២៤ តាម​បណ្តាញ​សង្គម​របស់​លោក​ថា ក្នុង​ដំណើរ​បេសកកម្ម​គោះ​ទ្វារ​វិនិយោគ នៅ​សហភាព​អឺរ៉ុប​នៅ​ថ្ងៃនេះ លោក​បាន​ជួប​លោកស្រី អំ​ប៉ា​រ៉ូ ឡូ​ប៉េ សេ​ណូ​វីឡា (Amparo Lopez Senovilla) រដ្ឋលេខាធិការ​ទទួល​បន្ទុក​ពាណិជ្ជកម្ម នៃ​ក្រសួងពាណិជ្ជកម្ម ព្រះរាជាណាចក្រ​អេ​ស្ប៉ា​ញ​។

នៅ​ក្នុង​ជំនួប​នោះ បាន​ជម្រាប​ជូន​លោកស្រី រដ្ឋលេខាធិការ អំពី​សក្តានុពល​វិជ្ជមាន​របស់​ព្រះរាជាណាចក្រ​កម្ពុជា មាន​ជា​អាទិ៍ ស្ថិរភាព​នយោបាយ ស្ថិរភាព​ម៉ាក្រូសេដ្ឋកិច្ច កម្លាំង​ពលកម្ម​កម្ពុជា ដែល​មាន​ភាព​វ័យក្មេង ប្រកបដោយ​ថាមពល និង​ថាមវន្ត មាន​រាជរដ្ឋាភិបាល​ដែល​គាំទ្រ​ដល់​ធុរកិច្ច មាន​របប​វិនិយោគ ដែល​មាន​ភាព​អនុគ្រោះ និង​ភាព​ប្រទាក់ក្រឡា នៃ​ហេដ្ឋារចនាសម្ព័ន្ធ​អន្តរ​មធ្យោបាយ​កម្ពុជា​ដែល​បាន​និង​កំពុង​ផ្ដល់​ឱកាស​ឱ្យ​វិនិយោគិន បណ្ដាក់ទុន​វិនិយោគ​បាន​ផង​ដែរ ។

បន្ថែម​ពី​នេះ លោក​ឧបនាយករដ្ឋមន្ត្រី បាន​រំពឹង​ថា ព្រះរាជាណាចក្រ​កម្ពុជា និង​ព្រះរាជាណាចក្រ​អេ​ស្ប៉ា​ញ អាច​ពិនិត្យ​រៀបចំ​ឱ្យ​មាន​សន្ធិសញ្ញា​វិនិយោគ​ទ្វេភាគី សំដៅ​បង្ក​ភាព​ងាយស្រួល​ដល់​ការ​វិនិយោគ និង​ទំនាក់ទំនង​ផង​ដែរ ។

នា​ឱកាស​នោះ លោកស្រី រដ្ឋលេខាធិការ បាន​បង្ហាញ​ការ​ស្វាគមន៍​ជូន​ចំពោះ​លោក​ឧបនាយករដ្ឋមន្ត្រី និង​គណៈប្រតិភូ​កម្ពុជា ចំពោះ​ដំណើរ​ទស្សនកិច្ច ក្នុង​ប្រទេស​អេ​ស្ប៉ា​ញ​នា​ឱកាស​នេះ ព្រមទាំង​បាន​បង្ហាញ​ចំណាប់អារម្មណ៍ ដែល​វិនិយោគិន​អេ​ស្ប៉ា​ញ អាច​វិនិយោគ​លើ​វិស័យ​ទេសចរណ៍ ថាមពល​កកើត​ឡើង​វិញ ឱសថ វិស័យ​ហេដ្ឋារចនាសម្ព័ន្ធ​ដឹក​ជញ្ជូន ពិសេស​ហេដ្ឋារចនាសម្ព័ន្ធ​ប្រព័ន្ធ​ចម្រោះ​ទឹក​កខ្វក់ និង​វិស័យ​ផ្សេង​ៗ​មួយ​ចំនួន​ទៀត នៅ​កម្ពុជា​ផង​ដែរ ៕

អត្ថបទសរសេរ ដោយ